2 Bene Kolinto 4:8 - Baibo Busansulushi Bwa Libuku Ili

⁸ Tulapenshekwa munshila shiinji, sombi tatupwaiki. Cimwi ciindi tulatonsha, nakubi boobo tatutyongoli.

2 Bene Kolinto 4:8 교차 참조

2 Bene Kolinto 12:10

Aboobo ceebo cakwe Klistu ndikondetwe kulefuka, kutukanwa, kupenga, kupenshekwa alimwi amakatasho. Mukwiinga, muciindi ndyeendefukite, lyalo ndyeenjuma.

2 Bene Kolinto 7:5

Ceebo nabi nditwakesa kuMakedoniya mibili yesu taikwe kookeshaawo, sombi twakalinga kupenshekwa mushiindi shoonse, kupikishanya abantu alimwi akulisukama mumyoyo.

Kulumbaisha 37:33

Sombi Mwaami Lesa taalekeleshi bantu bakwe mumaansaabo, nabi kubalekelesha ayi bapekwe mulandu na baletwa kunkuta.

Joni 14:18

“Teshi nkamushiye nweenka anga mbana banshiwa, ndaakwisa alimwi kuli ndimwe.

1 Bene Kolinto 10:13

Masunko amushikila taapusene amasunko ashikila bantu bamwi boonse. Sombi Lesa ulashomeka alimwi inga taamulekeli mumasunko ngomutakoonshi kukoma. Sombi na mwasuunkwa, Lesa ulamupa nshila yakuleyelamo masunko ayo kwaamba ayi mwaakoome.

2 Bene Kolinto 6:4

Sombi mushintu shoonse tulalitondesha ayi tuli basebenshi bakwe Lesa, kwiinda mukutolelela kushoma mushiindi sha mapensho apusenepusene.

Tushimpi 14:26

Uyo woonse uloonda Mwaami Lesa ulicite kwakuyuba. Ndushinisho ulicite kwakuyuba uko bana bakwe nkweshi bakacicile.

1 Samwelo 28:15

Lyalo Samwelo wakeepusha Saulo ayi, “Ino wanyonganishilanshi mukumbusha?” Saulo wakakumbula ayi, “Ndi mumapensho anene abuumbi. Bene Filisiti batooyanda kundwana alakwe Lesa taabete anebo mukwiinga taatoonkumbulaawo kwiinda mubalaluki nabi mushiloto. Nceceeco ncendamwiitila kwaamba ayi mundwiite cakucita.”

1 Samwelo 30:6

Defedi wakapenshekwa abuumbi mumoyo mukwiinga bashilumamba bakwe bakalinga kwaamba ayi batoomuuma mabwe. Womwi awomwi pakati kabo wakalinga kukalalite ceebo ca bana bakwe bakatolwa busha. Nakubi boobo Mwaami Lesa, Lesa wakwe wakamuyumyayumya.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

1 Samwelo 31:4

Mpomunyaawo Saulo wakaambila shikunyamuna shakulwanisha wakwe ayi, “Kusha mupeeni wako uncaisheeko mukwiinga bantu batapalwitwe aba inga besa mukunsekanya akuncaya.” Sombi cikula bwangu uyo taakwe kucita ubo mukwiinga wakaloonda abuumbi. Mpeeke Saulo wakabwesa mupeeni wakwe mwiine akuwitaawo kawiimfwi.

Kulumbaisha 129:2

“Balwani bangu bakatalika kumpensha kaancili cikula bwangu, sombi bakaalilwa kwaamba ayi bankoome.

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Abakuku 3:17

Nakubi kwaamba ayi mikuyu teecite maluba, nabi myuunda ya minyansa teekwe kucata shisepo, nabi shisamu sha maolifi tashikwe kucata, nabi myuunda yoonse teekwe kukusha shilyo nabi taamu mbelele mushimpati alimwi aŋombe mushimpati sha nshisho

2 Bene Kolinto 6:12

Teshi ndiswe twashinkila lusuno lwesu kuli ndimwe, sombi mwebo nobeene mwashinkila lusuno lwanu kuli ndiswe.

Bene Galatiya 4:20

Mbocishini ciboteeko nendalingaanu bulya! Mukwiinga nendasebensesha maswi amwi. Mwamfulunganya maano.