2 Baami 15:5 - Baibo Busansulushi Bwa Libuku Ili

⁵ Ono Mwaami Lesa wakalengesha Asaliya kuba abulwashi bwa manata ubo bwakakatila kushikila ndyaakafwa. Wakalinga kwikalabo muŋanda eenka. Jotamu mwanaakwe ngowakalinga kulama ŋanda ya bwaami akweendelesha bantu ba mucishi.

2 Baami 15:5 교차 참조

Bene Lefi 13:46

Kulilabo na akanoocicite bulwashi ubo, teshi akanoosalaliteewo, alimwi ulyeelete kwikala pansengwe lya misumba kantalamukila abamwi boonse.

Shakubelenga 12:14

Alakwe Mwaami Lesa wakakumbula ayi, “Baishi nibakamushipila mate kumeenso, naakwiinga wekala nshiku shosanwe ashobilo mumusebaanyo wakwe. Mbweeke ubo atanoonjila mumisumba kwansondo yomwi. Kuswawaawo ndyeshi akabooshekwe mukati.”

Kulumbaisha 72:1

NobaLesa, amulengeshe mwaami koombolosha cabululami. Amumulengeshe koombolosha cakutanyengelela mbuli ndimwe.

Jobo 34:19

Lesa taafuninini banaabaami, nabi kufuninina babile akulyatilila bakandu ceebo boonse ngowakabalenga amaansaakwe.

2 Baami 7:3

Kwakalinga bantu bone bakalinga kuciswa bulwashi bwa manata abo bakalinga kunsengwe lya mwinjililo wa ndabala ya Samaliya. Basankwa abo bakatalika kubandika ayi, “Sa tunanoolindilabo kushikila tufwe?

2 Baami 5:27

Ono bulya bulwashi bwakwe Naamani bwa manata butoosa pali ndiwe abamulunyungu bako boonse kwamuyayaya!” Mpomunyaawo Geyasi ndyaakaswaawo wakaba amanata. Cikanda cakwe cakaboolaabo tututu anga ncaandwa.

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

1 Baami 3:9

Aboobo amumpe busongo bwakukonsha kulela bantu banu cabululami akwishiba cibotu acibiibi. Kwabula boobo inga ndakonsha buyani kulela mushobo wa bantu banu uyu unene bobulya?”

2 Samwelo 8:15

Mboboobo Defedi mbwaakaba mwaami wa cishi ca Isilaeli coonse, alimwi wakeendelesha bantu boonse cabululami.

2 Samwelo 3:29

Mulandu wa bulowa bwakwe Abina aukabe pali Joabu abamuŋanda ya baishi! Pakati ka bamulunyungu lwakwe munshiku shoonse shili kunembo, apakacanike lyoonse pali mulwashi kasele, ucite manata, utacite nkusu shakusebensa ncito iyumu, weenga wacaikwa munkondo, nabi upengete cakulya!”

Dutolonomi 24:8

“Kumakani a manata, mulyeelete kucita shoonse isho bapailishi bene Lefi nsheenga bamulwiita. Mulyeelete kukonkela milasho yoonse iyo njendabalwiita.

Shakubelenga 12:10

Likumbi ndilyakaswa paTente, paciindi ceenka ico Milyamu wakaba abulwashi bwa manata akuboolabo tuu anga mbusu. Ono Aloni ndyaakamulangilisha akubona ayi waba abulwashi ubo,

2 Baami 15:6

Shintu shimwi shoonse shakacita Asaliya shililembetwe mulibuku lya buumi bwa bamaami ba bene Juda.

1 Makani 5:17

Shintu ishi shakalembwa mumakani ngobakalemba kusansulula bamulunyungu mubwaami bwakwe Jotamu mwaami wa bene Juda abwakwe Jeloboamu mwaami wa bene Isilaeli.

Osiya 1:1

Aya ngamaswi Lesa ngaakayubulula kuli ndime neOsiya mwanaakwe Biili, mubwaami bwakwe Usiya, Jotamu, Aasi, Esekiya bamaami ba bene Juda alimwi amubwakwe Jeloboamu mwanaakwe Jeoyashi mwaami wa bene Isilaeli.

Mika 1:1

Paciindi ca bwaami bwakwe Jotamu, Aasi abwakwe Esekiya bamaami ba bene Juda. Mwaami Lesa wakaamba maswi aya kuli Mika uyo wakalinga kundabala ya Molesheti. Pabene Samaliya abene Jelusalemu, Mwaami Lesa wakayubulula shintu ishi mucili anga nciloto.

2 Baami 15:32

Mumwaaka wabili wa bwaami bwakwe Peka mwanaakwe Lemaliya mwaami wa bene Isilaeli, Jotamu mwanaakwe Usiya wakaba mwaami wa bene Juda.

1 Makani 3:12

Amasiya, Usiya, Jotamu,