2 Bene Kolinto 7:15 - Baibo Busansulushi Bwa Libuku Ili

¹⁵ Lusuno lwakwe pali ndimwe lutooya cikomenenaako ndyaibaluka mbuli noonse mbomwakalinga kulibambite kucita nshaakalinga kumwaambila alimwi ambomwakamutambula cakuliceesha abulemu.

2 Bene Kolinto 7:15 교차 참조

Bene Filipi 2:12

Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.

2 Bene Kolinto 2:9

Ndakamulembela nkalata ilya ceebo ndakalinga kusuni kumusunka na mulakonsha kunyumfwila mushintu shoonse.

1 Joni 3:17

Na mubile wabona umwi utacite shiyandika mubuumi, sombi wabula kumucafwa, inga waamba buyani ayi lusuno lwakwe Lesa luli muli nguwe?

2 Bene Tesalonika 3:14

Na umwi akake kucita mbotwaamba munkalata njetwatuma iyi, mumulabilile akumusoonoka kwaamba ayi akanyumfwe nsoni.

Bene Kolose 3:12

Mwebo muli bantu abo Lesa mbwaakasuna akumusala kwaamba ayi mube bantu bakwe. Paceebo ceeco, mulyeelete kuba beshinkumbu, bacita kabotu, baliceesha, balibombya akuba bantu bacata myoyo.

Bene Filipi 1:8

Lesa inga wambeta bukamboni kwaamba ayi ndamuyeeya abuumbi mukwiinga ndimusuni amoyo wangu woonse alusuno luli mbuli lwakwe Klistu Jesu mwiine.

2 Bene Kolinto 6:12

Teshi ndiswe twashinkila lusuno lwesu kuli ndimwe, sombi mwebo nobeene mwashinkila lusuno lwanu kuli ndiswe.

Milimo ya Batumwi 16:29

Lyalo shikulindilila uyo wakaambila umwi ayi amuletele lilampi. Mpeeke wakeendililabo kwinjila akuliwaala muliimfwa lyakwe Paulo aSailasi kaatutumabo.

Osiya 13:1

Kalekale na bene Efuleemu baamba, bamumikowa imwi ya bene Isilaeli bakalinga kuloonda. Ncakwiila bene Efuleemu bakalinga kulemekwa pakati ka bene Isilaeli, sombi bakabisha kwiinda mukulambila Baali. Aboobo balaakumana kufwa.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Lwiimbo lwakwe Solomoni 5:4

Usunikwi wangu wakacata kucisasa. Moyo wangu wakatalika kuswa mukwiinga wakaba pafwaafwi anebo.

Kulumbaisha 119:120

Mubili wangu ulatutuma ceebo cakuloonda ndimwe. Ndicite boowa ceebo ca koombolosha kwanu.

Kulumbaisha 2:11

Amusebensele Mwaami Lesa cakumuloonda. Cakututuma, muliceeshe kunembo lyakwe,

Jobo 21:6

Ndeenjeeya shintu ishi shakancitikila ndaloonda, ndushinisho mubili wangu ulatutuma abuumbi.

Esila 10:9

Ono nshiku shotatwe kashitana kushikila, basankwa boonse bene Juda abene Benjameni bakabungana muJelusalemu, Pabushiku bwa makumi obilo mumweenshi wa yosanwe ayone, bantu boonse bakalinga kushiite mulubansa lwa Ŋanda yakwe Lesa, kabatutuma ceebo ca makani ayo anene alimwi amfuula.

Esila 9:4

Ndakekala apo kaaŋungumene kushikila ciindi cakubenga mulambu wa macolesha. Mpeeke bantu bakatalika kubungana mpondakalinga, nkokwaamba ayi boonse abo bakatutuma ndibakanyumfwa maswi akwe Lesa wa bene Isilaeli pashibiibi sha bantu abo bakataanguna kuswa mucishi ca busha.

Bene Efeso 6:5

Amwebo nobasha, mulyeelete kunyumfwila bamaami banu ba mucishi ca panshi cakubalemeka akubaloonda. Mulyeelete kucita nshebamulwiita amoyo womwi bweenka mbweenga mwasebensela Klistu.

1 Baami 3:26

Nyina mwiine wakanyumfwa nkumbu abuumbi pamwanaakwe musankwa akwaambila mwaami ayi, “Nomulemekwa, ndaseenga mutacaayi mwaana uyu! Amumupebo walutundu uyu!” Sombi umwi lakwe wakaamba ayi, “Mutapi nabi womwi pakati kesu, amumutimbulebo pakati.”

Matalikilo 43:30

Mpomunyaawo Josefu wakanyamukaawo lubilo mukwiinga nkumbu shakalinga shafula abuumbi pamwanike wakwe. Pakacaalabo paniini naakwiinga wakalila palya peenka, aboobo wakaya walila kucipinda cakwe.

Joni 16:21

Na walutundu uli pakati mumala mwabuka, ulapenshekwa ceebo ciindi cakupenga kwakwe cashikila. Sombi na wapulukaamo ulalubaako akupenga kwakwe ceebo ulasangalala ayi mwaana washalwa mucishi.

1 Bene Kolinto 2:3

Ndindakesa shindakalinga kuciteewo nkusu, aboobo ndakalinga kututumabo kuboowa.