2 Samwelo 12:13 - Baibo Busansulushi Bwa Libuku Ili

¹³ Mpomunyaawo Defedi wakaambila Natani ayi, “Ncakwiila ndabiisha pameenso aMwaami Lesa.” Mpeeke Natani wakakumbula ayi, “Mwaami Lesa walekelela cibiibi cako, aboobo teshi ukafwe.

2 Samwelo 12:13 교차 참조

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Kulumbaisha 51:4

Ndakabishisha ndimwe, ee, mwebo nweenka, ndakacita cintu cibiibi pameenso anu. Ndushinisho mulalulika kuŋamba ayi ndilubite, alimwi tamukwe kulubya kumpa mulandu.

2 Samwelo 24:10

Pesule bantu ndibakamana kubelengwa, Defedi wakapenshekwa mumoyo abuumbi. Lyalo wakapaila kuMwaami Lesa ayi, “Ndabiisha abuumbi kucita cintu ici. Ono noBaami baLesa ndaseenga kwaamba ayi mulekelele cibiibi cangu nebo nemusebenshi wanu, mukwiinga ndaciita cintu cabuluya.”

Sekaliya 3:4

Mpeeke munjelo uyo wakaambila bamwi bakalinga kwiimfwi kunembo lyakwe ayi, “Amumufuule shakufwala shakwe shishipite.” Lyalo wakaambila Joshuwa ayi, “Bona ndakusha shibiibi shako, ono ntookufwalika shakufwala shamakwebo.”

Luka 15:21

Mwaana uyo wakaambila baishi ayi, ‘Ta, ndakabisha kuli Lesa akuli ndimwe. Nsheelete kwiitwa ayi mwanaanu.’

1 Samwelo 15:30

Saulo wakakumbula ayi, “Ee, ndakabisha. Ono ndaseenga mumpeeko bulemu pameenso a bamaloba ba bantu bangu alimwi apameenso a bene Isilaeli boonse. Amuboolele anebo kwaamba ayi nkalambile Mwaami Lesa, Lesa wanu.”

Bene Lefi 20:10

“Na musankwa wapukilwa kumuka Isilaelinyina, boonse musankwa amwanakashi balyeelete kucaikwa.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Bene Ebulu 9:26

mukwiinga ubo naakalinga kupenshekwa lyoonse, kuswa kumalengelo a cishi. Sombi wakabonekabo linkanda lyomwi kwiimikanina boonse mulishalane lino lya mamanino, kwaamba ayi akushe shibiibi kwiinda mukulibenga kwakwe.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

Milimo ya Batumwi 2:37

Ono bantu ndibakanyumfwa boobo, bakapenshekwa abuumbi mumyoyo. Lyalo bakeepusha Pita abatumwinyina ayi, “Nobamakwesu, ino tucite buyani?”

Mateyo 14:10

Mpeeke wakatuma shilumamba kuya mukutimbula Joni mutwi muntolongo.

Malilo 3:32

Nakubi kwaamba ayi waleta mapensho, pesule ulaakufwa nkumbu ceebo lusuno lwakwe lutamaani ndunene.

Isaya 44:22

Shilubo shanu ndashipalanganya bweenka mbooncita makumbi, ee, shibiibi shanu ndashimanisha bweenka bumana shikuunku macuunsa mukwiinga ndime ndakamulubula.”

Isaya 43:24

Tamukwe kungulilaawo mafuta anunkila kabotu eetwa ayi kalamasi, nabi kunkwanisha mafuta aswa kumilambu yanu. Sombi mwebo mwakampa mukuli wa shibiibi shanu, ncakwiila shilubo shanu shandemya abuumbi.

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Tushimpi 25:12

Kukalalila kwa musongo kumuntu usuni kunyumfwa, kuleenda masikiyo nabi cakulibotesha cimwi ca golodi wiine wiine.

Kulumbaisha 51:16

Teshi milambu imusangalasha mwebo, niyalinga kumusangalasha naakwiinga ndeebenga. Ncakwiila milambu yakutenta teemusangalashi.

Jobo 33:27

Pesule muntu uyu ndyaambila bantu ayi, ‘Nebo ndakabisha. Ndakaalilwa kukonkela shintu shiluleme. Sombi alakwe Lesa taakwe kumpa mulandu weelete.

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

2 Makani 16:10

Ici cakakalasha Asa abuumbi cakwaamba ayi mulaluki uyo wakamwaanga akumubika muntolongo. Ici cakalinga nceciindi Asa ndyaakatalika kupensha bantu bamwi calunkutwe.

2 Baami 1:9

Lyalo mwaami wakatuma mutanjilili wa bashilumamba pantu pomwi abashilumamba bakalinga makumi osanwe kuya mukucata Elija. Mutanjilili uyo wakamucana kashiite pakalundu akumwaambila ayi, “Omuntu wakwe Lesa, mwaami waamba ayi useluke.”

1 Baami 22:8

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

1 Baami 21:20

Lyalo Aabu ndyaakabona Elija wakaamba ayi, “Sa te wancanikisha kale omulwani wangu?” Elija wakakumbula ayi, “Ee, ndamucana, mwebo nomucilibengetebo kukucita shintu shibiibi pameenso a Mwaami Lesa.

1 Baami 13:4

Mwaami Jeloboamu ndyaakanyumfwa boobo, wakamutondeka munwe kwaamba ayi, “Amucate musankwa ulya!” Mpomunyaawo lyaansa lya mwaami uyo lyakayumabo nta cakwaalilwa kuliboosha mboliba lyoonse.

1 Samwelo 15:20

Lyalo Saulo wakakumbula ayi, “Sobwe, nebo ndakamunyumfwila Mwaami Lesa. Ndakacita mulimo woonse wakampa Mwaami Lesa. Bene Amaleki boonse ndakamana kubacaya akucata Agagi mwaami wabo.

Bene Lefi 24:17

“Awooyo woonse ucaya mubye ulyeelete kucaikwa.

Luka 18:13

“Sombi musonkeshi uyo wakanyamuka alakwe weemikana palaale. Taakwe kulangaawo akwiculu pakupaila, sombi wakalikumbata akwaamba ayi, ‘NobaLesa, amunyumfwileko nkumbu nebo nemucita shibi!’

Matalikilo 39:9

Muŋanda ino ndicite nkusu shiinji anga nsheesho shaacite, alimwi taaku ncaakankashaawo muŋanda ino kulekabo ndimwe. Ono nebo inga ndacita buyani cintu cibiibi ca mushobo uyu pameenso akwe Lesa?”

1 Makani 21:8

Mpeeke Defedi wakaambila Lesa ayi, “Ndabiisha abuumbi kucita cintu ici. Ono ndaseenga kwaamba ayi mulekelele cibiibi cangu nebo nemusebenshi wanu mukwiinga ndaciita cintu cabuluya.”

Kulumbaisha 103:12

Bweenka mbuli kumbo akwicwe mbokutalamukene, mbweeke ubo shibiibi shesu mbwaashitalamusha kuswa kuli ndiswe.

Kulonga 9:27

Mpomunyaawo mwaami Falawo wakeeta Mose aAloni akubaambila ayi, “Paciindi cino, ndabiisha. Mwaami Lesa uliluleme, sombi nebo abantu ba mucishi cangu tulilubite.

2 Samwelo 24:17

Ono Defedi ndyaakabona munjelo uyo wakalinga kunyonyoola bantu, wakaambila Mwaami Lesa ayi, “Ndime ndakabisha. Ino balo bacitanshi? Nebo abamuŋanda yangu ndiswe twakalinga kweelete kupekwa mulandu.”

Kulumbaisha 51:6

Ndushinisho mwebo mulisuni muntu ushomeka, paceebo ceeco amunjiishe kuba musongo lyoonse.