2 Bene Tesalonika 1:11 - Baibo Busansulushi Bwa Libuku Ili

¹¹ Paceebo ceeco tulamupailila lyoonse kwaamba ayi Lesa amulengeshe kuba bantu beelete kwikala buumi ubo mbwaakamwiitila. Tulapaila ayi kwiinda munkusu shakwe amulengeshe kukonsha kucita shintu shibotu nshemuyanda kucita akumanisha milimo itondesha lushomo lwanu.

2 Bene Tesalonika 1:11 교차 참조

Bene Filipi 2:13

Mukwiinga Lesa ngoosebensa muli ndimwe ayi muyande akucita shintu kweelana amuyeeyo wakwe.

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

2 Bene Tesalonika 1:5

Ishi shoonse shitootondesha calushinisho kwaamba ayi Lesa uloombolosha cabululami. Aboobo citokwaamba ayi mulyeelete kwinjila muBweene bwakwe Lesa ubo mboomutoopengela.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

2 Bene Tesalonika 2:14

Wakamwiita muMakani Abotu ayo ngotwakamushimikila kwaamba ayi amwebo mukenjile mubulemu bwa Mwaami wesu Jesu Klistu.

Bene Efeso 1:5

wakabambilabo limwi ayi tulaakuba bana bakwe kwiinda muli Jesu Klistu. Ici cakamukondelesha alimwi kwakalinga nkuyanda kwakwe.

Bene Loma 8:30

Ono abo Lesa mbaakabika palubasu, mbwaakeeta. Abo mbwaakeeta mbobaabo mbwaakalulamika pameenso akwe. Alimwi abo mbwaakalulamika, mbobaabo mbwaakapako bulemu bwakwe.

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Bene Filipi 1:6

Ndishinishite kwaamba ayi Lesa wakatalika ncito ibotu muli ndimwe ulaakutolelela akwiimanishisha paBushiku ubo aakuboola Klistu Jesu.

Kulumbaisha 138:8

NoBaami baLesa mulaakuncitila shoonse nshemwakanshomesha. Lusuno lwanu noBaami baLesa ndwamuyayaya. Mutalekeleshi milimo ya maansaanu.

Kulumbaisha 51:18

NobaLesa, amucite shibotu kuli Siyoni ceebo ca nkumbu shanu. Amuyake cipya lubumbu lwa Jelusalemu.

Ciyubululo 5:10

Wakalengesha kwaamba ayi babe bamaami, kwaamba ayi basebensele Lesa wesu anga mbapailishi, aboobo balaakweendelesha mucishi ca panshi.”

Ciyubululo 3:4

Sombi nkobali bamwi baniini muSadisi abo batakwe kubisha shakufwala shabo. Balaakweenda anebo kabafwete shakufwala shituba tuu mukwiinga mbobeelete.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

Bene Ebulu 3:1

Nobamakwesu, nomwakeetwa kuli Lesa kwaamba ayi mube abuumi bwa kwiculu. Amuyeeye Jesu, Mutumwi alimwi Mupailishi Munene wa lushomo ndotushimikila.

Bene Filipi 3:14

Aboobo ndacicila kushika kumeelelesho kwaamba ayi nkatambule cilambu kwiculu ncakatwiitila Lesa kwiinda muli Klistu Jesu.

Bene Efeso 1:16

ndalumba Lesa lyoonsebo ceeco ca ndimwe. Ndamwiibaluka mumipailo yangu.

Bene Efeso 1:9

Lesa wakacita kweelana ambwaakabamba alimwi wakatushibisha muyeeyo wakwe wa bushishi uyo ngwaakayeeya ayi ulaakuucita kwiinda muli Klistu.

Bene Loma 1:9

Lesa uyo ngoonsebensela amoyo woonse kwiinda mukushimikila Makani Abotu aamba shaMwanaakwe, ngukamboni wangu ayi ico ncentokwaamba ncalushinisho. Ulishi alimwi kwaamba ayi ndamuyeeya lyoonse

Maako 4:28

Bulongo bwiine mbobukulisha mumeno akuulengesha kwaamba ayi ucate. Citaanguna ncibuba, kuboolaawo njimifuko, pesule mifuko ndyeiba anseeke.

Sekaliya 4:7

Makatasho ali anga nkalundu kanene alaakushimingana kunembo lyako. Webo ulaakuyakulula Ŋanda yangu. Ono waakushimpika libwe lyakweelaako, bantu balaakoolobesha ayi, Lesa aipe coolwe! Lesa aipe coolwe!’ ”

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Isaya 66:9

Ono Mwaami Lesa waamba ayi, “Sa nebo inga ndalengesha lifumo kubuka, sombi ndabula kumulengesha kutumbuka?

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Kulumbaisha 68:20

Lesa wesu, nguLesa upulusha, Mwaami Lesa Shinkusu shoonse ngoolengesha ayi tukonshe kuyuba lufu.

Kulumbaisha 48:14

Ceebo Lesa uyo ngoLesa wesu kwamuyayaya Ndushinisho ulaakunootutanjilila tibili akumeelelesho.

1 Bene Kolinto 1:8

Ulaakumuyumya kushikila akumamanino kwaamba ayi pabushiku bwakwisa Mwaami wesu Jesu Klistu mukacanike kamutacite kampenda.

Danyelo 3:17

Na mukatuwaale mumunyumbi mutoonyaka mulilo uyoosha, Lesa uyo ngotulambila ulakonsha kutufuna kuswa mumulilo uyo. Ncakwiila nobaami, ulaakutufuna kuswa mumaansaanu.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Bene Loma 11:29

Na Lesa wasala akupa coolwe muntu, taasanduki.

Bene Loma 15:14

Nobene Klistuma nebo ndishinishite kwaamba ayi mulicite buumi bubotu alimwi mulishi shoonse nshemweelete kucita akulwiitana nobeene.