2 Bene Kolinto 12:2 - Baibo Busansulushi Bwa Libuku Ili

² Ndishi musankwa umwi ushoma muli Klistu wabwesekwa akutolwa kwiculu kwiine. Pakeenda myaaka likumi ayone ici ndicakacitika. Nshishi na cakacitika cancinencine, na wakalinga kubonabo anga muciloto, Lesa eenkabo ngooshi.

2 Bene Kolinto 12:2 교차 참조

Milimo ya Batumwi 22:17

“Lyalo ndakaboolela kuJelusalemu. Ndindakalinga kupaila muŊanda yakwe Lesa, ndakabona cili anga nciloto.

Ciyubululo 4:2

Paciindi ceenka ico ndakatanjililwa aMushimu Usalashi. Kwiculu uko, ndakabona cuuna ca bwaami kapashiite umwi.

1 Bene Tesalonika 4:17

Mpomunyaawo sobamwi sweshi tukacanike katuli boomi paciindi ico, Lesa ulaakutubunganya pantu pomwi ambabo mumakumbi ayi tukakumane aMwaami Jesu mwiculu. Anu ubo mbweshi tukekaale aMwaami Jesu lyoonse alyoonse.

2 Bene Kolinto 11:11

Sa ntokwaamba boobo ceebo cakutamusuna? Sobwe, Lesa ulishi kwaamba ayi ndimusuni!

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

1 Baami 18:12

Ino na cicanike kwaamba ayi mushimu wa Mwaami Lesa wamutola kumusena utashibikitwe ndaswaawobo? Ono na ndwiite mwaami Aabu ayi muli kokuno, sombi abule kumucanaako, ncakwiila ulaakuncaya. Amwiibaluke kwaamba ayi nebo nemusebenshi wanu ndi muntu ulambila Mwaami Lesa abuumbi kuswabo kubwanike bwangu.

Ciyubululo 12:5

Mwanakashi uyu wakatumbuka mwaana musankwa uyo weshi akeendeleshe shishi shoonse ankooli ya nshimbi. Sombi mwaana uyu wakasompolwa akutolwa kwiculu kuli Lesa, uko kuli cuuna cakwe ca bwaami.

Esekelo 11:24

Lyalo mucili anga nciloto ico, Mushimu wakwe Lesa wakanyamuna akumboosha kubaabo bakatolwa mubusha bakalinga kuBabiloni. Pesule cili anga nciloto ico cakashimingana.

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

Bene Ebulu 9:24

Mukwiinga Klistu taakwe kwinjila muMusena Usalalite wakayaka bantu, ulibo cikoshanyo ca wooyo wa kwiculu. Sombi wakenjila mwiculu mwiine mwiine uko nkwaatwiimikaninaako kuli Lesa.

Bene Efeso 4:10

Uyo wakesa panshi ngowooyo wakaya kwiculu lya maculu kwaamba ayi anoocanika koonse koonse.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Bene Galatiya 1:22

Ciindi ico, bashomi ba mushoonde sha kuJudeya kabatenshiiwo.

2 Bene Kolinto 5:17

Aboobo na muntu waba muli Klistu ulaba abuumi bupya. Shikulukulu shamana, nkokwaamba ayi shoonse shaba shipya.

Bene Loma 16:7

Ndaansha Andulonikasi aJunyasi baJudama abo mbondakaangwaabo muntolongo. Balishibikitwe abuumbi pakati ka batumwi abo bakaba bene Klistu nebo kaantana.

Bene Loma 8:1

Ono abo bashoma muli Jesu Klistu, Lesa taabapi mulandu.

Milimo ya Batumwi 14:6

Ono batumwi ndibakanyumfwa makani aya, bakacicila mumandabala anene aLisitila alimwi aDebe mucishi ca Likoniya amisena ishingulukite.

Joni 6:56

Uyo woonse ulya mubili wangu akunwa bulowa bwangu ulekala muli ndime, anebo ndekala muli nguwe.

Luka 24:51

Mpeeke kaacibapa coolwe wakapansaana abo, watolwa kwiculu.

Kulumbaisha 148:4

Amumulumbaishe noliculu lya maculu, amwebo nomaanshi ali kwiculu.

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.

2 Bene Kolinto 13:5

Amulyeeleshe nobeene akuliyeeya na mulicite lushomo. Sa tamwishi kwaamba ayi Klistu uli muli ndimwe? Na tacibete boobo, ingayi mwaalilwa!

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

2 Baami 2:16

akwaamba ayi, “Swebo tuli makumi osanwe alimwi soonse tuli bayumu. Amutusuminishe tuye tulangoole mwaami wanu. Mpashi Mushimu wa Mwaami Lesa wamutola pakalundu kamwi nabi mucinyika cimwi.” Elisha wakakumbula ayi, “Sobwe mutayi.”

Dutolonomi 10:14

Liculu lili peculu pawoonse alyalo ndya Mwaami Lesa, cishi ca panshi acalo ncaakwe pantu pomwi ashintu shoonse shiliimo.

Esekelo 43:5

Mpomunyaawo Mushimu wa Mwaami Lesa wakanyamuna akuntola mulubansa lwa mukati lwa Ŋanda yakwe. Mpeeke bulemu ubo bwa Mwaami Lesa bwakesula muŊanda yakwe.

Bene Loma 16:3

Amuŋanshileko Pulisila alimwi aAkwila basebenshima mumilimo yakwe Klistu Jesu

Bene Loma 16:9

Ndaansha Abenasi musebenshinyineesu muli Klistu alimwi ndaansha Sitakisi mweensuma usunikwi.

Bene Loma 16:10

Mwaanshe Apelesi uyo wabonesha cancinencine ayi ulakonkela Klistu. Ndaansha abamuŋanda yakwe Alisitobyulasi.

Bene Ebulu 4:14

Anu atuyuminine akutolelela mulushomo ndotushimikila. Mukwiinga tulicite Mupailishi Munene wiindaawo, uyo wakenjila kwiculu kubete Lesa. Uyu nguJesu, Mwanaakwe Lesa.