2 Bene Kolinto 1:19 - Baibo Busansulushi Bwa Libuku Ili

¹⁹ Ceebo Jesu Klistu Mwanaakwe Lesa uyo Sailasi, Timoti anebo ngotwakashimikila pakati kanu, teshi “Ee” nabi ayi, “Sobwe” paciindi comwi, sombi lakwe lyoonse ngu “Ee” wakwe Lesa.

2 Bene Kolinto 1:19 교차 참조

Bene Ebulu 13:8

Jesu Klistu taasandooki. Bweenka mbwaakalinga ciilo, asunu mbwaabete alimwi mbweshi akabe myaaka yamuyayaya.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

2 Joni 1:9

Uyo woonse utakonkeli kwiisha kwakwe Klistu, sombi kaailikawo shimwi shiteelete, taacite Lesa. Uyo woonse ukonkela kwiisha uko, ulicite Ishi alimwi aMwanaakwe.

Ciyubululo 2:18

“Mutanjilili wa kucoonde ca kuTiyatila umulembele ayi, “Aya ngamakani aamba Mwanaakwe Lesa, ucite meenso aboneka anga ngumulilo utoonyaka alimwi ashimpanta shibekabeka anga ngubulonse waswabo mukufulwa.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Ciyubululo 1:8

“Nebo ndime Matalikilo alimwi aMamanino,” mbwaamba Mwaami Lesa Shinkusu shoonse, uyo uliiwo, wakalingaawo alimwi weshi akanooliiwo.

Milimo ya Batumwi 18:5

Ono Sailasi aTimoti ndibakashika kuswa kuMakedoniya, Paulo lakwe wakalibenga ayi unanooshimikilabo akulwiita baJuda ayi Jesu ngoUsalitwe wakwe Lesa.

Ciyubululo 1:11

Liswi ilyo lyakanyumfwika ayi, “Shoonse nshootoobona, ushilembe mulibuku akulitumisha kushoonde ishi shili shosanwe ashobilo, nkokwaamba ayi kuEfeso, Simeena, Pegamamu, Tiyatila, Sadisi, Filadelufya alimwi aLawodisiya.”

1 Joni 1:3

Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu.

2 Pita 1:17

Ndyaakatambula bulemu alimwi akulemekwa kuswa kuli Lesa Ishi, wakanyumfwa liswi kuswa kuBulemu Bwiindaawo lyakwaamba ayi, “Uyu ngoMwanaangu ngoonsuni alimwi muli nguwe ndakondwa.”

Bene Ebulu 1:11

Shoonse ishi shilaakumana, sombi webo ulaakunoolikobo lyoonse. Shoonse shilaakumana ncito bweenka mbuli shakufwala.

Milimo ya Batumwi 15:22

Mpomunyaawo batumwi abamatanjilili pantu pomwi acoonde coonse, bakayeeya ayi basale basankwa bamwi mulikoto lyabo ayi babatume kuAntyoki pantu pomwi aPaulo aBanabasi. Lyalo bakasala Judasi, uyo wakalinga kwiitwa ayi Basabasi alimwi aSailasi, basankwa bobilo abo bakalinga kulemekwa kubashominyinaabo.

Milimo ya Batumwi 9:20

Wakeendililabo kuya mushoonde sha baJuda akutalika kushimikila ayi Jesu nguMwanaakwe Lesa.

Milimo ya Batumwi 8:36

Ndibakalinga kuya munshila, bakashika pamusena umwi pakalinga maanshi. Mpomunyaawo mweendeleshi wakaamba ayi, “Amubone anaaya maanshi! Sa kuli cimwi nceenga cankasha kubombekwa?” [

Joni 20:31

Sombi ishi shakalembwa kwaamba ayi mushome ayi Jesu ngoUsalitwe, Mwanaakwe Lesa alimwi ayi kwiinda mukumushoma, mube abuumi butamaani.

Joni 19:7

Mpeeke balo bakamukumbula ayi, “Tulicite mulawo alimwi kweelana amulawo uyo, uyu muntu ulyeelete kufwa ceebo walinga kulibanda ayi nguMwanaakwe Lesa.”

Joni 8:58

“Ntoomulwiita calushinisho ayi Abulaamu kaatana kushalwa, nebo kaandiiko kale.”

Joni 6:69

Swebo tulashoma alimwi tulishi ayi ndimwe wooyo Usalalite uswa kuli Lesa.”

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Joni 1:49

Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!”

Joni 1:34

Ono nebo nemwiine ndalibonena alimwi nceceeco ncendaambila cakutatonsha ayi, ‘Uyu nguMwanaakwe Lesa!’ ”

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Maako 1:1

Aya ngomatalikilo a Makani Abotu aamba pali Jesu Klistu, Mwanaakwe Lesa.

Mateyo 27:54

Ono munene wa bashilumamba mwaanda, abashilumamba abo mbwaakalingaabo kabalindilila Jesu, ndibakabona citentanshi ashimwi shintu shoonse shakacitika, bakaloonda abuumbi, akwaamba ayi, “Ncakwiila, uyu muntu wakalinga Mwanaakwe Lesa!”

Mateyo 27:40

kabaamba ayi, “Webo ndiwe wakalinga kwaamba ayi ulaakumwayulula Ŋanda yakwe Lesa akwiiyaka alimwi munshiku shotatwe. Ono na uli Mwanaakwe Lesa lipulushe tubone, useluke pamucilingano!”

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Kulumbaisha 2:7

Ono mwaami uyo waamba ayi, “Ntokwaambilisha Mwaami Lesa ncaamba. Wandwiita ayi, ‘Webo uli mwanaangu, sunu ndaba baiso.

Kulonga 3:14

Mpomunyaawo Lesa wakaamba ayi, “NDIME WOOYO NGOOMBETE. Anu ulyeelete kubalwiita ayi, ‘Uyo wiitwa ayi NDIME wantuma kuli ndimwe.’

Joni 20:28

Tomasi wakaambila Jesu ayi, “NoBaami bangu, nobaLesa bangu!”

Mateyo 4:3

Ono alakwe Mubiibi shikusunka wakesa akumwaambila ayi, “Na uli Mwanaakwe Lesa, ambila mabwe aya asanduke cakulya.”

Milimo ya Batumwi 16:1

Paulo wakashika kuDebe, lyalo wakaya kuLisitila uko kwakalinga kwikala mushomi wiitwa ayi Timoti. Banyina bakalinga baJuda bashomi, sombi baishi bakalinga baGiliki.

2 Bene Kolinto 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ndi pantu pomwi amushominyineesu Timoti. Ntoolembela ndimwe nocoonde cakwe Lesa cili muKolinto abashomi boonse bali mucishi ca Akeya.

1 Bene Tesalonika 1:1

Ndime Paulo pantu pomwi aSailasi alimwi aTimoti. Tutoolembela ndimwe nocoonde ca kuTesalonika nomuli mumaansaakwe Lesa Ishiwesu aMwaami wesu Jesu Klistu. Luse aluumuno shibe amwebo.

2 Bene Tesalonika 1:1

Ndime Paulo pantu pomwi aSailasi alimwi aTimoti. Tutoolembela ndimwe nocoonde ca kuTesalonika nomuli mumaansaakwe Lesa Ishiwesu aMwaami wesu Jesu Klistu.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

1 Pita 5:12

Nkalata ifwaafwi iyi, nguSailasi wanembelaako, uyo mukwabesu ushomeka. Ndisuni kwaamba ayi muyumyeyumye akumulwiitilisha ayi ulu ndoluse lwakwe Lesa lwiine lwiine. Lyoonse kamushoma muluse ulo.