2 Pita 2:15 - Baibo Busansulushi Bwa Libuku Ili

¹⁵ Bantu aba bakashiya nshila iluleme, basoweka akukonkela cakacita Balamu, mwanaakwe Bewoli, uyo wakalinga kusuni kucana maali kwiinda mukucita shibiibi.

2 Pita 2:15 교차 참조

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.

Shakubelenga 31:16

Amwiibaluke ayi mbanakashi bakakonkela milawo yakwe Balaamu, akulengesha ayi bantu baashukile Mwaami Lesa kuPeyo. Ico ncecakaleta mwaalu pabantu ba Mwaami Lesa.

Neyemiya 13:2

Cakalinga boobo ceebo bakeema bene Isilaeli shakulya amaanshi, alimwi bakatamba Balamu kwaamba ayi abashingane. Nakubi boobo Lesa wesu wakasandula lishingo kuba coolwe.

Mika 6:5

Nobantu bangu, amwiibaluke Balaki mwaami wa bene Moabu ncaakapinga kucita kuli ndimwe. Amwiibaluke Balaamu mwanaakwe Beyo mbwaakakumbula. Amwiibaluke cakacitika mbomwakeenda kuswa kuShitimu kuya kuGilugala kwaamba ayi mwishibe milimo yangu ya bululami yakumupulusha.”

2 Pita 2:13

Balaakupenshekwa ceebo bakalengesha bamwi kupenshekwa. Cibabotela balo nkucita shintu shisangalasha mibili yabo lumwi lubala. Bali anga ngamatombe mukwiinga ndibalya amwebo, balasangalala mububeshi bwabo.

Milimo ya Batumwi 13:10

akumwaambila ayi, “Webo omwanaakwe Satana, noopatite shiluleme shoonse, uliswitebo bucenjeshi alimwi abubeshi akukakatilabo kufulunganya shintu sha lushinisho sha Mwaami Lesa.

Milimo ya Batumwi 1:18

(Ono mumaali alya ngaakapekwa pacibi cilya ncaakacita, Judasi wakoolamo muunda umo mwaakawita panshi, wafwa akupasuka lifumo mala oonse aswita pansengwe.

Tushimpi 28:4

Abo batakonkeli milawo, bali kulubasu lwa bamucita shibi. Sombi abo beekonkela tababete kulubasu lwabo.

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

Esekelo 9:10

Aboobo teshi nkabafwitewo nkumbu nabi kubalangabo, sobwe. Sombi ndaakubacitila bweenka mbobakacitila bamwi.”

1 Baami 18:18

Lyalo Elija wakakumbula ayi, “Nshiciti shifulunganya nebo, mwebo ndimwe abamuŋanda ya baishiwanu. Mutookaka kunyumfwila milasho ya Mwaami Lesa akunoolambila shibumbwabumbwa shakwe Baali.

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

Shakubelenga 22:28

Lyalo Mwaami Lesa wakapa mbongolo nkusu shakwaamba, lyalo yakeepusha Balaamu ayi, “Ino ncendacita kuli ndimwe ncemwangumina mankanda otatwe nciinshi?”

Shakubelenga 22:23

Ono mbongolo ndiyakabona munjelo uyo kaaimfwi apo kaacite amupeeni, yakaswa munshila akuya mumuunda. Balaamu wakayuuma akwiiboosha munshila.

1 Baami 19:10

Lakwe wakakumbula ayi, “NoBaami baLesa Beshinkusu shoonse, nebo ndasebenselabo ndimwe nweenka. Sombi bene Isilaeli bamwi boonse bapwaya cipangano ncemwakapanga ambabo, bayakulula shipaililo shanu akucaya balaluki banu boonse. Nebo ndime ndacaalaawobo neenka, ono anebo balisuni kuncaya!”

Shakubelenga 22:32

Mpomunyaawo munjelo wakamwiipusha ayi, “Nciinshi ncewoomina bobulya mbongolo yako mankanda otatwe? Nebo ndesa mukukushinkila ceebo lweendo lwako ulu lwambicila.

Mateyo 26:9

Mafuta aya naakwiinga aulishikwa mweelo unene akupa maali ayo kubakandu!”