11 Ono ntoocita anga ngumuntu muluya! Sombi ndimwe mwanengesha kuba boobo. Mwebo ndimwe mwakalinga kweelete kunumbaisha ceebo nakubi kwaamba ayi taaku mboombete, sombi abo mbomwaamba ayi, “Batumwi beendaawo,” tabanyindiiwo.
Ntooyeeya ayi nshiindwiiwo kubaabo mbomwaamba ayi, “Batumwi beendaawo.”
Ndasenga kwaamba ayi mundekelele mubuluya bwangu. Ono amundekeleleeko!
Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.
Shaankamiko ashitondesho sha nkusu sha kwiculu, isho shitondesha butumwi bwangu bwancinencine shakacitwa pakati kanu cakukalika moyo.
Nabi na ndayanda kulilumbaisha, inga nshibiiwo muluya ceebo inga kaaŋamba shalushinisho. Ono teshi nkalilumbaishe mukwiinga nshisuni umwi muntu kwaamba ayi akanjeyele kwiinda pasheesho nsheencita akwaamba.
Lyoonse nditupenga mwebo mulatambula lucafwo lwakukalika myoyo kwaamba ayi mukapulushikwe. Ono ndituyuminishikwa, nkwaamba ayi amwebo muyuminishikwe akuba ankusu shakwiinda mumapensho ayo ngotwiindaamo aswebo.
Paulo, Apolosi aPita, cishi cino, buumi nabi lufu, shiliiwo asheesho sheshi shikabeeko, shoonse nshanu.
Bweenka ubo amwebo mbocibete. Na mwacita nshemwakaambilwa, mulyeelete kwaamba ayi, ‘Tuli basebenshi bateelete kulumbwa mukwiinga twacitabo mulimo wesu!’ ”
Akukulumbaishe umwi muntu kuteshi omwiine, ee, umbibo, kuteshi mulomo wako omwiine, sobwe.
Na kaancite cipo cakwaamba maswi akwe Lesa, akwishiba lushinisho lushisitwe akuba alushibo lwa shintu shoonse alimwi na kaancite lushomo lukonsha kutuntulusha kalundu, sombi kaantacite lusuno, ingayi taaku mboombete.
Sa nkokwaamba ayi twatalika kulilumbaisha alimwi? Sa cilaamba ayi tulyeelete kwisa ankalata yakutunsansulula, nabi kubwesa nkalata ya mushobo wooyo kuswa kuli ndimwe kweelana abucita bamwi? Sobwe!
Na tulaboneka anga tulicinkukite, tulaboneka boobo ceebo cakwe Lesa. Ono ncakwiila tulikwenebo kabotu, tuli boobo ceebo canu.
Ono na umwi kaalisumpula, sombi kakutaaku mbwaabete, ingayi utoolibecabo mwiine.
