2 Bene Kolinto 6:6 - Baibo Busansulushi Bwa Libuku Ili

⁶ Alimwi kwiinda mubuumi bwesu butacite kampenda, lushibo lwesu, kukalika moyo kwesu, inkumbu nshetucite, muMushimu Usalashi, mulusuno lwancinencine,

2 Bene Kolinto 6:6 교차 참조

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

Bene Efeso 4:2

Amuliceeshe, mulibombye alimwi amukomenye myoyo lyoonse. Kamulekelelana kwiinda mulusuno.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Bene Galatiya 3:5

Sa Lesa uyo wakamupa Mushimu akucita shaankamiko pakati kanu, wakacita boobo mukwiinga mwakakonkela Milawo nabi ayi mwakanyumfwa Makani Abotu akwaashoma?

2 Bene Kolinto 12:15

Ndisangalete kusebensesha shoonse nsheencite anebo nemwiine ceebo cakumucafwa. Ono sa mulyeelete kunsuna paniini ceebo ndimusuni bunene?

2 Bene Kolinto 11:11

Sa ntokwaamba boobo ceebo cakutamusuna? Sobwe, Lesa ulishi kwaamba ayi ndimusuni!

2 Bene Kolinto 11:6

Mpashi nshina kucishiba kwaamba kabotu, sombi lushibo ndicite. Ici twakacaamba patuba munshila amushintu shoonse.

2 Bene Kolinto 11:4

Ceebo na kwesa muntu utooshimikila Jesu umwi uteshi wooyo ngotwakamushimikila, na mwatambula mushimu umwi uteshi wooyo ngomwakatambula, nabi kutambula makani amwi ateshi ayo ngomwakatambula, mulafwambaana kukonkela cakutayeeya.

2 Bene Kolinto 7:2

Amututambule mumyoyo yanu. Taaku ngotwakabishisha, kunyonyweeta lushomo nabi kubeca.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

2 Bene Kolinto 3:3

Cilibwenekete patuba kwaamba ayi Klistu mwiine ngowakalemba nkalata iyi akwiituma kwiinda muli ndiswe. Tailembetwe ainki, sombi aMushimu wakwe Lesa muumi alimwi tailembetwe pamabwe, sombi pamyoyo ya bantu.

2 Bene Kolinto 2:4

Ndakamulembela cakuungumana akucisa moyo alimwi akulila abuumbi, kuteshi kwaamba ayi mulenshe nsoni, sombi kwaamba ayi mwishibe lusuno kukomena ndooncite pali ndimwe.

1 Bene Kolinto 13:4

Lusuno lulakalika moyo akulengesha nkumbu alimwi talupi munyono, kulilumbaisha nabi kulisumpula.

1 Bene Kolinto 2:16

Bweenka bwaamba Malembo akwe Lesa ayi, “Ngani ushi miyeeyo ya Mwaami Lesa alimwi ngani weenga wamulwiita shakucita?” Ono swebo tulicite miyeeyo yakwe Klistu.

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Boomboloshi 16:15

Lyalo Delila wakamwaambila ayi, “Inga mwaambilanshi ayi mulinsuni kakuli moyo wanu toobete kuli ndime? Ono aba mankanda otatwe kamuncenjeeka kutandwiita kuswita nkusu shanu ishi shiloondesha.”

1 Joni 3:18

Nobana bangu, lusuno lwesu lutabibo lwa pamulomo, sombi tulyeelete kubonesha lusuno lwancinencine mumicito yesu.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

1 Timoti 4:12

Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.

1 Bene Tesalonika 2:10

Mwebo aLesa mwiine, muli bakamboni besu kwaamba ayi bwikaalo bwesu pakati kanu nobashomi, bwakalinga kusalalite, bululeme alimwi butacite kampenda.

Bene Kolose 3:12

Mwebo muli bantu abo Lesa mbwaakasuna akumusala kwaamba ayi mube bantu bakwe. Paceebo ceeco, mulyeelete kuba beshinkumbu, bacita kabotu, baliceesha, balibombya akuba bantu bacata myoyo.

Bene Efeso 3:4

Kwiinda mukubelenga mbondalemba, inga mwaboona lushibo ndooncite pashabushishi bwapali Klistu.

Bene Galatiya 3:2

Ndisuni kwaamba ayi mundwiitebo cintu comwi. Sa mwakatambula Mushimu Usalashi kwiinda mukukonkela Milawo nabi mukunyumfwa akushoma Makani Abotu?

1 Bene Kolinto 2:4

Ndindakalinga kwaamba nabi kushimikila nshikwe kusebensesha maswi a busongo bwa buntu, sombi ndakatondesha nkusu sha Mushimu Usalashi.

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

Taitasi 2:7

Mushintu shoonse webo ulyeelete kuba citondesho mukucita milimo ibotu. Koiisha cakushomeka abulemu.

2 Timoti 4:2

unooshimikila maswi akwe Lesa, muciindi bantu ndibasuni kukutika nabi tau. Kobalulika, kubakalalila alimwi akubayumya mukubeeisha camoyonteeka.

2 Timoti 3:10

Ono webo ulishi kabotu mboonjiisha, micito yangu, muyeeyo wangu, lushomo, bushimoyonteeka, lusuno, kutaboola pesule,

1 Timoti 5:2

bamacembele banakashi anga mbanyoko alimwi abamyooye anga mbanankashi shako, cakubula lunkumbwa kuli mbabo.

Bene Kolose 2:3

Muli nguwe momushisitwe bubile boonse bwa busongo alimwi alushibo.

1 Bene Kolinto 12:8

Mushimu Usalashi ulapa muntu umwi cipo cakwaamba cabusongo, sombi Mushimu weenka uyo ulapa muntu umwi cipo cakupanda maano bamwi.

2 Bene Kolinto 1:23

Lesa ulishi kwaamba ayi nshibeci. Ncakwiila nceentakwe kwishita kuKolinto nkwaamba ayi ntamupeenshi alimwi.

2 Bene Kolinto 2:10

Kulilabo muntu ngomwalekelela anebo ndamulekelela. Ceebo na ndalekelela muntu, na kaciyandika kumulekelela, Klistu ulishi kwaamba ayi ndacita boobo ceebo ca ndimwe.

2 Bene Kolinto 13:10

Ndamulembela ishi kaantana kwisa uko, kwaamba ayi ndaakwisa uko, ntakasebenseshi nkusu shangu cabukali. Mwaami wakampa nkusu isho ayi njake coonde kuteshi kumwaya.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.