2 Bene Kolinto 5:14 - Baibo Busansulushi Bwa Libuku Ili

¹⁴ Lusuno lwakwe Klistu ndolutweendelesha ceebo tulashoma kwaamba ayi muntu womwi wakafwita bantu boonse, paceebo ceeco boonse bakafwa kwiinda muli nguwe.

2 Bene Kolinto 5:14 교차 참조

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

Bene Loma 5:15

Nakubi boobo bantu bobilo aba balipusene ceebo cipo cakwe Lesa taceelene acibiibi cakacita Adamu. Ndushinisho kwaamba ayi bantu baanji bakafwa ceebo ca muntu womwi uyo. Sombi luse lwakwe Lesa acipo cakwe shileendaawo mukwiinga shilaletela bantu baanji shoolwe kwiinda muluse lwakaboneka mumuntu womwi, Jesu Klistu.

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

1 Pita 1:8

Ono nabi tamukwe kumubonawo kale, mulimusuni. Mulamushoma nakubi kwaamba ayi tamumubooni. Aboobo mulasekelela abuumbi cakubula amaswi eenga asansulula kusangalala uko,

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

2 Bene Kolinto 3:9

Na mulimo wa loombolosho akupa mulandu yakesa abulemu, cilaakweela kuli pamulimo uyo uleta bululami?

Bene Ebulu 2:9

Sombi ngotubona nguJesu, uyo wakaceeshekwa kwiinda baanjelo paciindi ciniini, watambula mushini wa bulemu abwaami ceebo ca mapensho ngaakeendaamo ndyaakafwa. Cakaba boobo mukwiinga Lesa muluse lwakwe, wakasuna ayi Jesu afwite bantu boonse.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

1 Timoti 5:6

Sombi mukalubinje mwanakashi walyaaba kushintu shakulisangalasha, wafwa kale nabi ngumuumi.

1 Bene Kolinto 16:22

Na kuli muntu utasuni Mwaami Jesu, aashinganishikwe! Malanata! Nkokwaamba ayi, “NoBaami besu, kamwisa!”

1 Timoti 2:6

uyo wakalibenga ayi alubule bantu boonse. Cilya cakaba ncitondesho paciindi ceelete ayi ncakwiila Lesa ulisuni kupulusha boonse.

Bene Kolose 2:13

Mwebo kale kale mwakalinga kufwite mumushimu ceebo ca shibiibi shanu alimwi akutapalulwa kwa myoyo yanu. Sombi ono Lesa wamupa buumi pantu pomwi aKlistu. Peculu lya waawo wakatulekelela shibiibi shesu shoonse.

Bene Efeso 6:24

Alimwi luse luswa kuli Lesa lube abaabo boonse basuni Mwaami wesu Jesu Klistu alusuno lutamaani.

Joni 11:25

Lyalo Jesu wakamwaambila ayi, “Ndime mbusha bantu kuswa kubafu alimwi ndime mpa buumi. Aboobo uyo woonse ushoma muli ndime ulaakuba abuumi nabi wafwa.

Lwiimbo lwakwe Solomoni 1:4

Ndoboshe cakufwambaana tunooya! Katiya ube mwaami wangu akuntola mucipinda cako. Tulaakunoosangalala akukondwa muli ndiwe. Tulaakulumbaisha lusuno lwako kwiinda waini. Anu nceceeco bamyooye ncebakusunini!

1 Bene Kolinto 2:14

Uyo woonse utacite Mushimu Usalashi taakoonshi kutambula shipo shiswa kuMushimu. Muntu wamushobo uyo ulayeeya ayi taaku mboshibete alimwi taakoonshi kushishiba mukwiinga taaku muntu weenga washishiba kaatacite Mushimu.

Luka 15:24

Mukwiinga mwanaangu uyu wakalinga kufwite, ono waba muumi alimwi wakalinga kusowekete, ono wacanika.’ Lyalo bakatalika kusekelela.

Isaya 53:6

Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.

1 Joni 5:19

Tulishi kwaamba ayi tuli bakwe Lesa nabi bantu bamwi boonse batokweendeleshekwa aMubiibi.

2 Bene Kolinto 3:7

Milawo ilembetwe yakabesekwa libala alibala pamabwe alya, alimwi pakupekwa kuli Mose bulemu bwakwe Lesa bwakaboneka. Ciwa cakwe Mose cakamweka kubulemu ubo. Ono nakubi kwaamba ayi bwakalinga kuya cishimingana, bene Isilaeli tabakwe kutolelela kulangilisha Mose paciwa. Na Milawo, iyo ileta lufu, yakesa abulemu bwa mushobo uyo,

Bene Loma 2:2

Soonse tulishi kwaamba ayi Lesa uloombolosha mubululami bantu bacita shibiibi sha mushobo uyu.

Joni 5:25

Ntoomulwiita calushinisho ayi ciindi cilaakushikila alimwi cashikila kale, bafu ndyeshi bakanyumfwe liswi lya Mwanaakwe Lesa alimwi abo beshi bakalinyuumfwe balaakuba abuumi butamaani.

Jobo 32:18

Ndicite maswi aanji ngoonsuni kwaamba, aboobo nshikoonshi kufwitabo mukati, sobwe.

Milimo ya Batumwi 18:5

Ono Sailasi aTimoti ndibakashika kuswa kuMakedoniya, Paulo lakwe wakalibenga ayi unanooshimikilabo akulwiita baJuda ayi Jesu ngoUsalitwe wakwe Lesa.

Luka 24:29

Sombi bashikwiiya abo bakamukakatisha akwaamba ayi, “Amwikale aswebo mukwiinga kutooya cishiya.” Aboobo wakenjila akwikalaabo.

Luka 15:32

Sombi tulyeelete kusekelela akusangalala mukwiinga mwanike wako wakalinga kufwite, ono waba muumi, wakalinga kusowekete, ono wacanika.’ ”

Bene Loma 6:6

Tulishi kwaamba ayi buumi bwesu bukulukulu bwakaloba Jesu ndyaakapopwa pamucilingano kwaamba ayi Lesa anyonyoole buumi bwesu bwakusuna kubisha kwaamba ayi tutabi lyobilo basha ba bubi.

Bene Loma 6:13

Mutasuminishi cipansha ca mubili wanu nabi comwi kububi ayi cibe citabatisho ca shibiibi, sombi amulyaabe kuli Lesa mbuli bantu bakalinga kufwite, sombi Lesa wabapa buumi. Mulyeelete kulyaaba kuli Lesa kwaamba ayi amusebenseshe mukucita shiluleme.

Bene Kolose 3:3

Mukwiinga mwebo mwakafwa, aboobo buumi bwanu bulishisitwe pantu pomwi aKlistu muli Lesa.

1 Makani 11:18

Mpomunyaawo bashilumamba bakalinga kupukite botatwe abo bakaya bapalanganya beshikushinkila bene Filisiti. Lyalo bakateka maanshi kufwaafwi amwinjililo wa ndabala ya Betileemu akwaatola kuli nguwe. Nakubi boobo Defedi taakwe kwaanwa, sombi wakaatila panshi mukulemeka Mwaami Lesa.