2 Bene Kolinto 8:23 - Baibo Busansulushi Bwa Libuku Ili

²³ Ono amwiibaluke kwaamba ayi Taitasi ngumusebenshima alimwi tulasebensela pantu pomwi mukucafwa ndimwe. Bashominyineesu bamwi abo besa anguwe, batookwiimikanina shoonde alimwi mulimo wabo ulaleta bulemu kuli Klistu.

2 Bene Kolinto 8:23 교차 참조

Bene Filipi 2:25

Ono ndayeeya kwaamba ayi inga cacafwa kumubooshesha mukwabesu uyu Epafuloditasi, uyo musebenshima alimwi shilumambama muli Klistu. Lakwe ngumuntu ngomwakatuma ayi ancaafwe.

Filimoni 1:17

Aboobo na ulaamba ayi ndimusebenshinyoko, tambula Onesimasi bweenka mbweenga wantambula.

2 Bene Kolinto 8:6

Nceceeco ncetwakalwiitilisha Taitasi ayi ulyeelete kumanishisha mulimo wa luse ngwaakatalika kale pakati kanu.

3 Joni 1:8

Anu swebo tulyeelete kubacafwa kwaamba ayi tusebensele pantu pomwi mumulimo wakushimikila shalushinisho.

Filimoni 1:24

Maako, Alisitakasi, Dimasi alimwi aLuka basebenshima abalo bakwaansha.

1 Bene Tesalonika 2:2

Mulishi bene Filipi mbobakatupensha akutusebaanya cilensha nsoni mundabala yabo, katutana kwisa muTesalonika umo. Nakubi kwaamba ayi bantu baanji bakalinga kusuni kwiimika mulimo wesu, Lesa wesu wakatuyumya myoyo kwaamba ayi tukonshe kumulwiita Makani Abotu aswa kuli nguwe.

Bene Kolose 1:7

Mwakeeya sheeshi kuli Epafulasi musebenshinyineesu usunikwi, musebenshi wakwe Klistu ushomeka mukutwimikaninaako.

Bene Filipi 4:3

Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.

2 Bene Kolinto 12:18

Ndakasenga Taitasi kwaamba ayi ese amufwakashishe alimwi ndakamutuma pantu pomwi amushominyineesu umwi. Sa inga mwaamba ayi Taitasi wakamunyengelelaawo? Sa lakwe anebo tatusebenseshi muyeeyo womwi? Sa buumi bwesu tabukoshenye?

2 Bene Kolinto 8:19

Kuteshibo boobo, sombi wasalwa ashoonde akutumwa kwaamba ayi tweendaakwe mumulimo wa luse ngotucite. Shoonse ishi tutooshicita mukupa bulemu Mwaami Jesu akutondesha kwaamba ayi tulisunishi kucafwa bashominyineesu bakandu.

2 Bene Kolinto 8:16

Ono aalumbwe Lesa ulengesha Taitasi kulyaaba bweenka mbotulyaaba aswebo pali ndimwe.

2 Bene Kolinto 7:6

Sombi Lesa, uyumyayumya batyongola, wakatuyumyayumya ciindi ndyaakashika Taitasi.

Luka 5:10

Jemusi aJoni bana bakwe Sebedi babye Simoni abalo bakakankamana abuumbi. Lyalo Jesu wakaambila Simoni ayi, “Utaloondi mukwiinga bulya kuswa sunu, unanooli shikuleta bantu kuli ndime, bweenka mbowalinga kucata nswi.”

Luka 5:7

Lyalo bakeetabo babyaabo bakalinga mubwaato bumwi ayi bese babacafweeko kusubula. Abalo bakesa mpeeke basubula nswi shilya akususha maato obilo ayo cakuyanda kupila.

Joni 13:16

Ntoomulwiita calushinisho ayi, taaku musebenshi wiinda mwaami wakwe alimwi taaku mutumwi wiinda wooyo wakamutuma.

1 Bene Kolinto 11:7

Musankwa taaelete kufwalako cintu kumutwi ceebo ncikoshanyo alimwi mbulemu bwakwe Lesa. Sombi mwanakashi ulatondesha bulemu bwa ibaye.

2 Bene Kolinto 8:18

Twamutuma amushominyineesu uyo ulemekwa abuumbi mushoonde shoonse ceebo ca mulimo wakwe wakushimikila Makani Abotu.

2 Bene Kolinto 8:22

Pantu pomwi ambabo twatuuma aumwi mushominyineesu musankwa. Ngumuntu ngotwakeelesha mushintu shiinji, ono twakacana kwaamba ayi ulayandishisha abuumbi kucafwa. Bulya weendaawo kuyandishisha kucafwa ceebo waba alushomo lunene muli ndimwe.

2 Timoti 4:10

Ceebo Dimasi wakanshiya mukwiinga wakasunisha shacishi ca panshi cino. Paceebo ceeco wakaya kuTesalonika. Kilesensi wakaya kuGalatiya alakwe Taitasi kuDalumatiya.

Taitasi 1:4

Ntoolembela ndiwe Taitasi omwanaangu wancinencine mulushomo ndotucite. Luse aluumuno shibe awebo kuswa kuli Lesa Ishiwesu aKlistu Jesu Mupulushi wesu.