2 Makani 3:4 - Baibo Busansulushi Bwa Libuku Ili

⁴ Cipinda cakwinjililaako cakalinga kweelene aŊanda yakwe Lesa, nkokwaamba ayi mamita ali 9 mubufwaafwi, mamita ali 54 kuya mwiculu. Lubumbu lwa mukati mucipinda ico bakalushingula golodi wiine wiine.

2 Makani 3:4 교차 참조

Milimo ya Batumwi 5:12

Batumwi bakacita shaankamiko alimwi ashitondesho sha nkusu sha kwiculu shiinji pabantu. Bashomi boonse bakalinga kubungana pantu pomwi kumusena wakalinga kwiitwa ayi wakwe Solomoni.

Milimo ya Batumwi 3:11

Ceebo musankwa uyo wakalinga kucikakatitebo Pita aJoni, bantu boonse bakakankamana akucicila kuli mbabo mumukushi wakalinga kwiitwa ayi wakwe Solomoni, umo mobakalinga.

Joni 10:23

Ono Jesu wakalinga kweendeenda mumwinjililo ushitilishitwe wakwe Solomoni muŊanda yakwe Lesa.

1 Baami 6:3

Ŋanda yakwinjililaako yakalinga mamita ali 4.5 mubufwaafwi alimwi mamita ali 9 mubulaamfu. Mubulaamfu yakalinga kweelene amusena Usalalite wiine.

Esekelo 40:48

Kuswawaawo wakantola mucipinda cakwinjililaako ca Ŋanda yakwe Lesa. Wakapima mwinjilila akucana ayi ulicite mamita ali 2.5 mumutika, mubufwaafwi kaucite mamita ali 7. Kumbasu shobilo shoonse sha mwinjililo kwakalinga lubumbu lwakalinga kucite mamita ali 1.5.

2 Makani 29:17

Mulimo uyo bakautalika pabushiku butaanshi bwa mweenshi utaanshi kushikila pabushiku bwasanu ashotatwe ndibakashika kucipinda cakwinjililaako muŊanda yakwe Lesa. Lyalo bakasebensa kwanshiku ashimwi shosanwe ashotatwe, nkokwaamba ayi kushikila pabushiku bwalikumi anshiiku shosanwe abomwi bwa mweenshi uyo, kabasalasha Ŋanda yakwe Lesa iine ayi bakanoolambililaamo.