2 Makani 17:3 - Baibo Busansulushi Bwa Libuku Ili

³ Mwaami Lesa wakapa coolwe Jeoshafati mukwiinga wakakonkela nshila shitaanshi sha baishi. Taakalinga kulambila Baali.

2 Makani 17:3 교차 참조

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

2 Baami 22:2

Josiya wakacita shiluleme pameenso a Mwaami Lesa mukukonkela shoonse isho shakalinga kucita Defedi mushali wakwe mukulukulu. Wakalinga kukonkela milawo yoonse yakwe Lesa cakutapusa.

2 Timoti 4:22

Mwaami abe awebo. Luse lwakwe Lesa lube amwebo noonse.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

1 Makani 22:18

Wakaamba ayi, “Mwaami Lesa, Lesa wanu wakalinga amwebo akumupa luumuno kumbasu shoonse. Wakanengesha ayi nkome bantu boonse bakalinga kwikala mucishi cino. Ciindi cino bali mumaansaanu amumaansa a Mwaami Lesa.

2 Samwelo 5:10

Kuswawaawo bweendeleshi bwakwe bwakeendaawo kushimpa mukwiinga Mwaami Lesa Shinkusu shoonse wakalinga anguwe.

Boomboloshi 6:12

Munjelo wa Mwaami Lesa wakaboneka kuli nguwe akumwaambila ayi, “Mwaami Lesa uli andiwe, webo oshinkusu utacite boowa.”

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

Joshuwa 1:5

Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.

Kulonga 3:12

Mpeeke Lesa wakamukumbula ayi, “Nebo ndaakunooli awebo, alimwi andyeshi ukanoobakusha mucishi ca Ijipiti, mulaakunambilila pakalundu aka. Ici cilaakuba cishibilo cakwaamba ayi ndime ndakutuma.”

Matalikilo 39:21

Sombi Mwaami Lesa wakalinga aJosefu alimwi wakamupa coolwe, cakwaamba ayi shintolongo wakakondwa buumi bwakwe.

Mateyo 18:20

Mukwiinga apo pabungana bantu bobilo nabi botatwe muliina lyangu, anebo mpoondi pali mbabo.”

Jelemiya 2:23

Ino inga waamba buyani ayi, ‘Nshisalalite, nshina kukonkelaawo ba Bali.’ Bona mbuli mbowakacita kooli mucinyika, yeeya nshewakacita. Ulibo anga ningamela yanakashi iya bucicabo uku akooku.

Isaya 8:10

Amupangane muyeeyo bwakucita, sombi teshi mukaswitilileewo. Cili coonse nceshi mubambe teshi cikasebenseewo mukwiinga Mwaami Lesa uli aswebo.

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

2 Baami 18:3

Wakacita shiluleme pameenso a Mwaami Lesa bweenka bwakacita Defedi mushali wakwe mukulukulu.

1 Baami 11:6

Wakabisha kuli Lesa alimwi taakalinga kushomeka kuli nguwe cakumaninina mbuli bwakalinga Defedi ishi.

2 Samwelo 8:15

Mboboobo Defedi mbwaakaba mwaami wa cishi ca Isilaeli coonse, alimwi wakeendelesha bantu boonse cabululami.

Kulonga 4:12

Anu webo, koya bulya bweenka! Ndaakukucafwaako kwaamba alimwi ndaakukulwiita ashakwaamba.”

2 Makani 14:11

Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

2 Baami 16:2

Wakaba mwaami kaacite myaaka makumi obilo. Wakalela muJelusalemu kwamyaaka likumi amyaaka yosanwe awomwi. Taakwe kukonkela bwakacita Defedi mushali wakwe mukulukulu, sombi wakacita shitaluleme pameenso a Mwaami Lesa, Lesa wakwe.

Boomboloshi 8:33

Gidyoni ndyaakafwa, bene Isilaeli bakacileka kulambila Mwaami Lesa akutalika kulambila baBaali. Bakasandula Baali Beliti kuba lesa wabo.

Boomboloshi 2:18

Anu ciindi coonse Mwaami Lesa ncaakalinga kubapa moomboloshi, Mwaami Lesa wakalinga kumucafwa akufuna bene Isilaeli kubalwani babo ciindi coonse ca buumi bwa moomboloshi uyo. Mwaami Lesa wakalinga kubanyumfwila nkumbu ceebo bakalinga kutongela mumaansa a baabo bakalinga kubapensha akubalyatilila.

Boomboloshi 2:11

Mpeeke bene Isilaeli bakabisha pameenso a Mwaami Lesa ceebo bakatalika kusebensela baBaali.

2 Baami 14:3

Wakacita shiluleme kuMwaami Lesa. Taakalinga kucita kweelana abwakacita mwaami Defedi mushali wakwe mukulukulu, sombi wakacita kweelana abwakacita Jowashi ishi.

1 Baami 22:43

Bweenka bwakacita baishi baAsa bataanshi pali nguwe, wakacita shiluleme pameenso a Mwaami Lesa. Sombi misena yakulambililaako ya patulundu taikwe kumwayoolwa. Paceebo ceeco bantu bakatolelela kubenga milambu akutenta tununkila kabotu uko.

2 Makani 17:2

Wakabika bashilumamba mumandabala oonse a bene Juda ayo akalinga kucite malinga, mandabala amwi a mucishi ca Juda alimwi amumandabala ayo Asa ngwaakakoma mucishi ca Efuleemu.

2 Makani 17:4

Wakasebensela Lesa wa baishi akukonkela milawo yakwe. Taakwe kukonkela bwakalinga kucita bene Isilaeli.

2 Makani 21:12

Lyalo Elija mulaluki wakatumina Jeolamu nkalata yakalinga kwaamba ayi, “Mwaami Lesa, Lesa wakwe Defedi mushali wanu mukulukulu, wamupa mulandu mukwiinga tamukwe kukonkela nshila shibotu sha baishiwanu, baami baJeoshafati nabi bankambiyako baAsa baami ba bene Juda.

1 Samwelo 18:5

Ono Defedi wakalinga kucita cintu cili coonse cakamutuma Saulo cakuswitilila. Aboobo Saulo wakamulengesha kuba mutanjilili wa mulikoto lya bashilumamba bakwe. Cikani ico bantu boonse pantu pomwi abamatanjilili bamwi boonse bakwe Saulo bakakondwa.

1 Samwelo 18:12

Mwaami Saulo wakatalika kuloonda Defedi ceebo Mwaami Lesa wakalinga anguwe, sombi lakwe wakamushiya.

1 Samwelo 18:14

Ono shintu shoonse nshaakalinga kucita, shakalinga kumweendela kabotu mukwiinga Mwaami Lesa wakalinga anguwe.

1 Baami 3:3

Solomoni wakalinga kumusuni Mwaami Lesa alimwi wakakonkela kwiisha kwa baishi baDefedi. Sombi alakwe wakalinga kubenga milambu akutenta tununkila kabotu pashipaililo shipusenepusene.

2 Makani 20:32

Wakacita shiluleme pameenso a Mwaami Lesa bweenka bwakacita baishi baAsa bataanshi pali nguwe.

2 Makani 22:9

Lyalo wakaya mukuyandoola Aasiya. Basankwa bakwe bamwi bakamucana mucishi ca Samaliya kaayubite akumucata. Mpeeke bakamutola kuli Jewu akumucaya. Sombi bakamubika mukwiinga mwaami Jeoshafati nkambiyakwe wakalinga kusebensela Mwaami Lesa camoyo woonse. Tekwakalinga nabi womwi wamuŋanda yakwe Aasiya wakacaalaawo uyo wakalinga kucite nkusu shakulela cishi ico.

2 Makani 27:6

Jotamu uyo wakaba ankusu abulemu mukwiinga wakalinga kushomeka kuMwaami Lesa, Lesa wakwe akumunyumfwila.

2 Makani 29:2

Wakacita shiluleme pameenso a Mwaami Lesa bweenka bwakacita Defedi mushali wakwe mukulukulu.

2 Makani 34:2

Josiya wakacita shiluleme pameenso a Mwaami Lesa mukukonkela shoonse isho shakalinga kucita Defedi mushali wakwe mukulukulu. Wakalinga kukonkela milawo yoonse yakwe Lesa cakutapusa.

Mateyo 25:16

Uyo wakapekwa shuulu shosanwe wakeendililabo kusebensesha maali alya, akucaninawo shuulu shosanwe sha maali.