2 Bumwi bushiku macolesha Defedi wakabuka pabulo bwakwe akuya ceendaana paciluli ca ŋanda yakwe ya bwaami. Ndyaakalinga waawo, wakabona mwanakashi kaasamba bulya. Mwanakashi uyo wakalinga mubotu abuumbi.
Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.
Amunkaashe kubika maano kushintu shitacite ncito. Amumpe buumi kweelana amaswi anu.
Mukwiinga shoonse sha mucishi ca panshi, nkokwaamba ayi isho mubili nshookumbwa, shoonse bantu nshebakumbwa na bashibona alimwi asheesho shoonse shilengesha bantu kulisumpula, tashiswi kuli Ishiwesu, sombi shilaswa mucishi ca panshi.
Ono bushiku bwakaboolaawo malumwi, basankwa abo ndibakashika pafwaafwi andabala ya Jopa, Pita wakatanta paciluli ca ŋanda kwaamba ayi apaile.
Utakumbwili mumoyo mbwaaimfwi alimwi meenso akwe ayungoola atakutoleli moyo.
“Ndakapangana cipangano ameenso angu ayi teshi nkalangilishewo mwanakashi calunkumbwa.
Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.
Kacawa kalacenjeeka akwalo kuboneka kabotu kulamana sombi mwanakashi ulemeka Mwaami Lesa ulyeelete kulumbaishikwa.
“Na wayaka ŋanda, kweela ciluli mulyeelete kuyaka akalubumbu mweela ciluli coonse kukasha kuloka. Lyalo teshi mukabe amulandu na umwi akaloke akufwa.
Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya.
Isho nshentoomulwiita mumunshinshe mukashaambe lumwi lubala, asheesho nshemunyumfwa kumapela mukashaambile pameenso a bantu.
Lyalo maanda a muJelusalemu aayo a bamaami ba bene Juda alaakuba atasalalite bweenka mbuli musena uno wa Tofeti. Nkokwaamba ayi maanda oonse ayo acite shiluli shilya nshebakatentelelawo tununkila kabotu kunyenyeenshi akupa shipo sha shakunwa kubalesa bamwi.’ ”
Butolo bulapa koonenena, ee, muntu utacabaani ulaba shinsala.
Mpeeke basankwa abo bakenjila kucipinda kwakoona Ishibosheti ndyaakalinga kulete pabulo bwakwe. Ndibakamana kumuyasa akumucaya, bakatimbulako mutwi wakwe akuubwesa. Bakeenda mashiku oonse munshila iinda mucinyika ca Joodani.
Ono Shekemu mwanaakwe Amo mwine Ifi, uyo wakalinga mwaami wa musena uyo ndyaakamubona, wakamucata akukumanaakwe.
Ono bana bakwe Lesa basankwa bakabona ayi banakashi abo mbabotu. Aboobo bakeeba baabo mbobakasala.
Ono Lekabu aBaana, bana bakwe Limoni mwine Biyaloti, bakanyamuka akuya kuŋanda kuli Ishibosheti akupola uko lisuba kalili pafwaafwi kushika pakati ka mutwi. Ico ciindi Ishibosheti wakalinga muciindi cakookesha kwakwe kwa malumwi.
Ndibakakunkuluka kuswa pacipaililo pakalundu akuya mundabala, bakayalila Saulo paciluli ceelenebo citakuneme.
Potifa wakabika shoonse mumaansaakwe Josefu alimwi taaku ncaakalinga kubikaako maano kulekabo cakulya ncaakalinga kweelete kulya mwiine. Josefu wakalinga kwiimfwi kabotu alimwi wakalinga kuboneka kabotu abuumbi kuciwa.
Uyo eshi akanooli paciluli ca ŋanda, atakaseluki kwaamba ayi akushe shili muŋanda yakwe.
Ndyaakalinga pafwaafwi akusotoka nyinsa ya Ijipiti, wakaambila Salai mukaakwe ayi, “Webo uli mwanakashi mubotu abuumbi.
“ ‘Utakumbwi mukamwiine camunyono. Utakumbwi camunyono ŋanda ya shikamukobonyoko, muunda wakwe, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.’
Ono Abusalomu mwanaakwe Defedi musankwa wakalinga kucite nankashi yakwe wakalinga kwiitwa ayi Tama, mubotu alimwi watakalinga kweebetwe. Amunoni mwanaakwe Defedi musankwa wa muŋanda imwi, wakamukumbwa.
Abusalomu wakalinga kucite baana basankwa botatwe amwanakashi womwi. Mwanaakwe mwanakashi wakalinga kwiitwa ayi Tama alimwi wakaba mwanakashi mubotu abuumbi.
Wakalinga kuya bweenda mumukwakwa akushika pafwaafwi aŋanda ya mwanakashi umwi.
