2 Bene Kolinto 11:22 - Baibo Busansulushi Bwa Libuku Ili

²² Sa balo mbaEbulu? Anebo ndi muEbulu. Sa mbene Isilaeli? Anebo ndi mwine Isilaeli. Sa mbamulunyungu lwakwe Abulaamu? Anebo ngumushobo womwi.

2 Bene Kolinto 11:22 교차 참조

Bene Filipi 3:5

Nebo ndakapalulwa kaancite nsondo abushiku bomwi. Ndi mwine Isilaeli kukushalwa kwangu, mukowa wakwe Benjameni. Ndakaswa kubulowa bwiine bwa bamaEbulu. Ono kwaamba shakukonkela milawo ya baJuda nebo ndakalinga muFalisi.

Bene Loma 11:1

Ono ntoomwiipusha ayi, “Sa Lesa wakakaka bantu bakwe?” Napaceyi! Nebo ndimwine Isilaeli alimwi ndi wamulunyungu lwakwe Abulaamu, mumukowa wakwe Benjameni.

Bene Loma 9:4

Aba mbene Isilaeli abo Lesa mbaakasala ayi babe bana bakwe akubabonesha bulemu bwakwe. Lesa wakapanganaabo shipangano alimwi akubapa Milawo. Wakabeeisha mbobeelete kumulambila akubalasha shintu nsheshi akabacitile.

Milimo ya Batumwi 22:3

“Nebo ndi muJuda, ndakashalilwa mundabala ya Tasasi mucishi ca Silisiya, sombi ndakakulila momuno mundabala inene ya Jelusalemu. Gamalyelo ngowakalinga kunjiisha. Wakanjiisha kabotu kabotu bwakukonkela Milawo yakapekwa bamashali besu bakulukulu alimwi ndakalinga ndalibenga kusebensela Lesa bweenka mbuli mbomubete noonse nomuli waano.

2 Makani 20:7

Mwebo ndimwe baLesa besu. Bene Isilaeli ndibakesa muno mucishi, mwakatandaanya bantu abo bakalinga kwikalaamo. Lyalo mwakapa cishi cabo kubamulunyungu lwakwe Abulaamu, shicibusa wanu, ayi cibe caabo kwalyoonse aLyoonse.

Kulonga 10:3

Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.

Kulonga 9:13

Kuswawaawo Mwaami Lesa wakaambila Mose ayi, “Ciilo macuunsacuunsa, ukaye ukakumane aMwaami Falawo akumwaambila ayi Mwaami Lesa, Lesa wa bene Ebulu waamba ayi, ‘Leka bantu bangu baye kwaamba ayi bakanambile.

Kulonga 9:1

Mwaami Lesa wakaambila Mose ayi, “Koya kumwaami Falawo ukamulwiite ayi Mwaami Lesa, Lesa wa bene Ebulu waamba ayi, ‘Leka bantu bangu baye kwaamba ayi bakanambile.

Kulonga 7:16

Ukamwaambile ayi, ‘Mwaami Lesa, Lesa wa bene Ebulu, wakantuma kwisa mukukulwiita ayi uleke bantu bakwe banooya kwaamba ayi bakamulambile muluyanga. Sombi abobulya webo toona kunyumfwa.

Mateyo 3:9

Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba bamulunyungu lwakwe Abulaamu.

Kulonga 5:3

Mpeeke Mose aAloni bakakumbula ayi, “Lesa wa bene Ebulu waliyubulula kuli ndiswe. Anu amutusuminishe ayi tweende nshiku shotatwe muluyanga ayi tukabenge milambu kuMwaami Lesa, Lesa wesu uyo. Na tubule kucita boobo, utootucaya kumalwashi nabi munkondo.”

Kulonga 3:18

“Ono balaakukunyumfwila. Kuswawaawo ulyeelete kuya abamatanjilili ba bene Isilaeli kumwaami wa mucishi ca Ijipiti akumwaambila ayi, ‘Mwaami Lesa, Lesa wa bene Ebulu waliyubulula kuli ndiswe. Ono bulya tutoomusenga ayi mutusuminishe kweenda nshiku shotatwe muluyanga kwaamba ayi tukabenge kuMwaami Lesa, Lesa wesu milambu.’

Milimo ya Batumwi 6:1

Munshiku isho bashomi bakalinga kuya cifula. Paceebo ceeco baJuda baamba ciGiliki, bakalinga kutongooka ayi baJuda baamba ciJuda, tebakalinga kwaabanya kabotu maali akuula shiyandika lyoonse, kubanakashi bamukalubinje ba mushobo wabo.

Bene Galatiya 3:16

Anu Lesa wakashomesha Abulaamu shintu shimwi alimwi aumwi wamulunyungu lwakwe. Taakwe kwaamba ayi, “Bamulunyungu lwako” anga mbaanji, sombi ayi, “Wamulunyungu lwako” ceebo wakalinga kwaambabo muntu womwi, Klistu.