3 Mpeeke Jeoshafati wakafwa boowa akutalika kupaila kuMwaami Lesa kwaamba ayi amutanjilile. Lyalo wakaambila bantu boonse mucishi ayi balikaashe kulya.
Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.
Nakubi boobo nkoshili shimwi shibotu nshemwacita. Mwakanyonyoola shikoshanyo shakwe Ashela lesa mwanakashi isho bantu nshebakalinga kulambila alimwi mwakeelesha kukonkela kuyanda kwakwe Lesa.”
Amwaambilishe ayi mbushiku bwakulikasha kulya akwiita bantu ayi babungane pantu pomwi. Amwiite bamaloba abantu boonse bekala mucishi ca Juda kwaamba ayi baye kuŊanda yakwe Lesa, Lesa wanu kuya mukulila kuli nguwe.
Ono mumweenshi wasanu ayone mumwaaka wasanu wa bwaami bwakwe Jeoiyakimu mwanaakwe Josiya mwaami wa bene Juda, bantu bakalikasha kulya kunembo lya Mwaami Lesa. Kulikasha kulya uku kwakacitwa abantu boonse bekala muJelusalemu alimwi aboonse abo bakaswa mumandabala a mucishi ca Juda.
Aboobo boonse bakabungana kuMisipa. Bakateka maanshi akwaabenga ayi ncipo kuMwaami Lesa mukwaatila. Lyalo bakalikasha kulya bushiku boonse ubo akusumina ayi, “Twakabishisha Mwaami Lesa.” KuMisipa Samwelo nkwaakatalikila koombolosha pakati ka bene Isilaeli.
Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.
“Kamuya mukabunganye baJuda boonse bali muSusa, mulikaashe kulya akumpaililaako. Mutakali nabi kunwa cintu cili coonse kwanshiku shili shotatwe. Nebo alimwi abasebenshi bangu banakashi tulaakunoocita bweenka ubo. Kuswawaawo ndaakuya kumwaami nabi mulawo ulakasha. Na cilaamba kufwa, ankafwebo!”
Paceebo ceeci beshikweensha bwaato bakaloonda akulemeka Mwaami Lesa, aboobo bakabenga mulambu kuli nguwe akumulasha cakulumbila ayi balaakunoomusebensela.
Kuswawaawo bene Isilaeli boonse bakalinga kusuni kulambila Mwaami Lesa, Lesa wa bene Isilaeli, bakakonkela bene Lefi kuya kuJelusalemu kwaamba ayi bakabenge milambu kuMwaami Lesa, Lesa wa bamashali babo bakulukulu.
Mpomunyaawo bene Isilaeli boonse, nkokwaamba ayi bashilumamba boonse bakaboolela kuBetelo alimwi kuya mukulilila Mwaami Lesa. Bushiku ubo bakalikasha kulya kushikila macolesha. Bakabenga milambu yakutenta aya bwanabwankashi.
ono na bantu bangu beetwa muliina lyangu balibombya, bapaila, banambila akusanduka kuswa kushibiibi shabo, lyalo nebo ndaakubanyumfwa kwiculu, kulekelela shibiibi shabo akulengesha cishi cabo kubila alimwi.
Pabushiku bwamakumi obilo anshiiku shone mumweenshi weenka uyo, bene Isilaeli bakabungana akulikasha kulya, kabafwete masaka akulibika lusuko pamitwi kutondesha buumba.
Mwaami Lesa waamba kubene Isilaeli ayi, “Amunangoole, lyalo mulaakuba abuumi.
