2 Samwelo 14:25 - Baibo Busansulushi Bwa Libuku Ili

²⁵ Ono mucishi ca Isilaeli coonse temwakalinga musankwa wakalinga kulumbaishikwa pakuboneka kabotu mbuli Abusalomu. Taakalinga kucitewo kampenda kuswabo kumutwi kushika akumyeendo.

2 Samwelo 14:25 교차 참조

Isaya 1:6

Ncakwiila kuswabo kumutwi kushikila akushimpanta, taaku nabi pomwi pali kabotu. Mubili woonse uliswitebo shuumo ashiloonda shiceneme. Tashisanshitweewo, tashipombeletwewo shisani nabi kunanikwabo mafuta ayi shibombele.

Jobo 2:7

Mpomunyaawo Satana wakaswaawo pameenso a Mwaami Lesa akuya mukupa Jobo shilonda mubili woonse.

Dutolonomi 28:35

Mwaami Lesa ulaakulengesha ayi myeendo yanu ikakumanebo shuute sheshi shikanoocisa abuumbi alimwi shitashilikiki. Shilaakutumba mubili woonse, kuswa kushimpanta kushikila akumutwi.

Bene Efeso 5:27

Wakasuna ayi coonde cibe caakwe mwiine abulemu bwa ncico, cibe anga ngumuntu utacite kampenda nabi bubi buli boonse, utacite cintu nabi comwi cakumubisha, sombi kacisalalite alimwi kaciluleme.

Mateyo 23:27

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Muli anga nshuumbwe nshebakashingula, shiboneka kabotu pansengwe, sombi mukati kamuswitebo shifuwa sha bantu bakafwa ashimwi shibiibi shoonse.

Tushimpi 31:30

Kacawa kalacenjeeka akwalo kuboneka kabotu kulamana sombi mwanakashi ulemeka Mwaami Lesa ulyeelete kulumbaishikwa.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

1 Samwelo 9:2

Uyo musankwa wakalinga kucite mwaana wiitwa ayi Saulo. Wakalinga musankwa mubotu ciwa abuumbi. Saulo wakalinga mulaamfu pabamwi boonse muIsilaeli alimwi ngowakalinga kwiindaawo kubota ciwa.

Danyelo 1:4

Bacikula bwangu abo balyeelete kuba bantu batacite kampenda nabi komwi mumibili yabo, baboneka kabotu, bacenjete, bacite lushibo, beeite alimwi bacite nkusu shakusebensa muŋanda ya mwaami. Ashipenasi wakapekwa mulimo wakubeeisha kulemba akubelenga mulaka wine Babiloni.

1 Baami 1:6

Defedi ishi taakwe kumupilinganya mukumwiipusha ayi, “Ino utoocitilanshi bobulya?” Adonija wakalinga musankwa mubotu ciwa abuumbi alimwi ngowakalinga kukonkela Abusalomu mukushalwa.

Esekelo 23:15

kabafwete amikopo mumakome abo ashisani shakufwala kumitwi shibotu. Boonse bakalinga kuboneka anga mbamatanjilili ba bashilumamba beshikulwanina pamaaki ba kucishi ca Babiloni.