1 Timoti 5:17 - Baibo Busansulushi Bwa Libuku Ili

¹⁷ Ono bamatanjilili beendelesha coonde abo basebensa kabotu milimo yabo, balyeelete kulipilwa abuumbi, bunene bunene abo basebensa kabotu mukushimikila alimwi akwiisha.

1 Timoti 5:17 교차 참조

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.

Bene Galatiya 6:6

Uyo woonse utokwiishikwa maswi akwe Lesa ulyeelete kwaabana amufundishi wakwe shintu shoonse shibotu nshaacite.

Luka 10:7

Mukekaale muŋanda yeenka iyo alimwi mukalye akunwa coonse nceshi bakamupe mukwiinga musebenshi woonse ulalita pamulimo wakwe. Mutakanoobala maanda.

Bene Ebulu 13:7

Amwiibaluke bamatanjilili banu, abo bakamushimikila maswi akwe Lesa. Amuyeeye buumi bwabo mbobwakalinga alufu lwabo alimwi mube alushomo mbuli ndobakalinga kucite.

2 Timoti 2:6

Mulimi wasebensa cankusu ngooelete kutambula shitaanshi sha bulimi.

Bene Filipi 2:29

Aboobo amumutambule camaansa obilo akusangalala ayi ngumukwabesu muMwaami. Bantu bamushobo wooyu boonse, amubalemeke.

Bene Loma 12:8

Na nkuyumya bashominyineesu, tulyeelete kucita bweenka ubo. Uyo woonse uteemi, ulyeelete kwaaba amoyo womwi. Na uli mutanjilili, ulyeelete kutanjilila cankusu alimwi na uli shinkumbu, ulyeelete kunyumfwila nkumbu cakusangalala.

Milimo ya Batumwi 28:10

Bakatupa shipo shiinji. Nditwakenjila mubwaato bunene ayi tunooya, bakabikaamo ashimwi shintu shakalinga kuyandika mulweendo lwesu.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Loma 16:12

Muŋashileko Tilayifena alimwi aTilayifosa abo basebensela Mwaami Jesu alimwi ndaansha aPesisi mweensuma usunikwi uyo wasebensela Mwaami abuumbi.

Bene Loma 15:27

Beene mbobakayeeya kucita boobo. Nakubi boobo balyeelete kucafwa bakandu. BaJuda bakabaana shoolwe sha Mushimu abaswamashi bakunsengwe. Paceebo ceeco baswamashi bakunsengwe balyeelete kucafwa baJuda, kwiinda mukubapa shintu shiyandika mubuumi bwabo.

Bene Filipi 4:3

Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.

1 Bene Kolinto 16:16

mukonkele butanjilili bwa bantu bamushobo wooyu, abamwi batoosebensela pantu pomwi ambabo.

Milimo ya Batumwi 11:30

Ndibakamana kubunganya shipo shabo, bakapa Banabasi aSaulo ayi batole kubamatanjilili ba mucoonde ca kuJelusalemu.

2 Baami 2:9

Ndibakasubuka, Elija wakaambila Elisha ayi, “Ndwiite ncoosuni ayi nkucitile kaantana kutolwa.” Elisha wakakumbula ayi, “Ndisuni ntambule nkusu nshemwalinga kusebensesha kwaamba ayi mpyane musena wanu.”

2 Timoti 4:2

unooshimikila maswi akwe Lesa, muciindi bantu ndibasuni kukutika nabi tau. Kobalulika, kubakalalila alimwi akubayumya mukubeeisha camoyonteeka.

1 Timoti 4:16

Cenjela abuumi bwako alimwi akwiisha kwako. Kotolelela kucita shintu ishi ceebo mukucita boobo ulaakulipulusha omwiine alimwi abaabo bakukutika.

1 Timoti 3:5

Ceebo na muntu taaendeleshi kabotu bamuŋanda yakwe, ino inga weendelesha buyani coonde cakwe Lesa?

Bene Filipi 2:16

pakubalwiita maswi abuumi. Na mwacita boobo, ndaakuba asheebo shakunsangalasha ceebo ca ndimwe paBushiku ubo aakuboola Klistu, mukwiinga cilaakutondesha ayi ndakacicila nabi kusebensela ciliiwo.

Mateyo 24:25

Amunyumfwishe mukwiinga nebo ndamulwiitilabo limwi shintu shoonse kashitana kucitika.

Bene Ebulu 13:24

Mutwaanshisheko bamatanjilili banu alimwi abantu bakwe Lesa boonse. Bamakwabesu ba kuItali bamwaansha.

1 Timoti 4:10

Nceceeco ncetusebensela cankusu akulwisha ceebo kulangila kwesu kuli muli Lesa muumi, uyo ngomupulushi wa bantu boonse, bunene bunene abo bashoma.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

Milimo ya Batumwi 20:35

Mushintu shoonse ndakamubonesha ayi kwiinda mukusebensa cankusu bweenka mbuli mbondakasebensa, inga twacafwa baabo batacite nkusu. Lyoonse kamwiibaluka maswi akaamba Mwaami Jesu ayi, ‘Kupa kulaleta shoolwe kwiinda kutambula.’ ”

Joni 4:38

Ndamutuma kuya mukutebula nshemutakwe kulima. Bakalima mbambi, ono mwebo mwacaninaawo mpindu pancito yabo.”

Luka 12:42

Mwaami Jesu wakakumbula ayi, “Ino nguli musebenshi ushomeka ucite maano? Ngooyo mwaami wakwe ngwaakapa mulimo wakweendelesha ŋanda yakwe akunoopa babye cakulya paciindi ceelete.

Sekaliya 9:12

“Amuboole mwebo nomuli mucishi ca busha, ee, mwebo nomucite kulangila. Amupiluke kucishi uko nkomutacite cakulisukama. Bulya ndashomesha ayi ndaakumubooshesha shoolwe shobilo palipensho lyomwi alyomwi ilyo ndyemwakeendaamo.

Jelemiya 17:18

Boonse bampensha, abalenshekwe nsoni. Sombi nebo amumfuune ayi ntalenshekwi nsoni. Balo abaloonde, sombi nebo amumfuune ayi ntaloondi. Amubanyonyoole, ee, kubanyonyweetabo limwi.

Jelemiya 16:18

Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

Isaya 40:2

Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

1 Timoti 5:3

Kolemeka bamukalubinje banakashi batacite beshikubacafwa.

1 Timoti 4:6

Na weeisha bashominyoko shintu ishi ulaakuba musebenshi mubotu wakwe Klistu Jesu, ulishikwa mumushimu amaswi alushomo lwesu alimwi akwiisha kwa lushinisho uko nkowakakonkela.

1 Bene Kolinto 3:9

Swebo soonse tuli basebenshi bakwe Lesa, mwebo muli muunda wakwe. Alimwi muli Ŋanda yakwe Lesa.

1 Timoti 4:14

Utasuuli cipo ico ncewakapekwa balaluki ndibakashimikila makani akwe Lesa, ciindi likoto lya bamatanjilili ndilyakabika maansa pali ndiwe.

1 Timoti 5:19

Utanoosumina cikani caambwa pamutanjilili wa coonde, sombibo na caletwa abakamboni bobilo nabi botatwe.

Shakubelenga 18:31

Ono mwebo alimwi abamumaandaanu inga mwalita kuli koonse nkomusuni shoonse nsheenga shacaalaawo, mukwiinga ngomalipilo anu pamulimo ngomucita muTente ya Cipangano.

Dutolonomi 18:8

Ulyeelete kunoopekwa shakulya sheelene asheesho shitootambula bapailishi bamwi, nacibi kwaamba ayi wakatambula maali akoolishikwa shintu sha bamuŋanda yakwe.