1 Timoti 6:2 - Baibo Busansulushi Bwa Libuku Ili

² Basha bacite bamaami babo bashomi, tabeelete kutanoobapa bulemu ayi mukwiinga mbashominyinaabo, sobwe. Sombi balyeelete kubasebensela kabotu abuumbi ceebo abo bacana mpindu mumilimo yabo mbashominyinaabo basunikwi. Ulyeelete kwiisha akushimikila shintu ishi.

1 Timoti 6:2 교차 참조

Bene Kolose 4:1

Nomucite basha, amucite shiluleme asheelete kubasha banu, mukwiinga mulishi kwaamba ayi amwebo mulicite Mwaami kwiculu.

1 Timoti 4:11

Kobaambila akubeeisha makani aya.

Judi 1:8

Sombi bantu aba balacita mbomunya ubo. Kwiinda mukukonkela shiloto shabo, balabisha mibili yabo. Balakaka nkusu shakwe Lesa alimwi akucobola baanjelo bakwe balemekwa.

2 Pita 2:10

bunene bunene abo bakonkela lunkumbwa lwa mibili yabo akusuula bulemu ankusu shakwe Lesa. Bafundishi babeshi aba tabaloondi balalisumpula alimwi tabaloondiiwo abalemekwa ba kwiculu, sombi balabacobola.

1 Pita 5:1

Ono ntoolwiita bamatanjililima ba coonde pakati kanu. Ndakabona ambuli Klistu mbwaakapenshekwa alimwi ntoolindila kutambulaako bulemu bwakwe Klistu bweshi bukayubululwe.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

Bene Ebulu 3:1

Nobamakwesu, nomwakeetwa kuli Lesa kwaamba ayi mube abuumi bwa kwiculu. Amuyeeye Jesu, Mutumwi alimwi Mupailishi Munene wa lushomo ndotushimikila.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

Taitasi 2:15

Koiisha shintu ishi alimwi akusebensesha nkusu nshoocite mukuyuminisha akululika baabo bakukutika. Kutabi muntu ukunyanshilisha.

Taitasi 2:1

Sombi webo ulyeelete kwiisha sheesho sheendelana akwiisha kwalushinisho.

1 Timoti 5:1

Utanookalalila munene, sombi ulyeelete kumwaambila cabulemu anga mbaiso. Abalo bacikula bwangu kobacita anga mbanandumi shako,

2 Bene Tesalonika 1:3

Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

Bene Kolose 1:4

mukwiinga twakanyumfwa shalushomo ndomucite muli Klistu Jesu alimwi ashalusuno lwanu kubantu bakwe Lesa boonse.

Bene Kolose 1:2

Ntoolembela ndimwe nobantu bakwe Lesa muKolose, nobamakwesu nomushomeka muli Klistu. Luse aluumuno shibe amwebo kuswa kuli Lesa Ishiwesu.

Bene Efeso 3:6

Cabushishi ici ncakwaamba ayi, kwiinda muMakani Abotu, baswamashi bakunsengwe bakatambula shoolwe sheenka baJuda nshebakatambula. Boonse baba shipansha sha mubili womwi. Aboobo Kwiinda muli Klistu Jesu, balatambula sheesho shakashomesha Lesa.

Bene Efeso 1:15

Paceebo ceeco, kuswa ndindakanyumfwa shalushomo lwanu muMwaami Jesu alimwi alusuno ndomucite kubashominyinaanu boonse,

Bene Efeso 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ntoolembela bantu bakwe Lesa bali kuEfeso abo bashomeka muli Klistu.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Bene Loma 11:17

Misampi imwi ya cisamu ca olifi cakushanga yakatyoka, lyalo Lesa wakalengesha ayi pasonse musampi wa cisamu ca olifi ca muluundu. Mwebo nobaswamashi bakunsengwe muli anga ncisamu ca olifi ca muluundu. Aboobo mulatambula nkusu kuswa kumiyanda ya cisamu ca olifi cakushanga, nkokwaamba ayi kuswa kubene Isilaeli.

Bene Loma 8:29

Abo Lesa mbaakasalila limwi, wakababika palubasu kwaamba ayi bakabe anga nguMwanaakwe alimwi ayi Mwanaakwe uyo akabe mutaanshi pakati ka bamakwabo baanji.

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Mateyo 23:8

Sombi mwebo tamweelete kwiitwa ayi, ‘Bafundishi’ ceebo noonse muli bamukowa alimwi mulicitebo Mufundishi womwi.

Mateyo 6:24

“Taaku muntu weenga wasebensela baami bobilo, mukwiinga ulapata womwi akusuna umwi, nabi kunyumfwila womwi akusuula umwi. Nkokwaamba ayi tamukoonshi kusebensela Lesa abuboni.

Jowelo 2:28

“Ciindi caakushika, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bamacembele banu basankwa balaakulota shiloto. Bacikula bwangu banu basankwa balaakubona shili anga nshiloto.

Shakubelenga 16:3

Lyalo bakabungana kuli Mose aAloni akubaambila ayi, “Mweendilisha! Boonse bene Isilaeli mba Mwaami Lesa, alimwi Mwaami Lesa uli pakati kesu soonse. Ino nceebonshi webo Mose, walipa bunene kwiinda bantu ba Mwaami Lesa boonse?”

Milimo ya Batumwi 1:15

Ndipakeenda nshiku shiniini, kwakaba libungano lya baabo boonse bakalinga kushoma muli Jesu abo bakalinga kushika mpashi mwaanda amakumi obilo. Lyalo Pita wakanyamuka,