2 Baami 21:9 - Baibo Busansulushi Bwa Libuku Ili

⁹ Sombi bene Juda tabakwe kunyumfwila Mwaami Lesa. Mpeeke Manase wakabalengesha ayi beendeewo kubisha pabaabo Mwaami Lesa mbwaakatanda mucishi kunembo lyabo.

2 Baami 21:9 교차 참조

Tushimpi 29:12

Na muleli wanyumfwila makani abubeshi, bacinenenene bakwe boonse balaba bamucita shibi.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

Jemusi 4:17

Kulilabo muntu ushi nshaaelete kucita ono kaatashiciiti, ulabisha.

Joni 15:22

Nintakwe kwisa mukubaiisha, naakwiinga tabacite mulandu pacibiibi cabo, sombi tabacite amwakuyubila.

Luka 13:34

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twa njiyo mumapapaminwa, sombi webo wakakaka!

Osiya 5:11

Bene Isilaeli batoolyatililwa, bashiya cishi ico cakalinga caabo kwakubula mwiipusho ceebo cakukakatila kucinka manungo mushibumbwabumbwa isho shitakoonshi kubacafwa.

Danyelo 9:6

Tatukwe kunyumfwilawo basebenshi banu balaluki abo bakalinga kwaambila muliina lyanu kubamaami besu, baleli besu, bamashali besu bakulukulu alimwi akubantu boonse ba mucishi cesu.

Neyemiya 9:26

“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

2 Makani 33:9

Manase wakabalengesha ayi beendeewo kubisha pabaabo Mwaami Lesa mbwaakatanda mucishi kunembo lyabo.

1 Baami 14:16

Mwaami Lesa ulaakusuula bene Isilaeli boonse mukwiinga wa kubisha kwakwe Jeloboamu uyo wakalengesha bene Isilaeli kubisha.”

Esekelo 16:47

Webo tookwe kukonkelabo nshila shabo alimwi akwiiya micito yabo ilensha bunya, sombi munshila shako shoonse wakabisha kwiinda mbabo.

Kulumbaisha 81:10

Ndime Mwaami Lesa, Lesa wanu nendakamukusha mucishi ca Ijipiti. Amulakame nebo ndaakumulisha.

Kulumbaisha 12:8

Bamucita shibi balibo koonse koonse, alimwi boonse balalumbaisha shibiibi.

2 Baami 21:10

Kwiinda mubasebenshi bakwe balaluki Mwaami Lesa wakaamba ayi,

Esekelo 5:7

“Paceebo ceeco nebo neMwaami Lesa Shinkusu shoonse ndaamba ayi, ‘Bwaashu bwanu bwakomena kwiinda mishobo imushingulukite alimwi tamukonkeli milasho amilawo yangu. Sombi mwakonkela milawo ya mishobo imwi imushingulukite.’

1 Samwelo 8:19

Bantu abo tabakwe kumunyumfwila Samwelo, sombi bakatolelela kwaamba ayi, “Sobwe, swebo tulisunibo mwaami,

2 Baami 16:3

Wakakonkela shakacita bamaami ba bene Isilaeli. Lakwe wakabenga amwanaakwe ayi ngumulambu wakutenta kushibumbwabumbwa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

Esekelo 5:6

Nakubi boobo ceebo cakubisha kwa bamundabala iyo bakaashukila milawo amilasho yangu kwiinda mishobo imwi ashishi isho shibashingulukite. Ncakwiila bakakaka milawo yangu alimwi tabakwe kukonkela milasho yangu.

Esekelo 11:12

Lyalo ndyeshi mukeshibe ayi nebo ndi Mwaami Lesa. Ndaakucita boobo ceebo tamukwe kukonkela milasho nabi kulama milawo yangu, sombi mwakakonkela milawo ya mishobo imushingulukite.’ ”

Esekelo 22:3

Ulwiite ndabala ya Jelusalemu ayi nebo neMwaami Lesa Shinkusu shoonse ndaamba ayi, ‘Webo ondabala nooliletela mapensho omwiine ceebo cakutila bulowa pakati ka bantu bako akulibisha mukupanga shibumbwabumbwa.