2 Bene Kolinto 1:23 - Baibo Busansulushi Bwa Libuku Ili

²³ Lesa ulishi kwaamba ayi nshibeci. Ncakwiila nceentakwe kwishita kuKolinto nkwaamba ayi ntamupeenshi alimwi.

2 Bene Kolinto 1:23 교차 참조

Bene Galatiya 1:20

Ntoomulwiita calushinisho pameenso akwe Lesa ayi makani ayo ngontoomulembela ngancinencine.

1 Bene Kolinto 4:21

Ono amusaleewo ncemusuni, nkese amusako, na amoyo wa lusuno akulibombya.

2 Bene Kolinto 13:10

Ndamulembela ishi kaantana kwisa uko, kwaamba ayi ndaakwisa uko, ntakasebenseshi nkusu shangu cabukali. Mwaami wakampa nkusu isho ayi njake coonde kuteshi kumwaya.

2 Bene Kolinto 13:2

Ndakacenjesha bantu abo bakabisha abamwi boonse alimwi bulya ntoomucenjesha kaantabete amwebo, bweenka mbuli mbondakacita mulweendo lwabili kaandi amwebo, ayi ndaakwisa alimwi teshi nkanyumfwilewo nkumbu bantu abo.

Bene Loma 1:9

Lesa uyo ngoonsebensela amoyo woonse kwiinda mukushimikila Makani Abotu aamba shaMwanaakwe, ngukamboni wangu ayi ico ncentokwaamba ncalushinisho. Ulishi alimwi kwaamba ayi ndamuyeeya lyoonse

Bene Filipi 1:8

Lesa inga wambeta bukamboni kwaamba ayi ndamuyeeya abuumbi mukwiinga ndimusuni amoyo wangu woonse alusuno luli mbuli lwakwe Klistu Jesu mwiine.

2 Bene Kolinto 12:20

Ceebo ntooloonda kwaamba ayi ndaakwisa uko ndaakumucana kamutabete mbuli mbondakalinga kumuyeeyela, nabi mwebo kumbona mbomutasuni. Ntooloonda ayi ndaakucana kwaambana, munyono, bukali, kulisuna, matushi, kufuya, kulisumpula akunyonyongana.

1 Timoti 1:20

Pakati ka baabo, kuli Aimeneyusi aAlekisanda abo mbondakalekela mumaansaakwe Satana kwaamba ayi beeye kutacobola Lesa.

1 Bene Tesalonika 2:5

Mulishi kabotu ayi tatukwe kwisa kuli ndimwe amaswi akumukondeleshabo, nabi kwaamba ayi tucane mpindu kuswa kuli ndimwe. Lesa ulishi kabotu anshetwakacita.

2 Bene Kolinto 11:31

Lesa alimwi Ishi Mwaami wesu Jesu, uyo weelete kulumbaishikwa lyoonse alyoonse, ulishi ayi nshintoobeca.

2 Bene Kolinto 11:11

Sa ntokwaamba boobo ceebo cakutamusuna? Sobwe, Lesa ulishi kwaamba ayi ndimusuni!

2 Bene Kolinto 10:2

mutankakatishi kwaamba ayi nkese abukali ceebo ncakwiila ndakonsha kukalalila bantu abo batuyeeyela ayi tulacita mulimo wesu mubuntu.

2 Bene Kolinto 1:18

Bweenka Lesa mbwaashomeka, ncendakamulasha tecakalinga cakwaamba ayi, “Ee” nabi ayi, “Sobwe”.

1 Bene Kolinto 5:5

mukaabe musankwa uyo kunkusu shakwe Satana kwaamba ayi mubili wakwe unyonyoolwe. Lyalo muuya wakwe ndyeshi ukapulushikwe pabushiku bwakwisa Mwaami Jesu.

Bene Loma 9:1

Nshentokwaamba nshalushinisho alimwi nshibeci ceebo ndi wakwe Jesu Klistu. Moyo wangu, uyo weendeleshekwa aMushimu Usalashi, awalo ulandwiita ayi nshintoobeca

Milimo ya Batumwi 18:1

Kuswawaawo, Paulo wakaswaako kuAtenisi akuya kuKolinto.

Milimo ya Batumwi 18:8

Mpeeke musankwa umwi wiitwa ayi Kilisipasi uyo wakalinga mutanjilili wa coonde, wakashoma muMwaami Jesu pantu pomwi abamuŋanda yakwe boonse. Bantu baanji muKolinto bakanyumfwa makani akaamba Paulo, bakashoma akubombekwa.

2 Bene Kolinto 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ndi pantu pomwi amushominyineesu Timoti. Ntoolembela ndimwe nocoonde cakwe Lesa cili muKolinto abashomi boonse bali mucishi ca Akeya.

2 Bene Kolinto 6:6

Alimwi kwiinda mubuumi bwesu butacite kampenda, lushibo lwesu, kukalika moyo kwesu, inkumbu nshetucite, muMushimu Usalashi, mulusuno lwancinencine,

2 Bene Kolinto 11:10

Kwiinda mulushinisho lwakwe Klistu luli muli ndime, taaku eshi akankashe kulilumbaisha uku mucishi coonse ca Akeya.