28 Ono Abusalomu wakalwiita basebenshi bakwe ayi, “Na mubone Amunoni wakolwa alimwi na ŋambe ayi, ‘Amumuyase Amunoni,’ mumucaaye. Mutaloondi. Mulandu ngwaangu. Muyumye myoyo alimwi kutatonsha.”
Basankwa bobilo abo bakekala balya. Mpeeke bapongoshi bakaambila mukwe wabo ayi, “Sa inga tamoonibo asunu, musangalaleewo?”
Ono kabacilya akulisangalasha, bakabonabo bantu babiibi bamundabala iyo, bashinguluka ŋanda bakonkoonsha kucisasa akwaambila mucembele mwine ŋanda ayi, “Kusha mweensu wako pansengwe tucitaakwe nkwela.”
Ono musankwa uyo, kasuwa wakwe alimwi amusebenshi wakwe ndibakaamba ayi banyamuke, bapongoshi bakwe bakamwaambila ayi, “Bona lisuba lyaya kale, Amoonebo. Kutooshiya onoono, amwikalebo mulisangalashe. Ciilo inga mwafuma kubuka kuya kumishaanu.”
Bowasi ndyaakamana kulya akunwa, wakalinga kuboneka kukondwa abuumbi. Wakaya kucifufu ca bale ayi aye oone. Lute wakaya cakubendelela, wanyamuna shakulifweka akwinjila woona kumyeendo yakwe Bowasi.
Mpeeke Pita abatumwi bamwi boonse bakakumbula ayi, “Tulyeelete kunyumfwila Lesa, kuteshi bantu, sobwe!
“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.
Balaakucatwa mumyuumfwa akukolwa waini wabo. Balaakutentwabo anga mbwiisu buyumu.
Mashiku eenka ayo Beloshasa mwaami wa bene Babiloni wakacaikwa.
Kusekelela kulalengesha kuseka, waini ulasangalasha moyo, sombi maali ngaaleta shoonse ishi.
Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.
waini wakusangalasha myoyo yabo, mafuta a olifi akubakondelesha alimwi ashinkwa wakubapa nkusu.
Ono pabushiku bwasanu ashobilo, mwaami Sakisesi kaasangalete ceebo ca waini, wakeeta basankwa bakwe bakacaikwa lushalo bali bosanwe abobilo, nkokwaamba ayi Meyumani, Bisita, Alibona, Bigita, Abagita, Seta alimwi aKakasi.
Kulwana kwakatalika ciindi lisuba ndilyakashika pakati ka mutwi. Paciindi ico Benadadi abamaami abo mbwaakalinga kucafwanaabo bakalinga makumi otatwe aobilo ndibakalinga kucikolwa mumatente abo.
Ono munkalata iyo wakalembaamo ayi, “Ubike Uliya mumundando wa nkondo wa kunembo kulubasu uko nkondo nkoyalula. Lyalo muboole pesule akumushiya ayi bamuyase afwe.”
Mpomunyaawo Defedi wakeeta Uliya ayi ese alyaakwe cakulya ca macolesha. Lyalo wakamukolesha bwalwa. Sombi abwalo bushiku ubo Uliya taakwe kuya kuŋanda yakwe, wakoona pampasa yakwe pakati ka basebenshi ba mwaami wakwe.
Lyalo Saulo wakamwaambila ayi, “Utaloondi, ino wabonanshi?” Mwanakashi ulya wakaamba ayi, “Ndabona mushimu utooswa panshi.”
Sombi Saulo wakashomesha cakulumbila muliina lya Mwaami Lesa ayi, “Bweenka mbocibete lushinisho ayi Mwaami Lesa ngumuumi, webo teshi ukapekwe mulandu ceebo ca cikani ici.”
Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”
Ono ndyaakanwa waini wa minyansa iyo wakakolwa akoonabo matakosha mutente yakwe.
Paceebo ceeco inkondo teshi ikamaneewo pabamuŋanda yako mukwiinga wanyaansha mukubwesa muka Uliya mwine Iti akumweeba.
Abusalomu wakakakatila kushikila mwaami Defedi wasuminisha bana bakwe basankwa bamwi boonse pantu pomwi aAmunoni kuyaakwe.
Paceebo ceeci mwaami Falawo wakeeta beshikutumbusha akubeepusha ayi, “Ino mutoocitilanshi bobulya? Mutoolekelanshi baana basankwa ayi bakule?”
Mpeeke Saulo wakatuma abacinenenene bakwe akubaambila ayi, “Mubandikaakwe Defedi kulubasu akumwaambila ayi, ‘Bona mwaami ulikusuni abuumbi pantu pomwi abacinenenene bakwe boonse, babo mukwe wakwe.’ ”
Nebo nemusebenshi wanu ndakalinga kucite baana basankwa bobilo. Bumwi bushiku bakalwana kabali muluundu alimwi kakutaaku ashikubafunina. Lyalo umwi wakacaya mubye.
