1 Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.
Mukwiinga Lesa taakwe kutwiitila bufuule, sombi kuba abuumi busalalite.
Nomusunikwi, ntoomusenga cankusu, mbuli beensu bapalangene mucishi ca panshi, amuswe kulunkumbwa lwa mubili ulo lulwana amuuya wanu.
Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.
Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.
NobaLesa, amulenge moyo usalalite muli ndime. Mubike moyo upya ushomeka muli ndime.
Uyo woonse ucite lushomo akulangila muli Klistu ulalisalasha mwiine bweenka mbuli Klistu mbwaasalalite.
Ono Lesa uyo utulengesha kwaamba ayi twikale muluumuno, amusalashe cakumaninina akulengesha buumi bwanu boonse kubula kampenda pakwisa Mwaami wesu Jesu Klistu.
Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.
Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.
Lesa wakamuula amweelo unene, aboobo amusebenseshe mibili yanu mukumupa bulemu.
Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.
Aboobo ceebo cakwaamba ayi kushomesha Lesa nkwaakaamba kwakwinjila mukookesha mpokucili. Anu atucenjele kwaamba ayi kutabi nabi womwi eshi akaalilwe kwinjila.
Lusuno alushomo nsheshileta kulekelelwa kwa shibiibi. Na kooloonda Mwaami Lesa, inga kootabishiiwo napaceyi.
Anu mwebo mulyeelete kuba bantu basalalite, bweenka bubete Ishiwanu uli kwiculu.
“Balicite coolwe abo basalalite mumyoyo, mukwiinga balaakubona Lesa.
Anu cikula bwangu inga wasalasha buyani nshila yakwe? Kwiindabo mukwikala kweelana amaswi anu.
Sombi na twalyaambilila shibiibi shesu, Lesa ulashomeka alimwi uliluleme, aboobo ulatulekelela shibiibi shesu akutusalasha kumicito yesu yoonse italuleme.
Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.
Lesa wakapa bantu Milawo kwaamba ayi babone kufula kwa shibiibi shabo. Nakubi boobo shibiibi ndishakafula, luse lwakwe Lesa lwakeendaawo kufula.
Amulisaanshe mutube. Amucileeke kucita bubi boonse ubu mboomubona kamucita. Ee, amucileeke kucita shitaluleme.
“Kuli bantu balibona ayi balisalalite, sombi tabasalaliteewo, napaceyi.
Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.
Alimwi ceebo tulatambula bweene ubo butatenkaanishikwi, tulyeelete kulumba Lesa, kumulambila munshila imukondelesha alimwi akumulemeka abuumbi.
Mwesa kulibungano lyakusangalala lya baana basankwa bakwiiya bakwe Lesa, abo bacite meena alembetwe kwiculu. Mwebo mwesa kuli Lesa, moomboloshi wa bantu boonse, kumyuuya ya bantu baluleme abo bakasalashikwa cancinencine.
Lesa Ishiwesu ayumyeyumye myoyo yanu kwaamba ayi mubule kampenda alimwi musalale pameenso akwe, pakwisa Mwaami wesu Jesu abasalalite bakwe boonse.
Mukwiinga lakwe ngo “Ee” kusheesho shoonse shakashomesha Lesa. Nceceeco ncetwaambila ayi “Ameni” kwiinda muliina lyakwe Klistu, lyoonse nditulumba Lesa.
Muciindi ici, bashomi mushishi shoonse sha Judeya, Galili alimwi aSamaliya bakalinga muluumuno. Bashomi aba bakalinga kucatene pantu pomwi, bakafulilaako kwiinda mukuyuminishikwa aMushimu Usalashi alimwi bakalinga kulemeka Mwaami.
“Ono kwaamba ayi mube ashisepo shibotu, mulyeelete kuba acisamu cibotu. Na mulicite cisamu cibiibi, mulaakuba ashisepo shibiibi. Ceebo cisamu cili coonse cileshibilwa kushisepo sha ncico.
Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”
Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?
Anu ngani weenga waamba ayi, “Mumoyo wangu taamuuwo kampenda, ndisalalitebo alimwi nshicitewo cibiibi.”
Kuloonda Mwaami Lesa nkubotu, kulanoolikobo kushikila muyayaya. Koombolosha kwa Mwaami Lesa kuliluleme, mukwiinga lyoonse teshi kwakunyengelela.
Wakabaambila ayi, “Mulyeelete kuloonda Mwaami Lesa, kumusebensela camyoyo yoonse akushomeka kuli nguwe mushintu shoonse nshemucita.
Aboobo utanoolisukama mumoyo wako. Komanisha mapensho ako oonse ngoocite Ncakwiila bucikula bwangu ankusu taaku mboshibete.
Nomusunikwi, nabi tutokwaamba bobulya, tatutonshi pali ndimwe. Tulishi kwaamba ayi muli munshila ibotu imutola kulupulusho.
Sombi amube bantu basalalite mushintu shoonse nshemucita bweenka mbuli busalalite Lesa uyo wakamwiita.
Mulaamba ayi bamashali besu bakulukulu ndimupaila kuli Lesa. Aboobo amwiibaluke ayi uloombolosha kweelana amuntu nshaakacita alimwi taasalululi. Ono anu mulyeelete kuba abulemu kuli Lesa mubuumi bwanu boonse mbweshi mwikale mucishi ca panshi.
Na wacicapa, mpeeke kubunda kwamana, ulyeelete kucicapa alimwi. Lyalo cilaakunoosalalite kweelana aMilawo.”
