2 Bene Kolinto 6:2 - Baibo Busansulushi Bwa Libuku Ili

² Ceebo Lesa wakaamba ayi, “Muciindi ceelete kwaamba ayi mupe coolwe, ndakamunyumfwa. Bushiku bwakwaamba ayi nebo mupulushe, ndakamucafwa.” Amunyumfwe ono! Bulya nceciindi cakwaamba ayi Lesa ape bantu coolwe! Buno mbobushiku bwakupulushikwa!

2 Bene Kolinto 6:2 교차 참조

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Bene Ebulu 4:7

Nceceeco Lesa ncaakabambila bushiku bumwi, ubo mbwaaita ayi, “Sunu.” Lesa wakalinga kwaamba pabushiku mbomunya ubu kwiinda muli Defedi, ndipakeenda myaaka iinji ndyaakaamba paMalembo aya ngotwaambawo kale ayi, “Na munyumfwe maswi akwe Lesa sunu, mutabi beshicimpamya.”

Bene Ebulu 3:13

Sombi cinene ncemweelete kucita nkuyumininshanya inshiku shoonse kwaamba ayi kutabi nabi womwi eshi abecekwe kwiinda mukubisha akuba shicimpamya, kulilabo liswi lya kwaamba ayi, “Sunu,” muMalembo akwe Lesa kalicitubikaako aswebo.

Isaya 61:2

Wantuma akwaambilisha ayi uno ngomwaaka uyo Lesa ngweshi apulushe bantu bakwe akuboosha cishole kwakwe Lesa. Wakantuma kwaamba ayi ngumbulushe bantu boonse batoolila.

Bene Ebulu 3:7

Ono aboobo, kweelana abwaamba Mushimu Usalashi ayi, “Na mwanyumfwa maswi akwe Lesa sunu,

Luka 4:19

Wantuma akwaambilisha ayi uno ngomwaaka Lesa ngweshi akapulushisheemo bantu bakwe.”

Esekelo 16:8

“ ‘Ndindakeendilako lwabili, ndakakulanga akubona ayi wakomena cakweelela kweebwa. Lyalo ndakafungulula cisani cangu nkocibetele kweela akukufweka ayi utanokweenda matakosha. Ndakashomesha cakulumbila kuli ndiwe akupanga cipangano andiwe. Kuswawaawo wakaba waangu. Nebo neMwaami Lesa Shinkusu shoonse ndaamba.

Kulumbaisha 69:13

Nakubi boobo nebo ndanoopaila kuli ndimwe noBaami baLesa. NobaLesa, amukankumbule paciindi ncemubambite. Amukankumbule ceebo ca lusuno lwanu lutamaani kwiinda mukumpulusha kweelana akushomeka kwanu.

Luka 18:37

Bantu bakamwaambila ayi, “NguJesu wa kuNasaleti utokwiinda.”