1 Timoti 4:8 - Baibo Busansulushi Bwa Libuku Ili

⁸ Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.

1 Timoti 4:8 교차 참조

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

1 Timoti 6:6

Ee, kupaila kulabilisha muntu abuumbi, kulilabo na ulabona ayi isho nshaacite nshiinji.

Tushimpi 22:4

Kulibombya akuloonda Mwaami Lesa, nkokuletela bubile, bulemu abuumi bulaamfu.

Tushimpi 19:23

Kuloonda Mwaami Lesa nkokuletela buumi, lyalo muntu ulekala kwakubula cakulisukama alimwi kwakubula makatasho.

1 Joni 2:25

Ncakwiila Klistu ncaakatushomesha, mbuumi butamaani.

Maako 10:30

eshi akabule kutambula myaanda ya shintu paciindi cino. Uyo ulaakuba amaanda aanji, banandumi abanankashi shakwe baanji, banyina abaana baanji alimwi amyuunda iinji, sombi ulaakutambula alimwi amapensho. Ono sombi muciindi citoosa, ulaakutambula buumi butamaani.

Kulumbaisha 37:29

Baluleme balaakubwesa cishi ayi ncabo. Balaakunookalaamo kwamuyayaya.

Kulumbaisha 37:11

Sombi balibombya balaakwikala mucishi cakashomeshekwa, kwikala cakusangalala muluumuno akuswitilila.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.

Isaya 3:10

Amulwiite baluleme ayi balo shintu shilaakunoobeendela kabotu. Ceebo balaakusangalala mumilimo ya maansaabo beene.

Shikushimikila 8:12

Mucita shibi inga wacita milandu ili mwaanda akwikala buumi bulaamfu, nabi bamwi balaamba ayi, “Na muntu walemeka Lesa, shintu shoonse shilaakumweendela kabotu.

Kulumbaisha 145:19

Abo bamulemeka ulabapa shoonse nshebasuni. Ulanyumfwa kulila kwabo akubafuna.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

Jobo 22:2

“Ino muntu ulicite ncitonshi kuli Lesa? Nabi musongo, nincitonshi njaacite kuli nguwe?

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.

Ciyubululo 3:12

Uyo weshi akakome, ndaakulengesha ayi akabe licinko lya muŊanda yakwe Lesa wangu alimwi teshi akasweemo. Pali nguwe ndaakulemba liina lyakwe Lesa wangu alimwi alya ndabala inene yakwe Lesa wangu, nkokwaamba ayi Jelusalemu ipya, iyo njeshi ikaswe kwiculu kuli Lesa wangu. Ndaakulemba aliina lyangu lipya pali nguwe.’

1 Bene Kolinto 8:8

Cakulya tacitusenyi pafwaafwi aLesa. Taaku ncetusowekelwa na twabula kulya, nabi cicanwa kwiinda mukulya.

Jelemiya 6:20

Anu nimpindunshi iliimo mutununkila kabotu pakutenta twa kuSheba nabi tununkila kabotu mubuyani tuswa kucishi cakulaamfu? Milambu yanu yakutenta nshiitambuliiwo, sobwe. Ncakwiila milambu yanu teensangalashiiwo.”

Isaya 33:16

Uyu ngomuntu weshi akabule cakulisukama. Uyo ulaakunoolibo anga ngumuntu ucite ciyubilo pakalundu. Ulaakunoopekwa shakulya aalo maanshi teshi akamumanineewo.

Kulumbaisha 37:9

Ceebo bamucita shibi balaakunyonyoolwa. Sombi abo balangila lucafwo kuswa kuMwaami Lesa balaakubwesa cishi.

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

1 Bene Kolinto 3:22

Paulo, Apolosi aPita, cishi cino, buumi nabi lufu, shiliiwo asheesho sheshi shikabeeko, shoonse nshanu.

Mateyo 19:29

Uyo woonse wakashiya maanda, banandumi shakwe, banankashi shakwe, baishi, banyina, baana nabi myuunda ceebo ca liina lyangu, ulaakutambula shiinji abuumbi kwiinda sheesho nshaakashiya alimwi ulaakuba abuumi butamaani.

Jobo 36:11

Na banyumfwila Lesa akumusebensela, balaakwikala muluumuno akuswitilila mubuumi bwabo boonse.

Mateyo 12:32

Uyo woonse waamba maswi abiibi kuMwanaaMuntu inga walekelelwa. Sombi uyo woonse ucobola Mushimu Usalashi teshi akalekelelwe, bulya nabi ciindi citoosa.”

1 Timoti 4:7

Swaako kushintu isho shili anga ntulabi shitacite ncito. Webo usukamebo kuliisha kwikala kweelana akuyanda kwakwe Lesa.

1 Timoti 6:3

Muntu uli woonse wiisha njiisho shipusene alimwi shiteendelani amaswi aMwaami wesu Jesu Klistu akwiisha kwesu kuswa kuli Lesa,

1 Timoti 6:5

alimwi akwaambana kuteeli kuswa kubantu abo bacite miyeeyo ibiibi batakoonshi kwishiba shalushinisho. Balo balayeeya ayi kupaila Lesa ninshila yakubililaamo.

2 Timoti 3:5

bantu bacite mbonekelo ya bushomi, sombi nkusu sha mbubo balashikaka. Bantu ba mushobo wooyo ubasoonoke.

Luka 5:38

Nkokwaamba ayi waini upya ulyeelete kubikwa munkomwe sha shipaya shipya.