2 Makani 33:9 - Baibo Busansulushi Bwa Libuku Ili

⁹ Manase wakabalengesha ayi beendeewo kubisha pabaabo Mwaami Lesa mbwaakatanda mucishi kunembo lyabo.

2 Makani 33:9 교차 참조

Tushimpi 29:12

Na muleli wanyumfwila makani abubeshi, bacinenenene bakwe boonse balaba bamucita shibi.

2 Makani 33:2

Wakabishisha Mwaami Lesa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

Mika 6:16

Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”

2 Baami 23:26

Sombi bukali buyoosha bwa Mwaami Lesa bwakasonkomonwa pabene Juda ceebo ca ceeco cakacita mwaami Manase. Anu asunu asunu tacina kumana.

2 Baami 21:16

Manase wakacaya bantu baanji batacite milandu, abo bacite bulowa bwakalinga kukunka mumikwakwa ya muJelusalemu, kwiilika pabubi bwakutanjilila bene Juda ayi balambile shibumbwabumbwa ico cakalengesha ayi babishishe Mwaami Lesa.

1 Baami 15:26

Alakwe wakabishisha Mwaami Lesa bweenka bwaakacita baishi akutanjilila bene Isilaeli mucibiibi.

1 Baami 14:16

Mwaami Lesa ulaakusuula bene Isilaeli boonse mukwiinga wa kubisha kwakwe Jeloboamu uyo wakalengesha bene Isilaeli kubisha.”

Joshuwa 24:8

“ ‘Lyalo ndakamuleta mucishi ca bene Amoli abo bakalinga kwikala kwicwe lya Mulonga wa Joodani. Bakamulwana, sombi ndakabaaba mumaansaanu ayi mubakoome. Ndakalinga kuya cibanyonyoola kunembo lyanu tibili mwakabwesa cishi cabo coonse.

Dutolonomi 2:21

Abalo bakalinga balaamfu anga mbaAnakimu. Bakalinga baanji alimwi bakalinga lusubo lwa nkusu. Sombi Mwaami Lesa wakabanyonyoola kunembo lya bene Amoni abo bakabatanda mucishi cabo akwikalaamo mbabo.

Bene Lefi 18:24

“Mutakalilengeshi kutanoosalalite kweelana aMilawo kwiinda mumicito iyi, ceebo bakunsengwe mbobakalilengesha kutanoosalalite kweelana aMilawo ubo, abo mbontootanda mucishi ca Kenani ayi mwebo mukenjileemo.

2 Makani 33:8

Na bene Isilaeli boonse bakanookonkela milawo yangu akunoobamba Milawo yoonse iyo Mose musebenshi wangu njaakabapa, lyalo teshi nkabatandeewo mucishi ico ncendakapa bamashali babo bakulukulu.”

2 Makani 33:10

Nabi Mwaami Lesa wakacenjesha Manase abantu bakwe boonse, bakakaka kukonkela ncaakalinga kubalwiita.

Esekelo 5:7

“Paceebo ceeco nebo neMwaami Lesa Shinkusu shoonse ndaamba ayi, ‘Bwaashu bwanu bwakomena kwiinda mishobo imushingulukite alimwi tamukonkeli milasho amilawo yangu. Sombi mwakonkela milawo ya mishobo imwi imushingulukite.’

2 Makani 28:19

Mwaami Lesa wakaleta mapensho kubene Juda mukwiinga Aasi mwaami wa bene Isilaeli wakaleka bene Juda ayi batolelele kubisha alimwi taakalinga kunyumfwila Mwaami Lesa.