2 Baami 24:4 - Baibo Busansulushi Bwa Libuku Ili

⁴ Wakacaya bantu baanji abo batacite milandu muJelusalemu. Paceebo ceeco Mwaami Lesa taakwe kumulekelela.

2 Baami 24:4 교차 참조

2 Baami 21:16

Manase wakacaya bantu baanji batacite milandu, abo bacite bulowa bwakalinga kukunka mumikwakwa ya muJelusalemu, kwiilika pabubi bwakutanjilila bene Juda ayi balambile shibumbwabumbwa ico cakalengesha ayi babishishe Mwaami Lesa.

Esekelo 33:25

“Paceebo ceeco balwiite ayi nebo neMwaami Lesa Shinkusu shoonse ndaamba ayi, ‘Mwebo mulalya nyama icicite bulowa, mulalambila shibumbwabumbwa alimwi mulacaya bantu. Sa ubo ingayi mulyeelete kupekwa cishi?

Malilo 3:42

“Twakamubishisha akumwaashukila alimwi mwebo noBaami baLesa tamuna kutulekelela.

Jelemiya 19:4

Ndaakucita boobo mukwiinga bakansuula akulengesha musena uyu kuba wa balesa beensu. Bakatentelamo milambu kubalesa abo balo, bamashali babo bakulukulu nabi bamaami bene Juda mbobatakalinga kwishi. Musena uno bausushabo bulowa bwa bantu batacite milandu.

Jelemiya 2:34

Kushakufwala shako bantu balacanaako bulowa bwa bakandu batacite milandu nakubi kwaamba ayi tookwe kubacata kabeepa. Nakubi boobo

Kulumbaisha 106:38

Bakatila bulowa bwa baabo batacite mulandu. Ee, bulowa bwa bana babo basankwa abanakashi abo mbobakabenga kushibumbwabumbwa shine Kenani. Bucayi ubo bwakacitika bwakabisha cishi ico coonse.

Dutolonomi 19:10

Mukacite mbomunya ubo kwaamba ayi bantu batacite mulandu batakacaikwi alimwi ayi mutakabi amulandu wakutila bulowa mucishi ico Mwaami Lesa, Lesa wanu ncaatoomupa.

Shakubelenga 35:33

Mutabishi cishi ncemushiiteemo ceebo kucaya muntu kulabisha cishi. Cishi tacikoonshi kusalashikwa kweelana amulawo, sombibo na mucayi uyo alakwe wacaikwa.

2 Baami 21:11

“Manase mwaami wa bene Juda wacita shibiibi ishi shiyoosha, ncakwiila shiinda pasheesho sha bene Amoli abo bataanshi kwikala mucishi ico. Wakatanjilila bene Juda mukubisha kwiinda mukulambila shibumbwabumbwa shakwe.

2 Baami 24:5

Shintu shimwi shoonse shakacita Jeoiyakimu shililembetwe mulibuku lya buumi bwa bamaami ba bene Juda.

Jelemiya 15:4

Lyalo ndaakulengesha bamaami boonse ba pacishi ca panshi kubacimwa ceebo ca ceeco Manase mwanaakwe Esekiya mwaami wa bene Juda ncaakacita muJelusalemu.”

Jelemiya 22:17

Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

Jelemiya 32:31

Bantu bamundabala inene ino bakasonkomona bukali bwangu akunkalasha kuswabo bushiku mbobakeeyaka. Aboobo ndipingite kwiinyonyoola

Esekelo 24:6

Mwaami Lesa Shinkusu shoonse waamba ayi, “Mapensho kundabala itila bulowa, ndabala ili anga ngumupika ucite ndalabwa isho sheshi shikabule kuswa! Cipumputa comwi acomwi cilakushikwaamo kwakubula aubika maano kumupika uyo.

Dutolonomi 29:19

Anu kutabi muntu nabi womwi pabushiku bwasunu utoonyumfwa maswi aya, pesule alyuume pacaamba akwaamba ayi taaku ceenga cacitika nabi kaacita kuyanda kwakwe mwiine. Ici inga canyonyoola ndimwe noonse, baluleme alimwi abataluleme.

2 Baami 23:26

Sombi bukali buyoosha bwa Mwaami Lesa bwakasonkomonwa pabene Juda ceebo ca ceeco cakacita mwaami Manase. Anu asunu asunu tacina kumana.

Tushimpi 6:17

Meenso acimeko, mulomo ubeca, Maansa atila bulowa bwa bantu batacite mulandu,

Esekelo 22:3

Ulwiite ndabala ya Jelusalemu ayi nebo neMwaami Lesa Shinkusu shoonse ndaamba ayi, ‘Webo ondabala nooliletela mapensho omwiine ceebo cakutila bulowa pakati ka bantu bako akulibisha mukupanga shibumbwabumbwa.

Esekelo 24:8

Bulowa ubo ndakabulekela pamwaandami uyo kwaamba ayi butakafukilwi, ee, kwaamba ayi bukali bwangu busonkomonwe, lyalo mbaboosheshe cishole.”