1 Timoti 6:17 - Baibo Busansulushi Bwa Libuku Ili

¹⁷ Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

1 Timoti 6:17 교차 참조

Milimo ya Batumwi 14:17

Sombi lyoonse ulalicitila bukamboni kwiinda mushintu shibotu nshaacita. Ulamuloshesha mfula kuswa kwiculu akulengesha ayi shishango shicate paciindi ceelete. Ulamupa shakulya, lyalo mulasangalala abuumbi mumyoyo.”

Tushimpi 11:28

Uyo woonse ucinka manungo mububile bwakwe ulawa, sombi baluleme balaswitilila anga nkusonsa kwa matewu acilimo.

1 Timoti 4:10

Nceceeco ncetusebensela cankusu akulwisha ceebo kulangila kwesu kuli muli Lesa muumi, uyo ngomupulushi wa bantu boonse, bunene bunene abo bashoma.

Mateyo 19:23

Lyalo Jesu wakaambila bashikwiiya bakwe ayi, “Ntoomulwiita calushinisho ayi, nciyumu abuumbi muntu mubile kwinjila muBweene bwa kwiculu.

Tushimpi 27:24

Ceebo buboni teshi bwaciindi coonse, nabi mushini tookalilili kwa mashalane oonse.

Taitasi 2:12

Luse ulo lulatwiisha kuleka buumi buteshi bwabuLesa alunkumbwa lwa shintu sha pacishi ca panshi kwaamba ayi twikale buumi bwakulitibuka, bululeme alimwi bwabuLesa munshiku shino.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Luka 19:2

MuJeliko umo mwakalinga muntu wiitwa ayi Sakeyo, musonkeshi munene wakalinga mubile.

Tushimpi 30:9

Ceebo na ndaba ashiinji inga ndamuluba akwaamba ayi, ‘Anu Mwaami Lesa ngani?’ Sombi na ndaba mukandu inga ndeepa akusebaanya liina lyanu nobaLesa bangu.

Dutolonomi 8:17

Ono aboobo tamweelete kuyeeya ayi mwaba abuboni buunji kwiinda munkusu shanu nobeene.

Bene Loma 11:20

Ncakwiila mbocibete ubo. Balo bakatyolwa ceebo cakutashoma, sombi mwebo muli kucisamu ceebo ca lushomo. Nakubi boobo tamweelete kulisumpula, sombi mulyeelete kucenjela.

Osiya 13:6

Ndindakamusanina mucishi cibotu mwakalinga kukuta. Ono ingayi mutalike kukuta mwakalisumpula. Lyalo nebo mwakandubaako.

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

Tushimpi 23:5

Bubile nabi wabucana mbwa ciindi ciniibo. Ndushinisho bulaakuba amapapaminwa akuuluka anga ngumumbankwashi.

Kulumbaisha 104:28

Na mwashipa cakulya shilashilya. Mwamana kushipa shakulya shilakuta.

Kulumbaisha 62:10

Mutanooyeeya ayi kukonga kulacafwa, nabi kulisumpwita mushintu shakwiipa. Nabi bubile bwanu bwafula mutaciinki manungo muli mbubo.

Kulumbaisha 52:7

“Amubone anooyu ono musankwa ulya utakwe kuyubila muli Lesa. Sombi lakwe wakacinka manungo mububoni bwakwe buunji, akulipa nkusu kwiinda mukunyonyoola bamwi!”

2 Makani 26:16

Mwaami Usiya ndyaakaba ankusu abulemu, wakatalika kulisumpula. Ico cakalengesha bwaami bwakwe kuboola panshi. Wakabisha kuMwaami Lesa, Lesa wakwe mukuya muŊanda yakwe akutenta tununkila kabotu pacipaililo ca ntuto.

Dutolonomi 33:15

Tulundu twabo tukulukulu tube ashisepo shibotu.

Matalikilo 13:2

Abulamu wakalinga mubile abuumbi mubanyama bafubwa alimwi asilifa agolodi.

2 Timoti 4:10

Ceebo Dimasi wakanshiya mukwiinga wakasunisha shacishi ca panshi cino. Paceebo ceeco wakaya kuTesalonika. Kilesensi wakaya kuGalatiya alakwe Taitasi kuDalumatiya.

1 Timoti 6:13

Ono ntookwaambila pameenso akwe Lesa upa buumi shintu shoonse apameenso akwe Klistu Jesu, uyo wakapa bukamboni bubotu pameenso akwe Pontyasi Pilato,

1 Timoti 1:3

Ono bweenka mbondakakulwiitilishawo kale ndindakaya kuMakedoniya, kala umo muEfeso kwaamba ayi unookasha basankwa abo batokwiisha shakubeca.

1 Bene Tesalonika 1:9

Bantu boonse aba balaamba mbuli mbomwakatutambula kabotu nditwakamufwakashisha uko, ambomwakacileka kulambila shibumbwabumbwa kwaamba ayi mulambile akusebenselabo Lesa wancinencine, muumi.

Bene Efeso 5:5

Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

Milimo ya Batumwi 17:25

Ncakwiila bantu taaku nceenga bamusebensela amaansaabo mukwiinga taaku ncaataciteewo. Lesa ngomunya uyu ngootupa buumi amuuya ngotuyoya alimwi ashintu shimwi shoonse.

Milimo ya Batumwi 14:27

Ndibakashika muAntyoki, bakabunganya bashomi boonse. Mpeeke bakabasansulwita shoonse Lesa nshaakacita kwiinda muli mbabo alimwi ambwaakabonesha nshila baswamashi bakunsengwe ayi bashome.

Maako 10:24

Bashikwiiya bakwe bakakankamana ndibakanyumfwa maswi aya. Sombi lakwe Jesu wakabaambila alimwi ayi, “Nobamakwesu, ncintu ciyumu abuumbi kwinjila muBweene bwakwe Lesa!

Mateyo 27:57

Ndilyakookama lisuba, muntu umwi mubile wa kuAlimateya wiitwa ayi Josefu wakashika. Alakwe wakalinga shikwiiya wakwe Jesu.

Mateyo 6:32

Mukwiinga ishi nsheshintu bakunsengwe nshebayandoola, sombi Ishiwanu wa kwiculu ulishi kwaamba ayi shoonse ishi mulishisuni.

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Esekelo 16:56

Sa teshi ndiwe wakalinga kuseka mukwanu Sodoma munshiku shakulisumpula kwako,

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Taitasi 3:6

Lesa wakatupa Mushimu Usalashi camaansa obilo kwiinda muli Jesu Klistu Mupulushi wesu.

1 Timoti 5:21

Ndakusenga cankusu, pameenso akwe Lesa, Klistu Jesu alimwi abaanjelo basalitwe, kwaamba ayi ukonkele milasho yoonse iyi cakutasalulula alimwi mushintu shoonse nshoocita tooelete kusuula umwi.

1 Timoti 3:15

na ndaceelwa kwisa, makani aya eenka akakuboneshe bantu mbobeelete kwikala muŊanda yakwe Lesa, iyo ili ncecoonde cakwe Lesa muumi. Coonde ndyelicinko lya lushinisho alwiimbi lwa ndulo.

Shikushimikila 2:24

Anu cintubo ciindaawo kubota muntu nceenga wacita nkulya, kunwa akusangalala musheesho nshaakayuwila. Ono ndaboona ayi ici acalo cilaswa kuli Lesa

Jelemiya 49:4

Mwebo nobantu batashomeki, ceebonshi mulalilumbaisha? Mwebo nkusu shanu shamana. Ceebonshi mulicinkite manungo mububoni bwanu akwaamba ayi, ‘Anu ngani weenga watulwana?’

Mateyo 12:32

Uyo woonse waamba maswi abiibi kuMwanaaMuntu inga walekelelwa. Sombi uyo woonse ucobola Mushimu Usalashi teshi akalekelelwe, bulya nabi ciindi citoosa.”

Luka 3:11

Lakwe wakabakumbula ayi, “Uyo ucite shakufwala shobilo apeewo comwi mubye utacite. Alakwe ucite shakulya acite bweenka ubo.”

1 Timoti 6:9

Sombi abo basunishi kubila balawita mumasunko akucatwa mutoose twa shiyanda mubili shiinji shabuluya alimwi shinyonyoola. Shintu isho shilabanjisha mukunyonyooka kwa buumi bwabo akuloba.

2 Pita 1:11

sombi ulaakumucalwita mulyango wa muBweene butamaani bwa Mwaami Jesu Klistu Mupulushi wesu.

Mateyo 25:16

Uyo wakapekwa shuulu shosanwe wakeendililabo kusebensesha maali alya, akucaninawo shuulu shosanwe sha maali.