9 Mukwiinga mwebo mulishi luse lwa Mwaami wesu Jesu Klistu. Wakalinga mubile, sombi wakaba mukandu ceebo ca ndimwe kwaamba ayi mwebo mube babile mumushimu kwiinda mubukandu bwakwe.
Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?
Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”
Sombi Lesa wakatutondesha kwaamba ayi ulitusuni abuumbi ceebo Jesu Klistu wakatufwita katucili bamucita shibi.
Tulaboneka anga tulyuungumene, sombi tulakondwa lyoonse. Tulaboneka anga mbakandu, sombi tulalengesha bantu baanji kubila. Tulaboneka anga taaku ncetucite, sombi shintu shoonse shili mumaanseesu.
Wakacita boobo kwaamba ayi amushiindi shitoosa shoonse akanooboneshabo luse lwakwe lutana kubonekaawo, ulo ndwaakabonesha kuli ndiswe kwiinda muli Klistu Jesu.
Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.
Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.
Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.
Ubaambile ayi banoocita shibotu, kwaamba ayi babile mumicito ibotu. Balyeelete kuba bantu bapa camaansa obilo alimwi balibambite kupa bamwi shintu.
Ono na kamutashomeki pabuboni bwa pacishi cino, ino ngani eshi akamushoome akumupa buboni bwancinencine?
Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.
Sombi Jesu wakamukumbula ayi, “Bamwaaba balicite shilingo, alimwi abayuni balicite shiinswa, sombi MwanaaMuntu taacite ampaaona.”
Ono ntookulwiitaako ayi uule golodi kuli ndime, golodi yakasalashikwa amulilo kwaamba ayi ubile. Uule ashakufwala shituba kwaamba ayi ufwale akushisa mubili wako utoolensha nsoni. Uule amusamu wa mumeenso ayi utalike kubona.
Amwishibe mulusuno lwakwe Klistu, lwiinda pamaano oonse a bantu kwaamba ayi Lesa ekale muli ndimwe cancinencine.
Lyoonse ndalumba Lesa ceebo ca ndimwe mukwiinga wa luse Lesa ndwaakamutondesha muli Klistu Jesu.
Wakapulukaamo mwaana wakwiiya musankwa. Wakamupetelesha mushisani akumooneka mulinkubala lyakalinga kulitaamo ŋombe mukwiinga temwakalinga musena muŋanda ya beensu.
Musebenshi wakwe ulya wakakula anga ninsoonseela kumeenso akwe Lesa nabi anga ngumuyanda watuntula mubulongo buyumu. Taakalinga kucitewo bulemu alimwi taakalingawo mubotu cakukonsha kutukwelela kuli nguwe Mbonekelo shakwe teshakalinga kukonsha kutapa myoyo yesu kuya pali nguwe.
Shoonse sha baTa nshaangu. Nceceeco ncendaambila ayi Mushimu ulaakubwesu maswi angu akumusansulwita.
Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.
Lakwe wakalingaamo mucishi cino alimwi cishi cakalengwa kwiinda muli nguwe. Nakubi boobo bantu ba mucishi tabakwe kumwishiba.
Uyo woonse eshi akakome, ulaakutambula cipo ici kuswa kuli ndime. Ndaakuba Lesa wakwe, alakwe ulaakuba mwanaangu.
Adamu mutaanshi wakalinga wa pacishi ca panshi alimwi wakaswa kubulongo, sombi Adamu wabili, wakaswa kwiculu.
Ceebo cakubisha kwa baJuda, bantu bamucishi ca panshi bakatambula shoolwe. Ceebo cakwaalilwa kwa baJuda, baswamashi bakunsengwe bakatambula shoolwe. Ino cilaakweela kuli na baJuda boonse bakasalwa, bakasenkane abashomi?
Ceebo ca mbabo ndalibenga kuli ndimwe kwaamba ayi abalo balibeenge calushinisho kuli ndime.
Lyalo Jesu wakabalwiita ayi, “Ili liswi talikwe kunyumfwika ceebo ca ndime, sobwe, sombi ceebo ca ndimwe.
Sa uyu teshi ngomubeseshi mwanaakwe Maliya? Sa teshi ngomukwabo Jemusi, Jose, Judasi alimwi aSimoni? Sa te banankashi shakwe te tuli abo kweenka kuno?” Aboobo bakamusuula.
Ono kwaamba ayi tutabakalashi basonkeshi aba, koya kulweenge ukalobe. Inswi njeshi utaangune kuloba, wiicenamune mukanwa. Utoocanamo maali akwana musonko wangu awaako, utole uye ukasonke.”
Mwaami Lesa wakaamba ayi, “Kulilabo maanshi kaaciliimo muminyansa bantu balaamba ayi, ‘Muteenyonyooli, mise moicili.’ Mbweeke ubo anebo mbweshi nkacite ceebo ca basebenshi bangu. Ncakwiila teshi nkanyonyoole bantu bangu boonse.
Ceebobo cakusuna Siyoni teshi ncale mulomo. Ee, ceebobo cakusuna Jelusalemu teshi ngumuneewo, kushikila bululami bukabale anga ncitubilishi cakumuyamaca, alimwi alwalo lupulusho lukamunike anga ncimunimweenge.
Ono bulya ndisangalete kwaamba ayi ndamupengela. Ceebo mumapensho angu aya, ntoocafwa kumanisha mapensho akwe Klistu akacaala akupengela mubili wakwe, uli ncecoonde.
Joana muka Kusa musankwa uyo wakalinga kulama shintu sha muŋanda yakwe Elodi, Susana alimwi abamwibo baanji bakalinga kusebensesha shintu shabo kucafwa Jesu abashikwiiya bakwe.
Ceebo Klistu taakwe kulikondelesha mwiine, sombi kweelana abwaamba Malembo akwe Lesa ayi, “Matushi bantu ngobakamutukana oonse aboolela pali ndime.”
Utokwaamba ayi, ‘Mapensho ako ndyeeshi alimwi ndishi kwaamba ayi uli mukandu, nakubi boobo uli mubile. Ndishi shoonse shibiibi nshebakubekesha bantu abo balibanda ayi mbaJuda kabateshi mbabo, sombi mbamulikoto lyakwe Satana.
