3 Ndindaamba boobo, nshina kwaamba ayi mushinine, sobwe. Mbuli mbondakaambawo kale, mwebo tulimusuni abuumbi cakwaamba ayi taaku ceenga catupansaanya amwebo, lufu nabi cintu cili coonse mubuumi.
Peculu lya waawo ceebo cakumusunisha twakalinga kulibambite kuteshibo kumwishibisha shaMakani Abotu aswa kuli Lesa, sombi akupa buumi bwesu sobeene. Ncakwiila twakalinga kumusuni abuumbi!
Ndamulembela ishi kaantana kwisa uko, kwaamba ayi ndaakwisa uko, ntakasebenseshi nkusu shangu cabukali. Mwaami wakampa nkusu isho ayi njake coonde kuteshi kumwaya.
Ndisangalete kusebensesha shoonse nsheencite anebo nemwiine ceebo cakumucafwa. Ono sa mulyeelete kunsuna paniini ceebo ndimusuni bunene?
Sa ntokwaamba boobo ceebo cakutamusuna? Sobwe, Lesa ulishi kwaamba ayi ndimusuni!
Ndindakalemba nkalata nshikwe kwiilemba ceebo ca wooyo wakabisha nabi wooyo wakabishilwa. Ndakailembela kwaamba ayi muboneshe patuba pameenso akwe Lesa ayi kulyaaba kwanu kuli ndiswe nkunene.
Mwebo nweenka ndimwe nkalata yesu ilembetwe mumyoyo yesu, kwaamba ayi bantu boonse baishiibe akwiibelenga.
Ndamuyeeya lyoonse mukwiinga ndimusuni alimwi cililuleme kuli ndime kunyumfwa boobo. Ndyeembete muntolongo nabi ciindi cakwiimikanina akuyumya Makani Abotu mumyoyo ya bantu boonse, noonse mulaba andime muluse lwakwe Lesa.
