25 muntu ulibombya pakulwiita beshikumupikisha, mukwishiba kwaamba ayi mpashi Lesa inga wabapa ciindi cakusanduka kuswa kushibiibi shabo akwishiba shalushinisho.
Nobamakwesu, ono na umwi mulikoto lyanu wacita cibiibi cimwi cili coonse, mwebo nomutanjililwa aMushimu Usalashi mulyeelete kumululamika. Mulyeelete kucita boobo cakulibombya, sombi amwebo mucenjele kwaamba ayi mutawiti mumasunko.
Ono ndibakanyumfwa makani aya, bakacileka kumutongooka. Mpeeke bakatalika kulumbaisha Lesa, kabaamba ayi, “Anu Lesa wapa abaswamashi bakunsengwe coolwe cakusanduka kuswa kushibiibi shabo kwaamba ayi babe abuumi!”
uyo usuni kwaamba ayi bantu boonse bakapulushikwe akwishiba shalushinisho.
Sombi mumyoyo yanu kamulemeka Klistu mukwiinga ngoMwaami wanu. Munoolibambite lyoonse kusansulwita muntu uli woonse weenga wamwiipusha pakulangila nkomucite, sombi kamusansulula cakulibombya alimwi akumulemeka.
Ono na umwi wabona mubye kaacita cibiibi citatoli kulufu, amupailileeko kwaamba ayi Lesa amupe buumi. Ntokwaambabo bacita shibiibi shitatoli kulufu. Sombi nkocili cibiibi citola kulufu, aboobo nshintokwaamba ayi inga wapailila mubye pali ncico.
Paceebo ceeco, sanduka kuswa kucibiibi ici ncootooyeeya. Senga kuMwaami kwaamba ayi mpashi inga wakulekelela.
Banakashi aba bakakatila kwiiya lyoonse, sombi balaalilwa kunyumfwishisha shalushinisho.
Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.
Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.
Ndime Paulo musebenshi wakwe Lesa alimwi mutumwi wakwe Jesu Klistu. Ndakasalwa kwaamba ayi njumye lushomo lwa baabo Lesa mbwaakasala akubatanjilila mukwishiba shalushinisho isho shiletela buumi bwa buLesa.
KubaJuda abaswamashi bakunsengwe boonse, ndakalinga kubakonkomesha ayi balyeelete kusanduka kuswa kushibiibi shabo akusandukila kuli Lesa kwiinda mukushoma muMwaami wesu Jesu.
Sombi Lesa wakamusumpula akumubika kulubasu lwakwe lwalulyo ayi abe Mwaami alimwi aMupulushi. Wakacita boobo ayi bantu ba muIsilaeli babe aciindi cakusanduka kuswa kushibiibi shabo, balekelelwe.
Pita wakabakumbula ayi, “Amusanduke kuswa kushibiibi shanu, mubombekwe muliina lyakwe Jesu kwaamba ayi Lesa amulekelele akumupa Mushimu Usalashi.
Teshi kwaamba ayi ndisuni bukamboni kuswa kubantu, sombi ntokwaamba shintu ishi ayi mupulushikwe.
Wakaamba ayi, “Ciindi ceelete cashikila. Bweene bwakwe Lesa buli pafwaafwi. Amusanduke kuswa kushibiibi shanu, mushome Makani Abotu!”
Lyalo mulaakwiibaluka nshila shanu shibiibi amicito yanu ibiibi alimwi mulaakulisenda ceebo ca shibiibi shanu ashintu nshemwakalinga kucita shilensha bunya.
Ubalwiite ayi batanokwaambila muntu shibiibi nabi womwi, sombi kuba beshiluumuno, beshikulibombya alimwi bacite bulemu kumuntu woonse.
Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.
Batumwi ndibakanyumfwa makani aya, bakenjila muŊanda yakwe Lesa akutalika kwiisha. Ono mupailishi munene abeshikumucafwa bakeeta bamaloba ba baJuda ayi babe alibungano lya nkuta. Lyalo bakatuma bantu kuntolongo mukuleta batumwi kwaamba ayi boomboloshekwe.
Ndaakubapa myoyo ipya alimwi atulango tupya. Ndaakukusha myoyo yabo iyumu anga ngamabwe akubapa myoyo inyumfwila ndime.
Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.
Mukwiinga Joni Mubombeki wakesa mukumutondesha nshila ya bululami, ono mwebo tamukwe kumushoma. Basonkenshi abafuule bakamushoma, sombi mwebo nabi ndimwakabona boobo, tamukwe kusanduka kuswa kushibiibi shanu akumushoma.”
“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.
Ndaakumupa myoyo ipya alimwi atulango tupya. Ndaakukusha myoyo yanu iyumu anga ngamabwe akumupa myoyo inyumfwila ndime.
“Paceebo ceeco webo omuntu, longela shintu shako anga ngumuntu utooya mubusha. Ono lumwi lubala, boonse kabakubwene, ukanyamuke kuswa kooko nkoobete akuya kumusena umwi. Mpashi inga beshiba nakubi kwaamba ayi mbantu baashu.
