7 Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.
Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.
Lyalo ndakapaila kuMwaami Lesa ayi, “NoBaami baLesa, ndamusenga amumfuune.”
“Ndindakanyumfwa ayi ntooya citula moyo, ndakapaila kuli ndimwe noBaami baLesa, alimwi mwakanyumfwa mupailo wangu muŋanda yanu isalalite.
Ndalilila Mwaami Lesa mumapensho angu, ncakwiila alakwe ulancafwa.
Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.
Mwaami Lesa uli muŊanda yakwe isalalite aboobo bantu boonse ba mucishi ca panshi aboomunebo tontolo kunembo lyakwe.
Mupenshi ndyaakasenga, Mwaami Lesa wakamukumbula akumanisha mapensho akwe oonse.
Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.
Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.
Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.
Ndakaamba ayi, ‘Ndatandaanishikwa pameenso anu, nakubi boobo, ndaakulangilisha alimwi kuŊanda yanu isalalite.’
Ceebo cakupenshekwa bunene mumoyo, wakapaila cankusu kwiinda pakutaanguna. Lyalo nkasaalo yakwe yakalinga anga njimindoondo ya bulowa itoolokela panshi.]
Lyalo bakalilila Mwaami Lesa ceebo ca mapensho abo. Ncakwiila alakwe wakabafuna kuswa mubuumba bwabo.
