1 Timoti 5:10 - Baibo Busansulushi Bwa Libuku Ili

¹⁰ ucite mpuwo ibotu ya milimo yakwe. Ulyeelete kuba mwanakashi wakakusha kabotu bana bakwe, wakalinga kutambula beensu muŋanda yakwe, wakalinga kucita milimo yakulibombya kubashominyina, wakalinga kucafwa bantu mumapensho alimwi wakalibenga kucita shintu shibotu.

1 Timoti 5:10 교차 참조

1 Timoti 6:18

Ubaambile ayi banoocita shibotu, kwaamba ayi babile mumicito ibotu. Balyeelete kuba bantu bapa camaansa obilo alimwi balibambite kupa bamwi shintu.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

Milimo ya Batumwi 9:36

Mundabala ya Jopa mwakalinga kwikala mwanakashi wakalinga kushoma muli Jesu wiitwa ayi Tabita (muciGiliki liina lyakwe nguDokasi nkokwaamba ayi nalufwi). Mwanakashi uyu wakalinga kucita milimo ibotu lyoonse akunoocafwa bakandu.

Taitasi 3:1

Ibalusha bantu bako ayi banoonyumfwila bamaami abeendeleshi. Banoobakonkela akulibambila kucita milimo yoonse kabotu kabotu.

Taitasi 2:7

Mushintu shoonse webo ulyeelete kuba citondesho mukucita milimo ibotu. Koiisha cakushomeka abulemu.

2 Timoti 3:17

Nkokwaamba ayi muntu utoosebensela Lesa abe wooyo ukonsha kucita micito ibotu ili yoonse.

Bene Loma 12:13

Kamupawo bene Klistunyinaanu shintu shiyandika kuli mbabo, alimwi akutambula beensu camaansa obilo mumaandaanu.

Luka 7:44

Mpeeke wakalanga kumwanakashi uyo akwaambila Simoni ayi, “Sa wamubona mwanakashi uyu? Mbondashikila muŋanda yako tookwe kumpaawo maanshi akusamba kushimpanta. Sombi lakwe wasansha shimpanta shangu aminsonshi yakwe akushipukuta amisusu yakwe.

Mateyo 5:16

Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

Bene Ebulu 13:21

Lesa uyo amupe shibotu shoonse shiyandika kwaamba ayi mucite kuyanda kwakwe alimwi ayi kwiinda muli Jesu Klistu, acite shimukondelesha muli ndiswe. Kuli Klistu akube bulemu lyoonse alyoonse! Ameni.

Bene Ebulu 13:2

Mutaluubi kutambula kabotu beensu mumaandaanu. Nkobali bamwi bakatambula beensu, sombi kabateshi ayi mbaanjelo bakwe Lesa.

Bene Ebulu 10:24

Katuyeeya bamakwabesu kwaamba ayi tunoocafwana kubonesha lusuno lwancinencine alimwi akucita shibotu.

Taitasi 3:14

Bantu besu balyeelete kwiiya kusebensesha ciindi mukucita shintu shibotu, kwaamba ayi bacafwilishe mushintu shiyandika cancinencine, kuteshi kwikala buumi butacite mpindu.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Luka 7:38

Wakashika weemikana kwisule lyakwe Jesu pafwaafwi ashimpanta kaalilabo buumpute. Wakatontosha shimpanta shakwe Jesu aminsonshi yakwe akutalika kwiipukuta amisusu yakwe. Mpeeke wakafyonta shimpanta akushitila mafuta ayo.

Matalikilo 18:4

Amuleke kuletwewo tumaanshi musambe kushimpanta. Amookeshe mucisamu umu.

3 Joni 1:12

Boonse bantu balaamba ayi Demetiliyasi uli kabotu, alwalo lushinisho mbomunya. Aswebo tutoopa bukamboni pali nguwe alimwi ulishi kwaamba ayi bukamboni bwesu mbwancinencine,

1 Pita 4:9

Pakufwakashilana mumaandaanu amutambulane cakutatongooka.

2 Timoti 3:15

alimwi uleebaluka kwaamba ayi kuswa kubwanike ulishi Malembo akwe Lesa asalalite, ayo akonsha kukupa busongo bweenga bwakuletela lupulusho kwiinda mukushoma Klistu Jesu.

2 Timoti 2:21

Na muntu walisalasha akushiya shintu shitaluleme isho, ulaba mbuli cisebensesho ca ciindi ceelete mukwiinga walyaaba kuMwaami wakwe kwaamba ayi amusebenseshe mumicito ibotu ili yoonse.

2 Timoti 1:5

Ndeebaluka lushomo lwako lwancinencine. Lushomo ulo lwakalinga muli bankambiyako banakashi baLoisi abanyoko baYunisi, alimwi ndishi kwaamba ayi moluli amuli ndiwe.

1 Timoti 5:25

Mbweeke ubo milimo ibotu ilaboneka patuba alimwi ayeeyo itaboneki patuba teekoonshi kushisikwa.

1 Timoti 2:10

Sombi baliboteshe amilimo ibotu yeelete banakashi balyaamba ayi balalambila Lesa.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Efeso 2:10

Ceebo cakuba muli Klistu, Lesa wakalengesha ayi tube mbotubete bulya, kwaamba ayi tucite milimo ibotu iyo Lesa njaakabambilabo limwi ayi twiiciite.

Milimo ya Batumwi 22:12

“Mundabala inene iyi mwakalinga musankwa wiitwa ayi Ananiyasi wakalinga kulambila Lesa amoyo wakwe woonse alimwi akukonkela Milawo. Wakalinga kulemekwa kubaJuda boonse ba kooko.

Milimo ya Batumwi 10:22

Basankwa aba bakakumbula ayi, “NguKonelyasi, munene wa bashilumamba bali mwaanda, watutuma. Ngumuntu ululeme, ulambila Lesa alimwi ulalemekwa bumbi abaJuda. Munjelo wakwe Lesa ngowakalwiita Konelyasi ayi akwiite kuŋanda yakwe mukunyumfwa ceeco nceshi ukamulwiite.”

Milimo ya Batumwi 9:39

Mpomunyaawo Pita wakalibambila akuyaabo. Ndyaakashika, bakamutola mucipinda ca peculu umo bamukalubinje banakashi mobakamushinguluka kabalila. Lyalo bakatalika kumubonesha minjila ashakufwala sha peculu shakatunga Dokasi kaacili muumi.

Milimo ya Batumwi 6:3

Anu nobamakwesu, amusale basankwa bali bosanwe abobilo kuswa mulikoto lyanu, abo bashibikitwe ayi baliswite Mushimu Usalashi alimwi mbasongo kwaamba ayi tubape mulimo uyu.

Isaya 1:17

Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

Kulumbaisha 119:4

Mwebo noBaami baLesa mwakapa milasho yanu iyo yeelete kunookonkelwa cakushomeka.

Bene Lefi 25:35

“Na mwine Isilaelinyoko ngobambenaakwe waba mukandu akunokwaalilwa kulicafwa, ulyeelete kumucafwa bweenka mbweenga wacafwa musebenshi, kwaamba ayi atolelele kunookala pafwaafwi awebo.

Matalikilo 24:32

Mpeeke wakenjila muŋanda, lyalo Labani wakaselusha shakalinga kuyumwite ngamela akushipa bwiisu bwakoonaawo ashakulya sha nshisho. Kuswawaawo wakaleta maanshi ayi musebenshi wakwe Abulaamu uyo abantu bakwe basambe kumyeendo.

Matalikilo 19:2

akwaamba ayi, “Nobamaami bangu, nebo ndiwaano kwaamba ayi mucaafwe. Ndasengesha ayi tushike kuŋanda yangu. Inga mwasambaako kushimpanta alimwi akoona kwaamba ayi ciilo mukafumebo kunooya palweendo lwanu.” Sombi bakakumbula ayi, “Ne, tutokoona pansengwe mweenka muno mundabala inene.”

1 Timoti 5:16

Ono na kuli mwanakashi mushomi ucite bamakwabo bamukalubinje banakashi, lakwe abacaafwe kwaamba ayi coonde citabi amukuli uyu, sombi cicafwe bamukalubinje batacite beshikubacafwa.

1 Timoti 3:7

Bantu bakunsengwe balyeelete kunoomulemeka kwaamba ayi atakanyumfwi nsoni akucatwa mukoose kakwe Satana.

Matalikilo 43:24

Musebenshi wakabatola muŋanda. Wakabapa maanshi akusamba kumyeendo alimwi mbongolo shabo wakashisanina.

1 Timoti 3:2

Mutanjilili ulyeelete kuba muntu utacite kampenda, weebetebo mwanakashi womwi, ulibika mpaaelete, ulitibuka, ulemekwa, shikutambula beensu, ukonsha kwiisha bantu.

Mateyo 25:17

Alakwe wabili bweenka, wakacaninawo shuulu shobilo alimwi.