2 Bene Kolinto 5:18 - Baibo Busansulushi Bwa Libuku Ili

¹⁸ Wakacita shoonse ishi nguLesa. Kwiinda muli Klistu, Lesa wakalengesha kwaamba ayi tube beshicibusa bakwe alimwi. Bulya watupa mulimo wakunooya bulengesha bantu bamwi ayi babe beshicibusa bakwe abalo.

2 Bene Kolinto 5:18 교차 참조

1 Joni 4:10

Lusuno lwancinencine mbulya mbolubete. Teshi kwaamba ayi swebo twakataanguna kusuna Lesa, sombi lakwe wakatusuna akutuma Mwanaakwe kwaamba ayi shibiibi shesu shilekelelwe.

Bene Loma 5:1

Ono mukwiinga Lesa watululamika ceebo ca lushomo lwesu, pali luumuno pakati kakwe Lesa aswebo kwiinda muMwaami wesu Jesu Klistu.

Bene Loma 11:36

Ceebo shintu shoonse nguLesa wakashilenga, ngooshibamba alimwi nshuumi ceebo ca nguwe. Kuli Lesa akube bulemu lyoonse. Ameni!

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Luka 24:47

Cililembetwe alimwi ayi muliina lyakwe Makani Abotu ashimikilwe kubantu ba mishobo yoonse, kutalikila kuJelusalemu kwaamba ayi basanduke kuswa kushibiibi shabo, Lesa ndyeshi abalekelele.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

Bene Ebulu 2:17

Nkokwaamba ayi wakaba mbuli bamakwabo munshila shoonse, kwaamba ayi abe Mupailishi wabo Munene, ushomeka alimwi shinkumbu, mukusebensela Lesa ayi shibiibi sha bantu shilekelelwe.

1 Bene Kolinto 12:6

Kuli nkusu shipusenepusene, sombi Lesa ngomwi usebensesha nkusu isho mubantu boonse.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Joni 3:27

Joni wakakumbula ayi, “Taaku cintu muntu nceenga wacana na Lesa taakwe kumupa.

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Luka 10:5

Muŋanda muli moonse momwenjila amutaangune kwaamba ayi, ‘Luumuno lube muŋanda ino.’

Esekelo 45:15

Mbelele yomwi ilyeelete kukushikwa palitanga lyomwi alyomwi lya mbelele shili 200 kuswa kumafulo eendaawo kubota mucishi ca Isilaeli. “Shintu isho shoonse shilaakusebenseshekwa mukupa shipo sha fulaulo, milambu yakutenta alimwi amilambu ya bwanabwankashi kwaamba ayi shibiibi shanu shilekelelwe. Nebo neMwaami Lesa Shinkusu shoonse ndaamba.

Bene Lefi 6:30

Sombi na bulowa bwa munyama umwi bwaletwa muTente ya Cipangano akusebenseshekwa mukukusha shibiibi muMusena Usalalite, munyama uyo teelete kulikwa, sombi ulyeelete kutentwa.”

Isaya 57:19

Ndaakulengesha batoolila muIsilaeli kutalika kulumbaisha. Ncakwiila ndaakuleta luumuno kubaabo bali pafwaafwi akubaabo bali kulaale. Ee, boonse ndaakubashilika.” Mwaami Lesa waamba.

1 Bene Kolinto 3:5

Anu Apolosi ngani? Alakwe Paulo ngani? Swebo tulibo basebenshi bakwe Lesa abo bakamulengesha ayi mushome. Womwi awomwi pakati kesu ulasebensa ncito iyo yakamupa Mwaami Lesa.

1 Bene Kolinto 11:12

Ceebo bweenka mwanakashi mbwaakaswa kumusankwa, alakwe musankwa ulashalwa kumwanakashi. Ono shilengwa shoonse shilaswa kuli Lesa.

Bene Kolose 1:22

Sombi bulya kwiinda mulufu lwa Mwanaakwe, Lesa walengesha ayi mube beshicibusanyina. Wakacita boobo kwaamba ayi mwiimikane kamusalalite, kamutacite kampenda alimwi kamutacite cibiibi cili coonse pameenso akwe.