16 Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,
Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.
Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.
Ono Lesa Ishiwesu mwiine aMwaami wesu Jesu bakushe isho shoonse shitoolengesha lweendo lwesu lwakwisa kuli ndimwe, kutaswitilila.
Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.
Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.
Amwebo nobasankwa amusune bamakaanu bweenka mbuli Klistu mbwaakasuna coonde akwaaba buumi bwakwe ceebo ca ncico
Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.
Sombi Lesa wakatutondesha kwaamba ayi ulitusuni abuumbi ceebo Jesu Klistu wakatufwita katucili bamucita shibi.
Lesa wakashomesha mukwiinga Abulaamu wakamushoma kwaamba ayi bamulunyungu lwakwe Abulaamu batambule cipo muluse lwakwe. Teshi kubaabo bakonkela Milawo beenka. Sombi abaabo bashoma bwakashoma Abulaamu ceebo Abulaamu ngoishiwesu soonse sotushoma.
Muntu usebensa, ulafola maali ceebo ca mulimo ngwaacita. Sombi teshi kwaamba ayi ncipo mukwiinga wakaasebensela.
Lyalo Apolosi wakayeeya kuya kuAkeya. Bashomi ba muEfeso bakamuyumya kwiinda mukulemba nkalata yakutola kubashomi ba muAkeya kwaamba ayi bamutambule kabotu. Ndyaakashika, wakacafwa bumbi abo bakalinga kushoma muli Jesu kwiinda muluse lwakwe Lesa.
Tabwishi mboceelete kuba! Tulashoma kwaamba ayi tulapulushikwa kwiinda muluse lwa Mwaami Jesu, bweenka mbuli mbabo.”
Amwebo mbweeke ubo, bulya mulyuungumene mumyoyo. Sombi ndaakumubona alimwi, lyalo mulaakusangalala abuumbi. Kusangalala uko, taaku muntu eshi akakukusheewo pali ndimwe.
Taaku lusuno lunene muntu ndweenga wabaalo kwiinda loolu lwakwaamba ayi aabe buumi bwakwe ceebo ca babye.
Bweenka mbuli baTa mbobansuni, mboomusuni amwebo. Aboobo amukalilile mulusuno lwangu.
Kabutana kushikila bushiku bwa Pasika bwa kwiibaluka kusotokela, Jesu wakalinga kwishi ayi ciindi cashikila cakuswa mucishi ca panshi akuya kuli baIshi. Lakwe wakalinga kusuni bantu bakwe abo bakalinga mucishi alimwi wakabasunisha.
Sombi uyo woonse unwa maanshi ngoompa teshi akafwewo nyotwa alimwi. Ncakwiila maanshi ayo ngweshi nkamupe alaakuba anga nkantupu ako keshi kakanookusha maanshi apa buumi butamaani muli nguwe.”
“Sombi Abulaamu wakaamba ayi, ‘Omwanaangu ibaluka ayi webo ndiwakalinga muumi wakalinga wapekwa shintu shoonse shibotu, alakwe Lasalo shintu shibiibi. Sombi bulya alakwe utookondwa kuno awebo uli mumapensho anene.
Pamusena wakwaamba ayi bantu bakwe balenshekwe nsoni, shoolwe shilaakunoosa mambili kuli mbabo. Ncakwiila pamusena wakwaamba ayi basebaanishikwe, balaakunoosangalalabo mucishi ncebakapekwa. Balaakunokwaabilwa shipansha nshobilo mucishi cabo. Lyalo balaakunoosangalala kwalyoonse alyoonse.
Ncakwiila abo mbomwakafuna balaakuboola. Balaakushika kuSiyoni kabeemba. Lyalo balaakunokweenda kabasangalete kwalyoonse alyoonse. Ndushinisho kusangalala teshi kukamaneewo alimwi buumba bwabo amatongooshi shilaakumana.
Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.
Sombi lusuno lwa Mwaami Lesa ndwamuyayaya kubaabo bamulemeka. Ulatondesha bululami bwakwe akubamulunyungu lwabo boonse.
Teshi kukanooshiyaawo. Bantu teshi bakanooyanda malampi nabi mumuni wa lisuba mukwiinga Mwaami Lesa ngweshi akabe mumuni wabo alimwi abalo balaakunokweendelesha lyoonse alyoonse.
Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.
Klistu wakaaba buumi ceebo ca ndiswe, munshila iyi tuleshiba lusuno mbolubete. Aboobo aswebo tulyeelete kwaaba buumi bwesu ceebo ca babyeesu.
Mukwiinga Milawo yakwe Mose taikwe kululika muntu nabi womwi. Sombi bulya tulicite kulangila kwiindaawo kubota uko kutusenya kufwaafwi aLesa.
Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.
Ono makani ancinencine, nkokwaamba ayi Makani Abotu, ndyaakashimikilwa kuli ndimwe pakutaanguna, mwakanyumfwa shakulangila shiliimo. Aboobo mulicite lushomo alimwi alusuno ceebo ca sheesho nshemutoolangila, isho Lesa nshaakamubambila kabotu kwiculu.
Aboobo ntoolembela ndimwe noonse nomuli muLoma nomusunikwi aLesa alimwi nomwakeetwa kwaamba ayi mube bantu bakwe. Luse aluumuno shibe amwebo kuswa kuli Lesa Ishiwesu aMwaami Jesu Klistu.
Swebo tulyeelete kulumba Lesa lyoonse ceebo canu nobamakwesu, nomusunikwi kuMwaami Lesa mukwiinga Lesa wakamusala kuswa kumatalikilo kwaamba ayi mupulushikwe. Lesa wakamulengesha kuba bantu bakwe kwiinda mumulimo wa Mushimu Usalashi alimwi alushomo lwanu mushalushinisho.
Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.
