9 Bweenka bwaamba Malembo akwe Lesa ayi, “Muntu upa cakusangalala kubapenshi, bululami bwakwe tabumaani.”
Ulaaba shipo shakwe kubakandu camoyo woonse. Bululami bwakwe mbwalyoonse alyoonse. Ulaakuba ankusu alimwi ulaakulemekwa.
Bamuŋanda yakwe balaakuba abuboni buunji, ndushinisho bamuŋanda yakwe balaakunooluleme lyoonse alyoonse.
Uyo ukonkela shiluleme alimwi ucite nkumbu, ulacana buumi, bululami abulemu.
Balaakunyonyookabo anga ncakufwala calikwa muswa. Sombi lupulusho lwangu ndwalyoonse alyoonse alimwi kufuna kwangu teshi kukeelebo waawo peenka, sobwe.”
Ndime nengesha bantu kubila akuba abulemu. Ee, ndime mbalengesha kuba abuboni akuswitilila.
Ono pali shintu shotatwe sheshi shikabule kumana. Ishi ndushomo, lulangilo alimwi alusuno. Nakubi boobo pasheeshi, cinene ndusuno.
Lesa ngoopa mbuto muntu kwaamba ayi ashange alimwi ulapa acakulya. Aboobo ulaakumupa mbuto njemukonsha kushanga akukomenesha shishango shanu. Lyalo ceebo ca nkumbu shanu ulaakulengesha ayi mukatebule shiinji.
