2 Makani 29:6 - Baibo Busansulushi Bwa Libuku Ili

⁶ Bamashali besu bakulukulu tebakalinga kushomeka kuMwaami Lesa, Lesa wesu alimwi bakacita shitaluleme pameenso akwe. Bakamukaka akufutatila musena wa bulemu bwakwe.

2 Makani 29:6 교차 참조

Esekelo 8:16

Kuswawaawo wakantola mulubansa lwa mukati lwa Ŋanda ya Mwaami Lesa. Ono kumwinjililo wa Ŋanda iyi pakati ka mwinjililo ushitilishitwe acipaililo, pakalinga basankwa bakalinga mpashi 25. Bakalinga kufutatilite Ŋanda ya Mwaami Lesa kabalangite kwicwe. Bantu abo bakalinga kukoteme kabalambila lisuba lyakalinga kuswa.

Jelemiya 2:27

Mwebo mulaambila cisamu ayi, ‘Mwebo ndimwe bata.’ Mulaambila libwe ayi, ‘Mwebo ndimwe bama.’ Mwafutatikabo misana yanu, sombi kuteshi shiwa. Ncakwiila na mwaba mumapensho mulanjita ayi, ‘Kamwisa mutufuneeko.’

Mateyo 10:37

“Uyo woonse usuni baishi nabi banyina kwiinda ndime, taaelete kuba shikwiiya wangu. Uyo woonse usuni mwanaakwe musankwa nabi mwanakashi kwiinda ndime, taaelete kuba waangu.

Danyelo 9:16

NoBaami baLesa kweelana amicito yanu iluleme amukushe bukali bwanu buyoosha pandabala ya Jelusalemu, ndabala yanu inene, ee, pakalundu kanu kasalalite. Shibiibi shesu ashilubo sha bamashali besu bakulukulu shakalengesha ndabala ya Jelusalemu abantu banu kuba cintu ceelete kushibulukwa kubantu boonse batushingulukite.

Malilo 5:7

Bamashali besu bakulukulu bakabisha akuloba. Ono bulya swebo twafwita calya nkanga.

Jelemiya 44:21

“Sa Mwaami Lesa taakwe kwiibaluka akuyeeya tununkila kabotu uto ntomwakalinga kutenta mumandabala a kuJuda amumikwakwa ya muJelusalemu, ee, mwebo, bamashali banu bakulukulu, bamaami, bacinenenene banu alimwi abantu ba mucishi?

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Jelemiya 2:17

Aya mapensho mwaliletelabo nobene ceebo cakusuula Mwaami Lesa, Lesa wanu uyo wakalinga kumutanjilila munshila shanu shoonse.

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Neyemiya 9:32

“Ono nobaLesa besu, ncakwiila muli baLesa beshinkusu, mulalemekwa alimwi mulakankamika abuumbi! Mulacita kweelana acipangano canu ca lusuno. Twapeenga abuumbi kuswa kuciindi bamaami ba bene Asilya ndibakatulyatila kushikila asunu. Bamaami besu, bamatanjilili, bapailishi, balaluki, bamashali besu bakulukulu abantu besu bamwi boonse bapenga abuumbi. Ono amwiibaluke mbotwakapenshekwa!

Neyemiya 9:16

Sombi balo bamashali besu bakulukulu bakalisumpula akuba beshicimpamya. Bakakaka kunyumfwila milawo yanu.

Esila 9:7

Kuswa muciindi ca bamashali besu bakulukulu kushikila sunu, shibiibi shesu shafula abuumbi. Ceebo ca shibiibi shesu, swebo, bamaami abapailishi besu twakakomwa kubamaami ba mushishi shimwi, tulacaikwa, kwipilwa akutolwa busha. Ncakwiila twasebaana abuumbi bweenka mbotubete asunu.

Esila 5:12

Ono mukwiinga bamashali besu bakulukulu bakakalasha baLesa ba kwiculu, bakabalekelesha ayi bakomwe aNebukadinesa mwaami wa kuBabiloni, wa mucikoto ca bene Kaludeya, uyo wakanyonyoola Ŋanda iyi alimwi akutola bantu mubusha kucishi ca Babiloni.

2 Makani 34:21

“Kamuya mukeepushileko ndime abene Juda boonse kuMwaami Lesa pasheesho shilembetwe mulibuku lya Milawo ili lyacanikwa. Mwaami Lesa ulikalalite abuumbi pali ndiswe mukwiinga bamashali besu bakulukulu tabakwe kukonkela maswi a Mwaami Lesa mukutacita kweelana asheesho shoonse shilembetwe mulibuku ili.”

Neyemiya 1:6

Amumboone noBaami baLesa akuteya matwi anu kwaamba ayi munyumfwe mupailo wangu nemusebenshi wanu uyo ngoontoopaila kunembo lyanu malumwi amashiku pabasebenshi banu bene Isilaeli. Ndalyaambilila shibiibi shesu sobene Isilaeli, nebo abamuŋanda ya bata, nshetwakamubishisha.

Jelemiya 26:19

“Sa Esekiya mwaami wa bene Juda nabi umwi uli woonse wa muJuda wakamucaya? Sa Esekiya taakwe kuloonda Mwaami Lesa akusenga ayi abamunyumfwile nkumbu? Sa Mwaami Lesa taakwe kusandula miyeeyo yakwe akutabaletela mapensho ayo ngaakaamba kubapa? Bulya tutooliletelabo mapensho ayoosha.”

Esekelo 18:14

“Ono twaambe ayi mwaana musankwa uyo kaacite mwanaakwe musankwa uyo ubona shibiibi isho shoonse baishi nshebacita, sombi nabi lakwe ulashibona, kaatashiciiti.

Neyemiya 9:34

Bamaami besu, bamatanjilili, bapailishi abamashali besu bakulukulu tabakwe kukonkela Milawo yanu. Ncakwiila tabakwe kunyumfwila milasho yanu nabi kunyumfwa kucenjesha kwanu.