2 Bene Kolinto 6:18 - Baibo Busansulushi Bwa Libuku Ili

¹⁸ Ndaakuba ishiwanu, amwebo mulaakuba bana bangu, basankwa abanakashi, Nebo neMwaami Lesa Shinkusu shoonse ndaamba.”

2 Bene Kolinto 6:18 교차 참조

Ciyubululo 21:7

Uyo woonse eshi akakome, ulaakutambula cipo ici kuswa kuli ndime. Ndaakuba Lesa wakwe, alakwe ulaakuba mwanaangu.

Joni 1:12

Sombi kubaabo boonse bakamutambula akumushoma, wakabapa nkusu shakuba bana bakwe Lesa.

2 Samwelo 7:14

Ndaakuba baishi alakwe ulaakuba mwanaangu. Na walubisha, ndaakunoomukwipa bweenka mushali mbwaakwipa mwanaakwe.

Ciyubululo 1:8

“Nebo ndime Matalikilo alimwi aMamanino,” mbwaamba Mwaami Lesa Shinkusu shoonse, uyo uliiwo, wakalingaawo alimwi weshi akanooliiwo.

Bene Loma 8:29

Abo Lesa mbaakasalila limwi, wakababika palubasu kwaamba ayi bakabe anga nguMwanaakwe alimwi ayi Mwanaakwe uyo akabe mutaanshi pakati ka bamakwabo baanji.

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Bene Galatiya 3:26

Mwebo noonse muli bana bakwe Lesa mukwiinga mulashoma muli Klistu Jesu.

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Bene Efeso 1:5

wakabambilabo limwi ayi tulaakuba bana bakwe kwiinda muli Jesu Klistu. Ici cakamukondelesha alimwi kwakalinga nkuyanda kwakwe.

Isaya 43:6

Ndaakwaambila shishi sha kumatwa ayi, ‘Amubaleeke ono!’ Ashalo shishi sha kumalenge ayi, ‘Mutababililishi.’ Bana bangu basankwa ababoole kumishaabo kuswa kushishi sha kulaale. Abalo bana bangu banakashi ababoole kuswa kweela cishi kwiine.

Jelemiya 3:19

Mwaami Lesa waamba ayi, “Ndakalinga kukondetwe abuumbi kunoomulama anga mbana bangu. Ndakakondwa kumupa cishi cikondelesha, ee, cishi ciindaawo kubota mucishi coonse ca panshi. Ndakalinga kusuni ayi munoonjita ayi, ‘Ta,’ cakubula kumfutatilawo tubili.

Kulumbaisha 22:30

Bacishalwa balaakunoosebensela Mwaami Lesa. Bantu balaakulwiita baabo bacisa shaMwaami Lesa uyo.

Jelemiya 31:1

Mwaami Lesa waamba ayi, “Ndaakuba Lesa wa shipani shoonse sha mumikowa ya bene Isilaeli, abalo balaakuba bantu bangu.

Ciyubululo 21:22

Mundabala inene iyo, nshikwe kubona Ŋanda yakwe Lesa, mukwiinga ŋanda ya njiyo nguMwaami Lesa Shinkusu shoonse mwiine alimwi aMwanaambelele.

Matalikilo 48:3

Jakobo wakaambila Josefu ayi, “Lesa Shinkusu shoonse wakaboneka kuli ndime kuLusi mucishi ca Kenani akumpa coolwe.

1 Makani 17:13

Ndaakuba baishi alakwe ulaakuba mwanaangu. Ndaakunoomusunibo lyoonse alimwi teshi nkamusuuleewo mbuli mbondakacita Saulo akumukusha munshila yako.

Bene Loma 8:19

Shintu shoonse Lesa nshaakalenga shitoolindila abuumbi kuyubululwa kwa bana bakwe.