2 Samwelo 13:19 - Baibo Busansulushi Bwa Libuku Ili

¹⁹ Lyalo Tama wakalibika milota mumutwi akukwamuna cakufwala ico ncaakalinga kufwete. Mpeeke wakalikumbata kumutwi akuya cilila cakooloma nshila yoonse.

2 Samwelo 13:19 교차 참조

Jelemiya 2:37

Kumusena uyo ulaakuswaako koolicatite kumutwi ceebo Mwaami Lesa ulibakakite abo mbooshoma. Ncakwiila teshi bakakucafwewo napaceyi.”

Joshuwa 7:6

Lyalo Joshuwa abamaloba ba bene Isilaeli bakakwamoona shakufwala shabo mubuumba, kuliwaala panshi kunembo lya Libokoshi lya Cipangano ca Mwaami Lesa akunooletebo peenka apo kushikila macolesha. Mpeeke bakalitukweeta alusuko pamitwi yabo.

2 Samwelo 1:11

Mpomunyaawo Defedi abashilumamba bakwe boonse bakakwamoona shakufwala shabo kubuumba.

2 Samwelo 1:2

Ingayi bwatatu musankwa wakapola kuswa kumisumba yakwe Saulo, kaafwete shakufwala shikwamookite alimwi abulongo mumutwi. Ndyaakashika kuli Defedi wakafukama cakushisha ciwa panshi mukumupa bulemu.

Jobo 42:6

Aboobo ndicite nsoni abuumbi pamakani ngondakaamba, Ndasanduka kuswa kushibiibi shangu akwalabangana mulusuko amumilota.”

Jobo 2:12

Kabacili palaale bakabona Jobo, sombi tabakwe kumwishibaawo. Ono ndibakamwishiba bakatalika kulila cakooloma, bakakwamoona shakufwala shabo ceebo ca buumba akulitukweeta bulongo kumitwi.

Esita 4:1

Ono Modekayi ndyaakanyumfwa shoonse shakacitwa, wakakwamoona shakufwala shakwe ceebo ca buumba, wafwala masaka, wanana milota akwiinda mundabala ya Susa kaalila cakooloma alimwi cakucisa moyo abuumbi.

1 Samwelo 4:12

Mpomunyaawo umwi musankwa wa mumukowa wakwe Benjameni wakacica kuswa kumusena wakulwaninaawo kuya kuShilo cakushika bushiku bomwi. Wakakwamoona shakufwala shakwe akulibika bulongo pamutwi kutondesha buumba bwakwe.

Matalikilo 37:29

Lubeni ndyaakaboola pamukalo uyo akucana Josefu taamo, wakakwamoona shakufwala shakwe mubuumba.

2 Samwelo 13:20

Mpeeke Abusalomu nandumi yakwe wakamwiipusha ayi, “Sa Amunoni wakumana awebo cakukukakatisha? Ndaseenga onankashi yangu kwaamba ayi cikani ici citakukalashi bunene. Alakwe ngunandumi yako nabi teshi lifumo lyomwi. Utalwiiti muntu uli woonse cikani ici.” Kuswawaawo Tama wakatalika kwikala muŋanda yakwe Abusalomu cakuungumana.