2 Samwelo 3:39 - Baibo Busansulushi Bwa Libuku Ili

³⁹ Sunu nakubi kwaamba ayi ndime mwaami wakasalwa aMwaami Lesa kwiinda mukunanikwa mafuta, ndalinyumfwa kuuba, alimwi bana bakwe Seluiya aba banjumina abuumbi. Mwaami Lesa aalambule bakapondo aba kweelana amicito yabo ibiibi!”

2 Samwelo 3:39 교차 참조

Kulumbaisha 101:8

Bushiku abushiku ndaakunyonyoola bantu babiibi mucishi. Ee, ndaakulobya boonse bamucita shibi mundabala inene ya Mwaami Lesa.

Kulumbaisha 28:4

NobaLesa amubalambule kweelana amicito yabo, ncakwiila kweendelana akubica kwa milimo yabo. Amubacitile kweelana abweelete shintu nshebacita, ee, kubabooshesha cilambu ncebeelete kupekwa.

2 Timoti 4:14

Alekisanda shikufula sheela wakambishisha abuumbi. Mwaami Lesa ulaakumupa mulandu weelete kweelana ancaakacita.

Bene Loma 13:4

Ceebo mweendeleshi ngumusebenshi wakwe Lesa utoosebensela kucafwa ndiwe. Ono na ulacita shibiibi ncakwiila ulyeelete kumuloonda mukwiinga ulicite nkusu shakukupa mulandu. Anu mweendeleshi ngumusebenshi wakwe Lesa uyo upa mulandu bacita shibiibi mumusena wakwe Lesa.

Tushimpi 25:5

Amukushe bacinenenene bacita shibiibi kunembo lya mwaami, lyalo bwaami bwakwe bulaakunokweendeleshekwa cabululami.

Kulumbaisha 62:12

Cimwi ncakwaamba ayi noBaami baLesa mulicite lusuno. Ncakwiila mulaakulambula muntu womwi awomwi kweelana asheesho nshaakacita.

Isaya 7:4

Mwamucana mumwaambile ayi acenjele alimwi ekalike moyo. Ataloondi nabi kutyompwa kuyeeya bukali bwabo. Bukali bwa mwaami Lesini abantu bakwe bene Silya alimwi abwakwe Peka mwanaakwe Lemaliya bwamana ncito akubabo anga mbwiishi butoosuntookabo kushishiki shobilo.

Tushimpi 20:8

Mwaami ndyeekala pacuuna cakwe ca bwaami pakoombolosha, ulapupulushabo bubi boonse ameenso akwe.

Kulumbaisha 75:10

Nkusu sha bamucita shibi ulaakushikoma. Sombi nkusu sha baluleme shilaakufushikwa.

Kulumbaisha 7:16

Bubi bwakwe bulamuboolela mwiine, bukali bwakwe bulamulokela pamutwi wakwe.

1 Makani 22:5

Lyalo Defedi wakayeeya ayi, “Ŋanda yakwe Lesa iyo mwanaangu Solomoni njeshi akayake ilyeelete kubota abuumbi alimwi ikankamika bamucishi coonse ca panshi. Sombi mwanaangu ucili mwanike alimwi taana kuba alushibo. Ono nebo ndyeelete kutalika kulibambila.” Mpomunyaawo Defedi wakabamba shintu shiinji shakuyakisha kaatana kufwa.

2 Samwelo 19:13

Amasa lakwe mumulwiite ayi, ‘Webo tuli bulowa bomwi. Ono Mwaami Lesa ampe mulandu nabi unene cili buyani na kuswa sunu webo teshi ube mutanjilili wa likoto lya bashilumamba bangu mumusena wakwe Joabu.’ ”

Kulonga 21:12

“Uyo woonse weenga wooma muntu, ono pesule uyo woomwa wafwa, alakwe ulyeelete kucaikwa.

2 Samwelo 3:38

Lyalo mwaami Defedi wakaambila bashilumamba bakwe ayi, “Sa tamubwene kwaamba ayi bushiku bwa sunu muno mucishi ca Isilaeli mwafwa musankwa mwiine mwiine alimwi mulemu?

2 Samwelo 16:10

Sombi mwaami wakaamba ayi, “Mwebo nobana bakwe Seluiya tamubeteko lubasu kumakani aya. Na utooncobola ceebo cakwaamba ayi Mwaami Lesa wamulwiita boobo, ngani ucite nkusu shakumwiipusha ncaatoocitila boobo?”

2 Samwelo 19:22

Sombi Defedi wakakumbula ayi, “Mwebo nobana bakwe Seluiya tamubeteko lubasu kumakani aya. Ndime ndaba mwaami wa Isilaeli sunu alimwi taaku mwine Isilaeli eshi acaikwe sunu.”

1 Baami 2:32

Mwaami Lesa utooboosha cishole kuli Joabu ceebo cakucaya uko nkwaakacita cakutashibisha mwaami Defedi. Joabu wakacaya basankwa bobilo abo bakalinga kuyandika kwiinda nguwe. Meena abo nguAbina mwanaakwe Na, mutanjilili wa bashilumamba bene Isilaeli alimwi aAmasa mwanaakwe Jeta, mutanjilili wa bashilumamba bene Juda.

1 Makani 29:1

Mpomunyaawo mwaami Defedi wakaambila bantu boonse ayi, “Mwanaangu Solomoni uyo Lesa ngwaakasala ucili mwanike alimwi taana kuba alushibo. Mulimo uyu ngunene mukwiinga teshi kuyaka ŋanda ya bwaami ya muntu wa pacishi cino, sombi niŊanda ya Mwaami Lesa, Lesa wesu.

2 Makani 13:7

Wakabunganya bantu bataaku mbobabete batanyumfwi abo bakakakatisha Leoboamu mwanaakwe Solomoni kucita mbobakalinga kusuni. Paciindi ico Leoboamu wakalinga mwanike alimwi kaatacite lushibo kwaamba ayi abakakile.

Jelemiya 38:5

Lyalo mwaami Sedekiya wakabaambila ayi, “Muntu uyu uli mumaansaanu. Nebo nshicite nkusu sha kumukasha.”

Danyelo 6:16

Paceebo ceeco mwaami wakaamba ayi Danyelo aacatwe akuwaalwa mucilindi ca nkalamu. Nakubi boobo wakaambila Danyelo ayi, “Lesa wako, uyo ngoosebensela cakushomeka, aakupulushe.”

Shakubelenga 32:23

Sombi na mubule kucita kweelana ambomwashomesha, ntoomucenjeshaako ayi mulaakubisha kuMwaami Lesa. Ncakwiila nabi kukabe buyani mulaakupekwa mulandu ceebo cakubisha kwanu uko.

Boomboloshi 9:57

Lesa wakapilushisha cibiibi abantu ba kuShekemu kweelana amaswi akwe Jotamu mwanaakwe Gidyoni ngaakaamba ndyaakabashingana.

1 Baami 2:9

Sombi utakamulekibo. Ulishi cakucita, ulyeelete kubona ayi uyu muntu wacaikwa.”

Isaya 3:11

Sombi mapensho kubamucita shibi! Balo balaakunyonyoolwa. Nshebakalinga kucita kubamwi, shilaakuboolela mbabo.