8 Ncakwiila tatucite boowa, ono ncetusuni bunene ncakwaamba ayi tuswe mumubili uno akuya mukwikala aMwaami.
Aboobo lyoonse tatucite boowa alimwi tulishi kwaamba ayi mubili uyu wa buntu ndyoocili anga niŋanda yesu, tatutookala pantu pomwi aMwaami.
Nobeensuma, bulya tuli bana bakwe Lesa, sombi tacishibikitwe kabotu mbweshi tukabe. Sombi tulishi kwaamba ayi na Klistu akaboneke, tulaakuba bweenka mbuli nguwe mukwiinga tulaakumubona bweenka mbwaabete.
Ndaakumana kumubambila misena, ndaakuboola mukumubwesa kwaamba ayi mutole kooko nkweshi nkanoobete ayi amwebo mukabe nkuko.
Sombi ncetusuni, nkucita shikondelesha Mwaami mumubili uno nabi mumubili wa kwiculu.
Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.
Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi, ncakwiila kusangalala kutamaani muliimfwa lyanu.
Mundabala iyo teshi mukacanike cintu nabi comwi ico Lesa ncaakashingana. Cuuna ca bwaami cakwe Lesa alimwi aMwanaambelele cilaakunooli mundabala inene iyi, mpeeke basebenshi bakwe balaakumulambila.
Sombi lakwe wakakumbula ayi, “Ino mutoolililanshi akuntutumya? Nshilibambitebo kwaangwa kweenka muJelusalemu, sombi akufwa momunya umo ceebo ca liina lya Mwaami Jesu.”
“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.
“NoBaami, ncakwiila mwaciita mbuli mbomwakanshomesha nemusebenshi wanu. Ono amundeeke mfwe muluumuno.
Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’
Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.
Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.
