2 Samwelo 9:3 - Baibo Busansulushi Bwa Libuku Ili

³ Lyalo mwaami wakeepusha ayi, “Sa kuliwo ucaalite pabamuŋanda yakwe Saulo uyo ngweenga ndatondesha nkumbu bweenka mbondakashomesha Lesa?” Siba wakakumbula mwaami ayi, “Nkwaali mwanaakwe Jonasani musankwa. Ngumulema myeendo yoonse yobilo.”

2 Samwelo 9:3 교차 참조

2 Samwelo 4:4

Ono alakwe Jonasani mwanaakwe Saulo wakalinga kucite mwaana musankwa uyo wakalinga mulema myeendo. Wakalinga kucitebo myaaka yosanwe paciindi cikani cakwaamba ayi Saulo aJonasani bacaikwa ndicakashika kuswa kuJesiliilu. Mpeeke shikumulela wakamubwesa ayi aloboke. Sombi ndyaakalinga kulibambila calubilolubilo ayi anyamuke, mwaana uyo wakaloka, lyalo wakalemana. Liina lyakwe wakalinga nguMefibosheti.

Luka 6:36

Amube ankuumbu bweenka mbuli Ishiwanu wa kwiculu.

Dutolonomi 10:15

Ono lusuno lwa Mwaami Lesa pabamashali banu bakulukulu lwakalinga lunene abuumbi, cakwaamba ayi wakasala mwebo kuba bantu bakwe kuleka bamwi boonse alimwi mucili bantu bakwe asunu.

2 Samwelo 19:26

Alakwe wakakumbula ayi, “Nkambo nobaami bangu, mbweeke mbomwishi kale ayi ndi mulema myeendo, ndakaambila musebenshi wangu ayi ambikileko cakwikalaawo pambongolo yangu kwaamba ayi nyendeleewo nooya amwaami. Sombi Siba musebenshi wangu nkunyinda kumaano

Dutolonomi 4:37

Ceebo ca bamashali banu bakulukulu, wakamusala alimwi kwiinda munkusu shakwe shinene wakamukusha mucishi ca Ijipiti.

2 Samwelo 9:7

Defedi wakaamba ayi, “Utaloondi mukwiinga ndushinisho ndyeelete kukutondesha nkumbu ceebo ca baiso baJonasani. Ndakubooshesha luundu loonse lwakalinga lwa bankambiyako baSaulo alimwi ulaakunoolya tebulu yomwi anebo.”

2 Samwelo 9:13

Lyalo Mefibosheti, uyo wakalinga mulema myeendo yoonse yobilo, wakalinga kwikalabo muJelusalemu ceebo lyoonse wakalinga kulita kuŋanda ya mwaami Defedi.

2 Samwelo 19:27

akwisa mukubisha liina lyangu nemusebenshi wanu kuli ndimwe nobaami bangu. Ono mwebo nkambo busongo mbomucite bulibo anga mbwa munjelo wakwe Lesa, anu amucite cili coonse ceshi cimukoonde.