2 Bene Kolinto 3:12 - Baibo Busansulushi Bwa Libuku Ili

¹² Ceebo tulalangila sheeshi, ncetwaambila cakubula boowa.

2 Bene Kolinto 3:12 교차 참조

2 Bene Kolinto 7:4

Ndicite lushomo lunene abuumbi muli ndimwe alimwi ndikondetwe abuumbi ceebo ca ndimwe. Mapensho oonse ngotweendaamo taakwe kuntyongwesha, sombi lyoonse ndeendabo akusangalala.

Bene Filipi 1:20

Ntoolangila amoyo woonse kwaamba ayi kutakabi nabi comwi ceshi cikanenshe nsoni. Aboobo ntooyandishisha kwaamba ayi mbe ankusu sheelete bulya, mbuli lyoonse ayi Klistu alemekwe muli ndime, mubuumi nabi mulufu.

Milimo ya Batumwi 4:13

Ono boomboloshi ndibakabona ayi Pita aJoni bakalinga kwaamba cakubula boowa, bakakankamana abuumbi ceebo bakeshiba ayi tebakalinga kwiiteewo, bakalinga bantubo. Mpeeke bakeshiba ayi bakekala bunene aJesu.

Joni 16:29

Lyalo bashikwiiya bakwe bakaamba ayi, “Ncakwiila ono mutokwaamba cakutashisa tamutokwaambila mumapinda.

1 Timoti 3:13

Abo bacafwi bacita mulimo wabo kabotu balacana mpuwo ibotu alimwi balakonsha kwaamba shalushomo lwabo muli Klistu Jesu cakubula boowa.

1 Bene Tesalonika 2:2

Mulishi bene Filipi mbobakatupensha akutusebaanya cilensha nsoni mundabala yabo, katutana kwisa muTesalonika umo. Nakubi kwaamba ayi bantu baanji bakalinga kusuni kwiimika mulimo wesu, Lesa wesu wakatuyumya myoyo kwaamba ayi tukonshe kumulwiita Makani Abotu aswa kuli nguwe.

Bene Kolose 4:4

Anu anebo kamumpaililaako kwaamba ayi nshimikile kabotu makani aya akwaasansulula bweenka mbuli mbwaaelete.

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

2 Bene Kolinto 4:13

Malembo akwe Lesa alaamba ayi, “Ndakashoma, aboobo ndakaamba.” Mumushimu weenka uyo walushomo ngotucite aswebo tulaamba ceebo tulashoma.

1 Bene Kolinto 14:19

Sombi mucoonde cilambotela kwaamba maswi alibo osanwe ayo akonsha kunyumfwa bantu kwaamba ayi njiishe bamwi, kwiinda kwaamba maswi ali shuulu likumi mumilaka yeensu.

Milimo ya Batumwi 14:3

Sombi batumwi bobilo abo bakekala nshiku shiinji nkomunya uko, kabashimikila makani a Mwaami cakubula boowa. Mpeeke Mwaami Jesu wakatondesha ayi makani aamba paluse lwakwe ngobakalinga kushimikila ngalushinisho, kwiinda mukubapa nkusu shakucita shaankamiko alimwi ashitondesho sha nkusu sha kwiculu.

Milimo ya Batumwi 9:29

Alimwi Saulo wakalinga kwaamba akupikishanya abaJuda baamba ciGiliki, sombi balo bakalinga kupangana kwaamba ayi bakamucaaye.

Milimo ya Batumwi 9:27

Kuswawaawo Banabasi wakamutola kubatumwi kwaamba ayi bakabandikile pantu pomwi. Wakabasansulwita mbuli Saulo mbwaakabona Mwaami Jesu munshila ya kuDamasikasi ambuli Mwaami mbwaakaambaakwe. Wakabalwiita ambuli Saulo mbwaakashimikila muliina lyakwe Jesu cakubula boowa muDamasikasi.

Joni 16:25

“Ndamwaambila shintu ishi mumapinda. Nakubi boobo ciindi cilaakushika ndyeshi nkabule kwaambila mumapinda, sombi ndaakumusansulwita cakutashisa shapali baTa.

Joni 10:24

Mpeeke baJuda bakabungana akwaamba ayi, “Ino ulaakutuyubulwita lili na ndiwe Usalitwe wakwe Lesa kwaamba ayi tucileeke kutonsha? Ono tulwiite cakuteenda mweela.”

2 Bene Kolinto 3:11

Ceebo na ico cakekalabo ciindi ciniini cakalinga kucite bulemu, ino ico ceshi cikekalilile cilaakweela kuli?

Bene Filipi 1:14

Peculu lya waawo kwaangwa kwangu kwalengesha ayi bamakwesu baanji muli Klistu babe ankusu shakushimikila maswi akwe Lesa cakutaboola pesule akubula boowa.

Filimoni 1:8

Paceebo ceeco nebo ndalinga kweeletebo kukulwiita muli Klistu nceweelete kucita.