2 Timoti 1:3 - Baibo Busansulushi Bwa Libuku Ili

³ Ndalumba Lesa uyo ngoonsebensela amiyeeyo iluleme bweenka bwakalinga kucita bamashali bangu basankwa bakulukulu. Ndamulumba lyoonse ndinkuyeeya mumipailo yangu mashiku amalumwi.

2 Timoti 1:3 교차 참조

Bene Ebulu 13:8

Jesu Klistu taasandooki. Bweenka mbwaakalinga ciilo, asunu mbwaabete alimwi mbweshi akabe myaaka yamuyayaya.

Milimo ya Batumwi 23:1

Mpomunyaawo Paulo wakalangilishisha beshinkuta akwaamba ayi, “Nobamakwesu, nshintootonsha mumoyo wangu kwaamba ayi ndekala buumi bululeme lyoonse pameenso akwe Lesa kushikila asunu.”

Milimo ya Batumwi 24:14

Sombi ntoosumina pameenso anu ayi ndalambila Lesa wakalinga kulambila bamashali besu bakulukulu kwiinda mukushoma Nshila njebaamba ayi njakubeca. Ndashoma ashoonse shilembetwe muMilawo yakwe Mose alimwi amabuku a balaluki bakulukulu.

1 Timoti 1:19

akutolelela kushoma amiyeeyo iluleme. Bamwi tabakwe kunyumfwila miyeeyo yabo iluleme, aboobo lushomo lwabo lwakanyonyooka.

1 Timoti 1:5

Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

Milimo ya Batumwi 24:16

Paceebo ceeco, ndeelesha lyoonse kwikala buumi bubotu pameenso akwe Lesa alimwi abantu.

Milimo ya Batumwi 22:3

“Nebo ndi muJuda, ndakashalilwa mundabala ya Tasasi mucishi ca Silisiya, sombi ndakakulila momuno mundabala inene ya Jelusalemu. Gamalyelo ngowakalinga kunjiisha. Wakanjiisha kabotu kabotu bwakukonkela Milawo yakapekwa bamashali besu bakulukulu alimwi ndakalinga ndalibenga kusebensela Lesa bweenka mbuli mbomubete noonse nomuli waano.

2 Timoti 3:15

alimwi uleebaluka kwaamba ayi kuswa kubwanike ulishi Malembo akwe Lesa asalalite, ayo akonsha kukupa busongo bweenga bwakuletela lupulusho kwiinda mukushoma Klistu Jesu.

2 Timoti 1:5

Ndeebaluka lushomo lwako lwancinencine. Lushomo ulo lwakalinga muli bankambiyako banakashi baLoisi abanyoko baYunisi, alimwi ndishi kwaamba ayi moluli amuli ndiwe.

1 Bene Tesalonika 3:10

Malumwi amashiku tulamusenga camoyo woonse kwaamba ayi atusuminishe kubonanaawo amwebo alimwi. Tulisuni kumupa sheesho nshemutana kubaasho mulushomo lwanu.

Bene Efeso 1:16

ndalumba Lesa lyoonsebo ceeco ca ndimwe. Ndamwiibaluka mumipailo yangu.

Bene Galatiya 1:14

Nebo ndakalinga kwiinda beensuma boonse mukukonkela kwiisha kwa baJuda. Ncakwiila ndakalinga muyumu abuumbi mukukonkela kwishibila kwa bakulukulu.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Bene Loma 9:1

Nshentokwaamba nshalushinisho alimwi nshibeci ceebo ndi wakwe Jesu Klistu. Moyo wangu, uyo weendeleshekwa aMushimu Usalashi, awalo ulandwiita ayi nshintoobeca

Milimo ya Batumwi 27:23

Mukwiinga mashiku Lesa uyo unyeendelesha alimwi ngoonambila, watuma munjelo wakwe kuli ndime.

Milimo ya Batumwi 26:4

“BaJuda boonse balishi buumi bwangu kuswa kubwanike. Balishi mbondakalinga kwikala kumatalikilo mucishi cine misheesu alimwi amuJelusalemu.

Luka 2:37

Paciindi ico wakalinga kucite myaaka makumi osanwe aotatwe alimwi ayone. Ciindi coonse ici wakalinga kuya kuŋanda yakwe Lesa. Wakalinga kupaila kuli Lesa mashiku amalumwi alimwi wakalinga kuba aciindi cakulikasha kulya.

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

1 Timoti 5:5

Mukalubinje mwanakashi utacite beshikumucafwa nabi beshikumulama, wakabika kulangila kwakwe muli Lesa alimwi ulatolelela kupaila akumusenga shalucafwo lwakwe mashiku amalumwi.