19 abo babika myoyo yabo kukuyanda ndimwe noBaami baLesa, Lesa wa bamashali babo bakulukulu. Mubalekelele nabi tabana kulisalasha kweelana aMilawo.”
Nakubi boobo nkoshili shimwi shibotu nshemwacita. Mwakanyonyoola shikoshanyo shakwe Ashela lesa mwanakashi isho bantu nshebakalinga kulambila alimwi mwakeelesha kukonkela kuyanda kwakwe Lesa.”
Kutikisha nsheeŋamba omwanaangu alimwi ukonkele citondesho ca buumi bwangu.
Mwebo nobaLesa mulanyumfwa mipailo ya bantu bali mumapensho. Mulabayumyayumya bantu abo akukutika kulila kwabo.
“Anu webo Jobo, na ulisuni kululama mumoyo, lyaabe kuli Lesa akusenga ayi akunyumfwile nkumbu.
Ono Esila wakalinga kwiiya Milawo ya Mwaami Lesa akwiicita mubuumi bwakwe boonse. Kuswawaawo wakalinga kwiisha milawo amilasho iyo kubene Isilaeli.
Sombi misena yakulambililaako ya patulundu taikwe kumwayoolwa. Paceebo ceeco bantu tebakalinga kulambila Lesa wa bamashali babo bakulukulu camyoyo yoonse.
Ono noBaami baLesa, baLesa bakwe Abulaamu, Isaki alimwi aJakobo bamashali besu bakulukulu, lyoonse amulame kuyandishisha kuli mumyoyo yabo uku akulengesha ayi batolelele kushomeka kuli ndimwe.
Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”
Sombi pakalinga basankwa bamwi abo batakalinga kusalalite kweelana aMilawo ceebo bakakumya mutuntu, aboobo tabakwe kukonsha kulama bushiku bwa Pasika pabushiku ubo. Mpeeke bakaya kuli Mose aAloni
Lyalo mwanakashi ulyeelete kulindilila kwanshiku shili makumi otatwe ashotatwe kwaamba ayi akasalashikwe kweelana aMilawo ceebo ca bulowa bwakwe bwakaswa. Paciindi ici, teelete kukumya cintu nabi comwi cisalalite nabi kwinjila muTente isalalite kushikila bushiku bwakusalashikwa kwakwe bukeende.
Aboobo Lesa wakalenga banyama banene ba mulweenge ashintu shoonse shuumi, alimwi sheenda isho shakafula mumaanshi kweelana amushobo wa comwi acomwi, abayuni bauluka abalo kweelana amushobo wa mbabo. Mpeeke Lesa wakabona kwaamba ayi shintu ishi nshibotu.
Bene Isilaeli abo bakaswa mucishi ca busha mbobakabalya pantu pomwi abaabo boonse bakacileka kukonkela shintu shibiibi shalinga kucita bantu abo bakalinga kwikala mucishi cilya, akutalika kulambila Mwaami Lesa, Lesa wa bene Isilaeli.
