2 Bene Kolinto 13:5 - Baibo Busansulushi Bwa Libuku Ili

⁵ Amulyeeleshe nobeene akuliyeeya na mulicite lushomo. Sa tamwishi kwaamba ayi Klistu uli muli ndimwe? Na tacibete boobo, ingayi mwaalilwa!

2 Bene Kolinto 13:5 교차 참조

Malilo 3:40

Atubone nshila shesu mboshibete, ee, atulicenceete akupilukila kuMwaami Lesa.

1 Bene Kolinto 11:28

Aboobo muntu woonse ulyeelete kuliyeeya mwiine kaatana kulyaako cimaande akunwita munkomeshi.

1 Bene Kolinto 9:27

Nebo ndashibisha mubili wangu akuukoma. Ndacita boobo mukwiinga nshisuni kwaamba ayi ndaakumana kushimikila bamwi Makani Abotu nebo nkabule kutambula cilambu.

Ciyubululo 2:5

Ono ibaluka mbuli mbowakalinga kootana kuwa! Ulyeelete kusanduka kuswa kushibiibi shako akutalika kwikala buumi mbowakalinga kucite pakutaanguna. Ono na ubule kusanduka kuswa kushibiibi shako, ndaakwisa kuli ndiwe mukukusha cakubikawo lilampi cako pamusena wa ncico.

Bene Galatiya 6:4

Muntu woonse ulyeelete kubona milimo yakwe mbuli mbweebete. Na ili kabotu, inga walisumpula ceebo ca njiyo, cakuteelanya aya umwi muntu.

Bene Ebulu 12:15

Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.

1 Bene Kolinto 11:31

Netwalinga kuliyeeya katutana kulya, naakwiinga bukali bwakwe Lesa tabwisi pali ndiswe.

Taitasi 1:16

Balaamba ayi Lesa balimwishi, sombi micito yabo ilakaka sheesho nshebaamba. Balafundoosha kumoyo alimwi tabanyumfwili Lesa, aboobo tabeeleli kucita cintu cibotu nabi comwi.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

Joni 14:23

Jesu wakakumbula ayi, “Uyo unsuni ulakonkela kwiisha kwangu alimwi baTa balaakumusuna. Lyalo nebo abaTa tulaakwisa kuli nguwe akwikala anguwe.

Kulumbaisha 26:2

NoBaami baLesa, amunjeleshe akumbona kabotu, mulangelange kabotu mumoyo wangu amiyeeyo yangu.

Bene Loma 8:10

Na Klistu uli muli ndimwe, Mushimu Usalashi ulaakulengesha kwaamba ayi mube abuumi. Nakubi kwaamba ayi mibili yanu ilaakufwa ceebo ca shibiibi, Lesa wakamululamika.

Kulumbaisha 119:59

Ndindakayeeya panshila shangu, ndakasanduluka akukonkela kwiisha kwanu.

Agayi 1:7

“Sa inga tamuboni shintu ishi mboshitoocitika kuli ndimwe?

Bene Ebulu 4:1

Aboobo ceebo cakwaamba ayi kushomesha Lesa nkwaakaamba kwakwinjila mukookesha mpokucili. Anu atucenjele kwaamba ayi kutabi nabi womwi eshi akaalilwe kwinjila.

1 Bene Kolinto 9:24

Ncakwiila mulishi ayi bacica lubilo lwakupingana mbaanji, sombi utambula cilambu ngomwibo. Ono amwebo mulyeelete kucica cakutambula cilambu.

1 Bene Kolinto 3:16

Sa tamwishi kwaamba ayi mwebo muli Ŋanda yakwe Lesa alimwi ayi Mushimu wakwe Lesa ulekala muli ndimwe?

Agayi 1:5

“Sa tamutoobona shitoocitika kuli ndimwe?

Joni 15:4

Amukalilile muli ndime anebo ndaakukalilila muli ndimwe. Taaku musampi utabete kucinyina weenga wacata shisepo. Inga wacatabo shisepo na kooli kucinyina. Mbweeke ubo amwebo tamukoonshi kucata shisepo na mwabuula kukalilila muli ndime.

Kulumbaisha 17:3

Mulishi moyo wangu mboobete ceebo mulaupensoola mashiku. Nakubi kwaamba ayi mwalangoola apa apapalya taaku cilubo ncemuncanina. Ee, mulomo wangu toobishi mukwaamba napaceyi.

Taitasi 2:2

Koambila basankwa bamanene ayi babe beshikucata myoyo, bacite kalango, balitibuka alimwi baluleme mulushomo lwabo, mulusuno alimwi amukutolelela.

Bene Efeso 3:17

Ntoosenga alimwi ayi kwiinda mulushomo ndomucite, Klistu ekale mumyoyo yanu, mucinke manungo mulusuno

Joni 17:26

Ndabeeisha kwaamba ayi bamwishibe alimwi ndanoobeeishabo kwaamba ayi lusuno ulo ndomucite pali ndime lube amuli mbabo anebo mbe muli mbabo.”

Joni 17:23

Nkokwaamba ayi nebo mbe muli mbabo, amwebo muli ndime. Ababe womwi cancinencine kwaamba ayi bantu boonse bakeshibe ayi ndimwe mwakantuma alimwi ayi mwakabasuna bweenka mbomwakansuna anebo.

Jemusi 4:4

Mwebo nobantu batashomeki! Sa tamwishi kwaamba ayi kupanga bushicibusa abuumi bwa cishi ca panshi nkuba mulwani wakwe Lesa? Ee, uyo woonse usuni buumi bwa cishi cino ulalilengesha kuba mulwani wakwe Lesa.

Bene Kolose 2:7

Mucinke manungo akuyaka buumi bwanu muli nguwe alimwi muyume mulushomo kweelana ambobakamwiisha. Mulyeelete kunoolumba Lesa lyoonse.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Bene Galatiya 4:19

Nobana bangu, bweenka mbuli mwanakashi mbwaanyumfwa kucisa na mumala mwabuka, anebo mbontoonyumfwa ceebo ca ndimwe kushikila buumi bwa buKlistu buboneke cancinencine muli ndimwe.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

1 Bene Kolinto 6:19

Sa tamwishi kwaamba ayi mibili yanu niŋanda ya Mushimu Usalashi uli muli ndimwe uyo Lesa ngwaakamupa? Buumi mbomucite ono teshi bwaanu, sombi mbwakwe Lesa.

1 Bene Kolinto 6:2

Sa tamwishi kwaamba ayi bene Klistu mbweshi bakoomboloshe bantu bakunsengwe boonse mucishi ca panshi? Ono na mulaakoombolosha cishi coonse, sa tamweelete koombolosha tukani tuniini twa mushobo uyu pakati kanu?

Joni 6:56

Uyo woonse ulya mubili wangu akunwa bulowa bwangu ulekala muli ndime, anebo ndekala muli nguwe.

Joni 6:6

(Jesu wakeepusha cakumweelesha, sombi mumoyo wakwe mwiine keeshi kale bwakucita.)

1 Pita 5:9

Amutolelele kushoma cankusu akukaka Mubiibi mukwiinga mulishi ayi bashominyinaanu mucishi coonse ca panshi batoopenshekwa mbomunya ubo.

Bene Ebulu 6:8

Sombi na mumuunda umo kamumena myuumfwa alimwi atulembwelembwe taucite mpindu alimwi ingayi Lesa uli pafwaafwi kuushingana, pesule akuunyonyoola mumulilo.

Esekelo 18:28

Ulaakuba abuumi ceebo wakayeeya shilubo shoonse nshaacita akushileka, ndushinisho teshi akafweewo.

1 Bene Kolinto 6:15

Mwebo mulishi kwaamba ayi mibili yanu nshipansha sha mubili wakwe Jesu Klistu. Ono sa inga ndabwesa cipansha ca mubili wakwe Jesu akucipaankanya amufuule? Napaceyuubo.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

Taitasi 1:13

Bukamboni bwakwe mbwalushinisho. Paceebo ceeco ubakalalile cankusu kwaamba ayi balulame mulushomo

2 Timoti 3:8

Mbweeke Janesi aJambulesi mbobakapikisha Mose, abalo balapikisha shalushinisho.

1 Timoti 2:15

Sombi mwanakashi ulaakupulushikwa kwiinda mukushala baana, na watolelela kushoma, kuba alusuno, kunoosalalite alimwi akulibombya.

Bene Kolose 2:19

Tabacatite kuli Klistu, uyo uli ngomutwi wa coonde. Sombi muli Klistu mubili woonse ulatambula nkusu alimwi shipansha shoonse shilacatanishikwa mushiso sha nshisho. Munshila iyi mubili ulakula kweelana aLesa mbwaasuni.

Jelemiya 6:30

Bantu aba baleetwa ayi, ‘Silifa ikakitwe’ ceebo Mwaami Lesa wabakaka.”