2 Pita 2:3 - Baibo Busansulushi Bwa Libuku Ili

³ Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.

2 Pita 2:3 교차 참조

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

1 Bene Tesalonika 2:5

Mulishi kabotu ayi tatukwe kwisa kuli ndimwe amaswi akumukondeleshabo, nabi kwaamba ayi tucane mpindu kuswa kuli ndimwe. Lesa ulishi kabotu anshetwakacita.

Bene Loma 16:18

Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo.

Judi 1:15

Ulaakwisa mukoombolosha akupa mulandu bantu boonse, batanyumfwili Lesa, pashibiibi nshebakacita mububi bwabo, mukutalulama kwabo alimwi aceebo ca maswi abiibi bamucita shibi aba ngobakacobola Lesa.”

Taitasi 1:11

Aba balyeelete kukashikwa mukwiinga batoonyonyonganya bamumaanda boonse mbobapolela kwiinda mukwiisha shintu isho nshebateelete. Balacita boobo kwaamba ayi babilile mpawo.

1 Timoti 6:5

alimwi akwaambana kuteeli kuswa kubantu abo bacite miyeeyo ibiibi batakoonshi kwishiba shalushinisho. Balo balayeeya ayi kupaila Lesa ninshila yakubililaamo.

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

2 Pita 2:1

Kwakalinga balaluki babeshi pakati ka bene Isilaeli, alimwi mbweekoobo apakati kanu palaakuba bafundishi babeshi. Cabushishi, balaakuleta njiisho shifulungene alimwi shinyonyoola, akukaka Mwaami wabo wakabalubula. Mukucita boobo, balaakuliletela kunyonyoolwa kwalubilo.

2 Pita 1:16

Nditwakamwishibisha ayi Mwaami wesu Jesu Klistu ulaakwisa munkusu, tatukwe kukonkela shakupangabo bantu shabucenjeshi, sombi nkusu shakwe twakashibona ameenso esu.

1 Pita 5:2

Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.

Taitasi 1:7

Ono ceebo mutanjilili wa coonde utokweendelesha mulimo wakwe Lesa, ulyeelete kubula kampenda. Taaelete kuba muntu ulyuuma mucaamba, ufwambaana kukalala, cakolwa, mukali nabi usunishi buboni.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

1 Pita 2:8

Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.

1 Timoti 3:8

Bacafwi ba coonde abalo balyeelete kuba amibo ibotu, bashomeka, bateendilishi kunwa shikola alimwi batayandooli maali munshila sha bucenjeshi.

1 Timoti 3:3

Taaelete kuba cakolwa, nabi mukali, sombi mubombu, shiluumuno, utasunishi maali.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Joni 2:16

Mpeeke wakalwiita bakalinga kuulisha mpolobe ayi, “Amutole mpolobe ishi pansengwe! Tamweelete kusandula ŋanda ya baTa ayi ibe musena wakuulishisha!”

Luka 22:47

Jesu ndyaakalinga kucaamba, likoto lya bantu lyakesa kalitanjilitwe aJudasi, womwi wa bashikwiiya bali likumi abobilo. Judasi wakasena pafwaafwi kwaamba ayi afyonte Jesu.

Luka 20:20

Aboobo bakalinga kulindila ciindi ceelete kucata Jesu. Bakapa maali bantu bamwi ayi babece kushomeka akubatuma mukusunka Jesu mumiipusho kwaamba ayi aabwe mumaansa a nkuta ya mweendeleshi wa kuLoma.

Luka 18:8

Ntoomulwiita ayi ulaakufwambaana kubacitila shiluleme. Ono sa MwanaaMuntu pakwisa ulaakucana bantu bashomeka?”

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Abakuku 3:3

Lesa wakesa kuswa kuEdomu, Lesa usalalite wakesa kuswa kuKalundu ka Palani. Bulemu bwakwe bwakafwekelesha liculu alimwi bamucishi ca panshi boonse bakamulumbaisha.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Esekelo 13:19

Mulanyansha pakati ka bantu bangu kwaamba ayi mucanebo bale ukwanabo mumapaka aniini alimwi abusekele bwa shinkwa Mulacaya bantu abo bateelete kucaikwa akushiya baabo beelete kufwa. Mwebo mulaambila bantu bangu shabubeshi, abalo balamunyumfwila.’

Jelemiya 8:10

Paceebo ceeco, bamakaabo ndaakubapa kubasankwa bamwi, ayalo myuunda yabo kubantu bamwi. Kutalikilabo kumuntubo kushika kubalemekwa, boonse beenka basuni kubilila mubwiipi. Balaluki abapailishi boonse abalo mbeshikubeca.

Jelemiya 6:13

Kuswabo kubantu bataaku ambobabete kushika akubaabo balemekwa, boonse balicitebo miyeeyo yabumbilileewo. Balaluki abapailishi abalo ngumushobo womwibo, boonse balacenjeeka bantu.

Isaya 60:22

Ŋanda ya bantu baniini pakati kanu balaakufula cakushika kucuulu. Ncakwiila balaakufula cakubabo cishi abalo beenka. Nebo ndime Mwaami Lesa! Ici ndaakucilengesha kucitika cakufwambaana paciindi ceelete.”

Isaya 56:11

Balibo anga mbakabwa beshi milyomibi abo batakutiiwo nabi balya buyani. Mbeembeshi bateshi ankobatooya, boonse batola nshila shabo. Womwi awomwi pakati kabo ulisunibo kulicanina mpindu yakwe mwiine.

Isaya 5:19

Balaamba ayi, “Lesa aafwambaane kucita ncaatooyeeya kwaamba ayi tuciboone. Ee, Usalalite wa bene Isilaeli aafwambaane kucita miyeeyo yakwe kwaamba ayi twiishiibe.”

Kulumbaisha 81:15

Uyo woonse umpatite inga wafukama caboowa pameenso angu. Mulandu wabo inga watolelela kwalyoonse alyoonse.

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Kulumbaisha 18:44

Ee, na banyumfwa liswi lyangu balanyumfwila. Baswamashi balamfukamina mukumpa bulemu.

Dutolonomi 24:17

“Kuteelesha kunyengelela baswamashi nabi bana banshiwa mumilandu. Alimwi taaku weelete kubwesa cakufwala ca mukalubinje mwanakashi ayi ncakushomesha kwaamba ayi ulaakuboosha nkongole.

Jobo 6:27

Ncakwiila mwebo mulalyatilila bana banshiwa alimwi mwebo muloolisha babyaanu.

Judi 1:16

Bantu mbomunya aba mbeshi kutongooka lyoonse akubekesha bamwi shilubo, balakonkela shiyanda mibili yabo shibiibi. Balaamba cakulisumpula alimwi akubotesha baabo bacite buboni ayi babapeewo.

Mateyo 23:14

Mapensho kuli ndimwe nobafundishi ba Milawo abaFalisi, mwebo nobantu nomwaamba nshemutaciti! Mulabwesa buboni bwa bamukalubinje banakashi akubeca kupaila mipailo ilaamfu. Paceebo ceeco, Lesa ulaakumoombolosha cankusu.]