20 Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.
Lyalo mwaami wakwe wakakumbula ayi, ‘Koya mutushila amumikondo ya mumishi, ukaambile bantu cankusu ayi bese kwaamba ayi ŋanda yangu isule.
Ono kwaamba ayi bantu baanji beshibe Makani Abotu, nebo ndi mutumwi wakwe Jesu Klistu, nabi pacecino ciindi ndi muntolongo. Amumpailileeko kwaamba ayi mbe ankusu shakushimikila Makani Abotu cakutaloonda kweelana ambonjelete.
Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.
Ono tulishi ayi Mwaami ulyeelete kulemekwa, aboobo tuleelesha kunyengelela bantu. Lesa ulishi shoonse shapali ndiswe alimwi ndashoma kwaamba ayi amwebo mulinshi mumyoyo yanu.
Jesu wakabaambila alimwi ayi, “Luumuno lube amwebo! Ono bweenka baTa mbobakantuma, anebo ntoomutuma mbweeke ubo.”
Lakwe ngootupa nkusu shakwaamba ayi tube basebenshi ba cipangano cipya, ico citakwe kupangwa aMilawo ilembetwe, sombi aMushimu Usalashi. Milawo ilembetwe ilaleta lufu, sombi Mushimu ulapa buumi butamaani.
Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”
Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.
Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.
Mpomunyaawo nebo neJelemiya ndakakumbula ayi, “Teshi bakamwaabeewo mumaansaabo, sobwe. Mwebo amunyumfwilebo Mwaami Lesa mukucita nsheentoomulwiita. Lyalo shintu shilaakumweendela kabotu alimwi teshi mukacaikweewo.
“Ono Jobo libombye, cileke kupikishanya aLesa, ingaawo shintu ndyeshi shikweendele kabotu.
Ono na balwani ba bantu bangu balisuni ayi noobatabilila, bataangune kusuminishanya luumuno anebo. Ncakwiila abasuminishanye luumuno anebo.”
“Cimwi ciindi kulamupolela munjelo kwisa mukumucafwaako, ee, munjelo kuswa pamakoto amakoto a baanjelo bakwe Lesa, kwisa mukumwiibalushako shintu shiluleme nshaaelete kucita.
Webo anebo tulyeelenebo pameenso akwe Lesa. Soonse sobilo twakabumbwabo kuswa kubulongo.
Mwaami Lesa, Lesa wa bamashali babo, wakatolelela kutuma balaluki kwaamba ayi bacenjeshe bantu bakwe. Wakacita boobo mukwiinga wakanyumfwila nkumbu bantu bakwe aŊanda yakwe.
Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’
Shinkombe utashomeki ulaletela mapensho, sombi uyo ushomeka ulaleta luumuno.
Mwakabacenjesha kunyumfwila kwiisha kwanu, sombi balo bakalisumpula akukaka kukonkela milawo yanu nakubi kwaamba ayi Milawo yanu ilapa buumi kumuntu na weekonkela. Ceebo ca bushicimpamya bwabo bakaka kumunyumfwila.
Mwaami Lesa wakatuma beshinkombe abalaluki mukucenjesha bene Isilaeli abene Juda ayi, “Amusanduke kuswa kushibiibi shanu akunyumfwila milawo amilasho iyo icanwa muMilawo njindakapa bamashali banu bakulukulu kwiinda mubalaluki basebenshi bangu.”
Twakalinga balwani bakwe Lesa, sombi wakatucita kwaamba ayi tube beshicibusanyina kwiinda mulufu lwa Mwanaakwe. Ono mbotuli beshicibusanyina, tulishinishite kwaamba ayi ulaakutupulusha ceebo ngumuumi.
Aboobo ceebo cakwe Klistu ndikondetwe kulefuka, kutukanwa, kupenga, kupenshekwa alimwi amakatasho. Mukwiinga, muciindi ndyeendefukite, lyalo ndyeenjuma.
Kwiinda muMwanaakwe uyo, Lesa wakaboosha cibusa cakalinga pali nguwe alimwi ashintu shoonse, sha pacishi ca panshi alimwi akwiculu. Wakaleta luumuno kwiinda mulufu lwa Mwanaakwe pamucilingano.
