2 Bene Tesalonika 1:12 - Baibo Busansulushi Bwa Libuku Ili

¹² Mukucita boobo, liina lya Mwaami wesu Jesu lilaakupekwa bulemu ceebo canu. Amwebo ulaakumulengesha kuba abulemu. Shoonse ishi shilaakucitika ceebo ca luse lwakwe Lesa wesu alwa Mwaami Jesu Klistu.

2 Bene Tesalonika 1:12 교차 참조

2 Bene Tesalonika 1:10

Shoonse ishi shilaakucitika pabushiku bunene bulya aakwisa mukutambulwa cabulemu akulumbaishikwa kubantu bakwe, nkokwaamba ayi abo boonse bashoma. Amwebo mulaakuba mulikoto lyabo ceebo mwakashoma makani ngotwakamulwiita.

1 Pita 4:14

Na mwacobolwa ceebo ca liina lyakwe Klistu, mulicite coolwe, mukwiinga cilabonesha ayi Mushimu wakwe Lesa wa bulemu uli muli ndimwe.

Joni 17:10

Boonse mbooncite mbanu, amwebo boonse mbomucite mbaangu, alimwi ndalemekwa kwiinda muli mbabo.

2 Bene Kolinto 13:4

Ceebo nabi wakapopwa pamucilingano mukulefuka kwa buntu, ngumuumi kwiinda munkusu shakwe Lesa. Tulilefukite muli nguwe, sombi munkusu shakwe Lesa tulaakuba boomi anguwe kwaamba ayi tukamucite bweelete.

Ciyubululo 1:4

Ndime Joni nentoolembela ndimwe noshoonde shosanwe ashobilo shili mucishi ca Esha. Lesa uyo uliiwo, wakalingaawo alimwi weshi akanooliiwo amupe luse aluumuno. Ayalo mishimu yosanwe ayobilo ili kunembo lya cuuna cakwe ca bwaami imupe luse aluumuno.

2 Bene Kolinto 8:9

Mukwiinga mwebo mulishi luse lwa Mwaami wesu Jesu Klistu. Wakalinga mubile, sombi wakaba mukandu ceebo ca ndimwe kwaamba ayi mwebo mube babile mumushimu kwiinda mubukandu bwakwe.

1 Bene Kolinto 1:4

Lyoonse ndalumba Lesa ceebo ca ndimwe mukwiinga wa luse Lesa ndwaakamutondesha muli Klistu Jesu.

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

Bene Loma 1:7

Aboobo ntoolembela ndimwe noonse nomuli muLoma nomusunikwi aLesa alimwi nomwakeetwa kwaamba ayi mube bantu bakwe. Luse aluumuno shibe amwebo kuswa kuli Lesa Ishiwesu aMwaami Jesu Klistu.

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Isaya 45:17

Sombi bene Isilaeli balo Mwaami Lesa ulaakubapulusha. Kupulushikwa kwabo kulaakuba kwamuyayaya. Ee, bene Isilaeli teshi bakasebaanishikweewo.’ ”

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

Matalikilo 18:18

Bamulunyungu lwakwe balaakuba mushobo unene wiindaawo, alimwi nkwiinda muli nguwe mweshi nkapete coolwe mishobo yoonse.

Taitasi 2:11

Ceebo Lesa wakayubulula luse lwakwe ayi bantu boonse bapulushikwe.

Isaya 45:25

Balo bamulunyungu lwakwe Jakobo, nebo neMwaami Lesa ndaakubalulamika alimwi balaakunoonumbaisha.

Isaya 24:15

Aboobo mwebo nobakwicwe amulemeke Mwaami Lesa, Lesa wa bene Isilaeli. Amumulemeke amwebo nomuli pansumbu sha palweenge.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!